30 shlokas
- 1
ब्राह्मणाच्छंसिनश्चमसम् अनून्नयध्वम् उन्नेतः सोमं प्रभावयेति
brāhmaṇācchaṃsinaścamasam anūnnayadhvam unnetaḥ somaṃ prabhāvayeti
- 2
ब्राह्मणाच्छंसिनश्चमसम् एव प्रथमम् उन्नयन्ति
brāhmaṇācchaṃsinaścamasam eva prathamam unnayanti
- 3
यथोपपादम् इतरान्
yathopapādam itarān
- 4
समुन्नीयोत्तरवेद्यां संसादयन्ति
samunnīyottaravedyāṃ saṃsādayanti
- 5
अथादत्त उक्थ्यस्थाल्या औपशयं पात्रम्
athādatta ukthyasthālyā aupaśayaṃ pātram
- 6
तस्मिन्न् एतस्य राज्ञो ऽर्धवेलां गृह्णाति य उक्थ्यस्थाल्यां भवत्य् उपयामगृहीतो ऽसि देवेभ्यस्त्वा देवायुवम् उक्थ्येभ्य उक्थायुवं यज्ञस्यायुष इन्द्राय त्वा जुष्टं गृह्णामीति
tasminn etasya rājño 'rdhavelāṃ gṛhṇāti ya ukthyasthālyāṃ bhavaty upayāmagṛhīto 'si devebhyastvā devāyuvam ukthyebhya ukthāyuvaṃ yajñasyāyuṣa indrāya tvā juṣṭaṃ gṛhṇāmīti
- 7
पुनर्हविर् असीत्य् उक्थ्यस्थालीं प्रत्यभिमृशति
punarhavir asīty ukthyasthālīṃ pratyabhimṛśati
- 8
परिमृज्य सादयत्य् एष ते योनिर् इन्द्राय त्वेति
parimṛjya sādayaty eṣa te yonir indrāya tveti
- 9
अथाप उपस्पृश्य बर्हिषी आदाय वाचंयमः प्रत्यङ्द्रुत्वा स्तोत्रम् उपाकरोति
athāpa upaspṛśya barhiṣī ādāya vācaṃyamaḥ pratyaṅdrutvā stotram upākaroti
- 10
स्तुवते
stuvate
- 11
ब्राह्मणाच्छंसिन एषोत्तमेति प्राहुः
brāhmaṇācchaṃsina eṣottameti prāhuḥ
- 12
ब्राह्मणाच्छंसिनः कालात्पराङ् आवर्तते प्रतिप्रस्थाता
brāhmaṇācchaṃsinaḥ kālātparāṅ āvartate pratiprasthātā
- 13
अभ्य् एनम् आह्वयते ब्राह्मणाच्छंसी
abhy enam āhvayate brāhmaṇācchaṃsī
- 14
प्रत्याह्वयते प्रतिप्रस्थाता
pratyāhvayate pratiprasthātā
- 15
शंसति
śaṃsati
- 16
प्रतिगृणाति
pratigṛṇāti
- 17
प्रसिद्धम् उक्थं प्रतिगीर्य प्राङ् एत्योद्यच्छत एतं ग्रहम्
prasiddham ukthaṃ pratigīrya prāṅ etyodyacchata etaṃ graham
- 18
अनूद्यच्छन्ते चमसान्
anūdyacchante camasān
- 19
अथाश्रावयत्य् ओ श्रावयास्तु श्रौषड् उक्थशा यज सोमानाम् इति
athāśrāvayaty o śrāvayāstu śrauṣaḍ ukthaśā yaja somānām iti
- 20
वषट्कृतानुवषट्कृते द्विर्जुहोति
vaṣaṭkṛtānuvaṣaṭkṛte dvirjuhoti
- 21
तथैव द्विर्द्विः सर्वांश्चमसाञ्जुह्वति
tathaiva dvirdviḥ sarvāṃścamasāñjuhvati
- 22
अथ प्रदक्षिणम् आवृत्य ब्राह्मणाच्छंसिनश्चमसे ग्रहस्य संस्रावम् अवनयति हुतं त्वा हुते ऽवनयाम्य् ऊर्जस्वन्तं देवेभ्यो मधुमन्तं मनुष्येभ्य इति वा तूष्णीं वा
atha pradakṣiṇam āvṛtya brāhmaṇācchaṃsinaścamase grahasya saṃsrāvam avanayati hutaṃ tvā hute 'vanayāmy ūrjasvantaṃ devebhyo madhumantaṃ manuṣyebhya iti vā tūṣṇīṃ vā
- 23
अत्रैवैतत्पात्रम् उपनिधाय भक्षैः प्रत्यञ्च आद्रवन्ति
atraivaitatpātram upanidhāya bhakṣaiḥ pratyañca ādravanti
- 24
अनुसवनभक्ष इन्द्रेण पीतस्येति
anusavanabhakṣa indreṇa pītasyeti
- 25
ब्राह्मणाच्छंसिनश्चमसम् एवैते त्रयः समुपहूय भक्षयन्ति
brāhmaṇācchaṃsinaścamasam evaite trayaḥ samupahūya bhakṣayanti
- 26
यथाचमसं चमसान्
yathācamasaṃ camasān
- 27
हिन्व म इत्य् आत्मानं प्रत्यभिमृशन्ते
hinva ma ity ātmānaṃ pratyabhimṛśante
- 28
नाप्याययन्ति चमसान्
nāpyāyayanti camasān
- 29
सर्वभक्षा मार्जयन्ते
sarvabhakṣā mārjayante
- 30
अथ प्राङ् आयन्न् आह
atha prāṅ āyann āha

