63 shlokas
- 1
सम्प्रसृप्तान्विदित्वाध्वर्युः सवनीयान्पुरोडाशान्याचति
samprasṛptānviditvādhvaryuḥ savanīyānpuroḍāśānyācati
- 2
अथैष आग्नीध्रो जघनेन गार्हपत्यम् उपविश्य पात्र्यां पञ्चधोपस्तृणीते
athaiṣa āgnīdhro jaghanena gārhapatyam upaviśya pātryāṃ pañcadhopastṛṇīte
- 3
मध्यतः पुरोडाशम् उपस्तीर्णाभिघारितम् उद्वासयति
madhyataḥ puroḍāśam upastīrṇābhighāritam udvāsayati
- 4
पुरस्ताद्धानाः
purastāddhānāḥ
- 5
दक्षिणतः करम्भम्
dakṣiṇataḥ karambham
- 6
पश्चात्परिवापम्
paścātparivāpam
- 7
आमिक्षाम् उत्तरतः
āmikṣām uttarataḥ
- 8
अथैनानि सम्परिगृह्य पूर्वया द्वारोपनिर्हृत्योत्तरेण सदः परीत्योत्तरेणाग्नीध्रीयं धिष्णियं पर्याहृत्यान्तर्वेद्य् आसादयति
athaināni samparigṛhya pūrvayā dvāropanirhṛtyottareṇa sadaḥ parītyottareṇāgnīdhrīyaṃ dhiṣṇiyaṃ paryāhṛtyāntarvedy āsādayati
- 9
अथ जुहूपभृतोर् उपस्तृणान आह प्रातः प्रातःसावस्येन्द्राय पुरोडाशानाम् अवदीयमानानाम् अनुब्रूहीति
atha juhūpabhṛtor upastṛṇāna āha prātaḥ prātaḥsāvasyendrāya puroḍāśānām avadīyamānānām anubrūhīti
- 10
द्विः पुरोडाशस्यावद्यति
dviḥ puroḍāśasyāvadyati
- 11
द्विर्धानानाम्
dvirdhānānām
- 12
द्विः करम्भस्य
dviḥ karambhasya
- 13
द्विः परिवापस्य
dviḥ parivāpasya
- 14
द्विर् आमिक्षायाः
dvir āmikṣāyāḥ
- 15
अभिघारयति
abhighārayati
- 16
प्रत्यनक्ति
pratyanakti
- 17
अथोपभृति स्विष्टकृते सर्वेषां सकृत्सकृद् उत्तरार्धाद् अवद्यति
athopabhṛti sviṣṭakṛte sarveṣāṃ sakṛtsakṛd uttarārdhād avadyati
- 18
द्विर् अभिघारयति
dvir abhighārayati
- 19
न प्रत्यनक्ति
na pratyanakti
- 20
अत्याक्रम्याश्राव्याह प्रातः प्रातःसावस्येन्द्राय पुरोडाशान्प्रस्थितान्प्रेष्येति
atyākramyāśrāvyāha prātaḥ prātaḥsāvasyendrāya puroḍāśānprasthitānpreṣyeti
- 21
वषट्कृते जुहोति
vaṣaṭkṛte juhoti
- 22
अथ समावपमान आहाग्नये ऽनुब्रूहीति
atha samāvapamāna āhāgnaye 'nubrūhīti
- 23
आश्राव्याहाग्नये प्रेष्येति
āśrāvyāhāgnaye preṣyeti
- 24
वषट्कृत उत्तरार्धपूर्वार्धे ऽतिहाय पूर्वा आहुतीर्जुहोति
vaṣaṭkṛta uttarārdhapūrvārdhe 'tihāya pūrvā āhutīrjuhoti
- 25
अथोदङ्ङ् अत्याक्रम्य यथायतनं स्रुचौ सादयित्वा पात्र्याम् इडां समवधाय प्रतीचः पुरोडाशान्प्रहिणोति
athodaṅṅ atyākramya yathāyatanaṃ srucau sādayitvā pātryām iḍāṃ samavadhāya pratīcaḥ puroḍāśānprahiṇoti
- 26
अनु हैके संयन्ति पशव इडेति वदन्तः
anu haike saṃyanti paśava iḍeti vadantaḥ
- 27
अथ प्राङ् आयन्न् आह वायव इन्द्रवायुभ्याम् अनुब्रूहीति
atha prāṅ āyann āha vāyava indravāyubhyām anubrūhīti
- 28
तच्छ्रुत्वा प्रतिप्रस्थातैन्द्रवायवस्य प्रतिनिर्ग्राह्यं गृह्णाति द्रोणकलशात्परिप्लुना पात्रेणादित्यस्थाल्या औपशये पात्र उपयामगृहीतो ऽसि वाक्षसद् असि वाक्पाभ्यां त्वा क्रतुपाभ्याम् अस्य यज्ञस्य ध्रुवस्याध्यक्षाभ्यां गृह्णामीति
tacchrutvā pratiprasthātaindravāyavasya pratinirgrāhyaṃ gṛhṇāti droṇakalaśātpariplunā pātreṇādityasthālyā aupaśaye pātra upayāmagṛhīto 'si vākṣasad asi vākpābhyāṃ tvā kratupābhyām asya yajñasya dhruvasyādhyakṣābhyāṃ gṛhṇāmīti
- 29
ग्रहाव् आदायोपनिष्क्रामति
grahāv ādāyopaniṣkrāmati
- 30
उपनिष्क्रान्तस्यैवाध्वर्युर्ग्रहाव् आदत्ते
upaniṣkrāntasyaivādhvaryurgrahāv ādatte

