51 shlokas
- 1
अथ होतारं विपृच्छति प्रणवम् उपांशुशंसं शंसिष्यसी३ विग्राहा३म् इति
atha hotāraṃ vipṛcchati praṇavam upāṃśuśaṃsaṃ śaṃsiṣyasī3 vigrāhā3m iti
- 2
स यथैनं होता प्रत्याह तच्छ्रुत्वा निगृह्य पात्रं पराङ् आवर्तते
sa yathainaṃ hotā pratyāha tacchrutvā nigṛhya pātraṃ parāṅ āvartate
- 3
इडा देवहूर् इति यावद् एतस्य यजुषः पर्याप्नोति तावज्जपति
iḍā devahūr iti yāvad etasya yajuṣaḥ paryāpnoti tāvajjapati
- 4
अभ्य् एनम् आह्वयते होता
abhy enam āhvayate hotā
- 5
प्रत्याह्वयते ऽध्वर्युः
pratyāhvayate 'dhvaryuḥ
- 6
शंसति
śaṃsati
- 7
प्रतिगृणाति
pratigṛṇāti
- 8
यद् उपांशु शंसति तद् उपांशु प्रतिगृणाति
yad upāṃśu śaṃsati tad upāṃśu pratigṛṇāti
- 9
यद् उच्चैः शंसति तद् उच्चैः प्रतिगृणाति
yad uccaiḥ śaṃsati tad uccaiḥ pratigṛṇāti
- 10
संततं वा विग्राहं वा
saṃtataṃ vā vigrāhaṃ vā
- 11
प्रसिद्धम् उक्थं प्रतिगीर्य प्राङ् एत्योद्यच्छत एतम् ऐन्द्राग्नं ग्रहम्
prasiddham ukthaṃ pratigīrya prāṅ etyodyacchata etam aindrāgnaṃ graham
- 12
अनूद्यच्छन्ते नाराशंसान्
anūdyacchante nārāśaṃsān
- 13
अथाश्रावयत्य् ओ श्रावयास्तु श्रौषड् उक्थशा यज सोमस्येति
athāśrāvayaty o śrāvayāstu śrauṣaḍ ukthaśā yaja somasyeti
- 14
वषट्कृतानुवषट्कृते द्विर्जुहोति
vaṣaṭkṛtānuvaṣaṭkṛte dvirjuhoti
- 15
तथैव द्विर्द्विर्नाराशंसान् अनुप्रकम्पयन्ति
tathaiva dvirdvirnārāśaṃsān anuprakampayanti
- 16
एतत्पात्रं नाराशंसा अन्वायन्ति
etatpātraṃ nārāśaṃsā anvāyanti
- 17
अनुसवनभक्ष इन्द्राग्निभ्यां पीतस्येति
anusavanabhakṣa indrāgnibhyāṃ pītasyeti
- 18
होता चैवाध्वर्युश्चैतत्पात्रं संभक्षयतो नराशंसपीतेन नाराशंसान्नराशंसपीतस्य सोम देव ते मतिविदः प्रातःसवनस्य गायत्रच्छन्दसः पितृपीतस्य मधुमत उपहूतस्योपहूतो भक्षयामीति
hotā caivādhvaryuścaitatpātraṃ saṃbhakṣayato narāśaṃsapītena nārāśaṃsānnarāśaṃsapītasya soma deva te matividaḥ prātaḥsavanasya gāyatracchandasaḥ pitṛpītasya madhumata upahūtasyopahūto bhakṣayāmīti
- 19
होतृचमसम् एवैते त्रयः समुपहूय भक्षयन्ति
hotṛcamasam evaite trayaḥ samupahūya bhakṣayanti
- 20
यथाचमसं चमसान्
yathācamasaṃ camasān
- 21
हिन्व म इत्य् आत्मानं प्रत्यभिमृशन्ते
hinva ma ity ātmānaṃ pratyabhimṛśante
- 22
आप्याययन्ति चमसान् आप्यायस्व समेतु त इति
āpyāyayanti camasān āpyāyasva sametu ta iti
- 23
सीदन्ति नाराशंसा आप्यायिता दक्षिणस्य हविर्धानस्यापालम्बम् अधोऽधो वैश्वदेवाय
sīdanti nārāśaṃsā āpyāyitā dakṣiṇasya havirdhānasyāpālambam adho'dho vaiśvadevāya
- 24
अथ प्राङ् एत्य शुक्रपात्रम् आददान आहोन्नेतर्यदेमं वैश्वदेवं ग्रहम्गृह्णाम्य् अथोदञ्चं राजानं पूतभृतम् अभि संपवयताद्दशाभिर्द्रोणकलशं मृष्ट्वा न्युब्जताद् इति
atha prāṅ etya śukrapātram ādadāna āhonnetaryademaṃ vaiśvadevaṃ grahamgṛhṇāmy athodañcaṃ rājānaṃ pūtabhṛtam abhi saṃpavayatāddaśābhirdroṇakalaśaṃ mṛṣṭvā nyubjatād iti
- 25
स तथा करोति
sa tathā karoti
- 26
स शुक्रपात्रेण वैश्वदेवं कलशाद्गृह्णात्य् ओमासश्चर्षणीधृत इत्य् अनुद्रुत्योपयामगृहीतो ऽसि विश्वेभ्यस्त्वा देवेभ्यो जुष्टं गृह्णामीति
sa śukrapātreṇa vaiśvadevaṃ kalaśādgṛhṇāty omāsaścarṣaṇīdhṛta ity anudrutyopayāmagṛhīto 'si viśvebhyastvā devebhyo juṣṭaṃ gṛhṇāmīti
- 27
परिमृज्य सादयत्य् एष ते योनिर्विश्वेभ्यस्त्वा देवेभ्य इति
parimṛjya sādayaty eṣa te yonirviśvebhyastvā devebhya iti
- 28
अथाप उपस्पृश्य बर्हिषी आदाय वाचंयमः प्रत्यङ्द्रुत्वा स्तोत्रम् उपाकरोति
athāpa upaspṛśya barhiṣī ādāya vācaṃyamaḥ pratyaṅdrutvā stotram upākaroti
- 29
स्तुवते वैश्वदेवाय
stuvate vaiśvadevāya
- 30
होत्र एषोत्तमेति प्राहुः
hotra eṣottameti prāhuḥ

