31 shlokas
- 1
मैत्रावरुणस्य चमसम् अनून्नयध्वम् उन्नेतः सोमं प्रभावयेति
maitrāvaruṇasya camasam anūnnayadhvam unnetaḥ somaṃ prabhāvayeti
- 2
मैत्रावरुणचमसम् एव प्रथमम् उन्नयन्ति
maitrāvaruṇacamasam eva prathamam unnayanti
- 3
यथोपपादम् इतरान्
yathopapādam itarān
- 4
समुन्नीयोत्तरवेद्यां संसादयन्ति
samunnīyottaravedyāṃ saṃsādayanti
- 5
अथादत्त उक्थ्यस्थाल्या औपशयं पात्रम्
athādatta ukthyasthālyā aupaśayaṃ pātram
- 6
तस्मिन्न् एतस्य राज्ञस्तृतीयवेलां गृह्णाति य उक्थ्यस्थाल्यां भवत्य् उपयामगृहीतो ऽसि देवेभ्यस्त्वा देवायुवम् उक्थ्येभ्य उक्थायुवं यज्ञस्यायुषे मित्रावरुणाभ्यां त्वा जुष्टं गृह्णामीति
tasminn etasya rājñastṛtīyavelāṃ gṛhṇāti ya ukthyasthālyāṃ bhavaty upayāmagṛhīto 'si devebhyastvā devāyuvam ukthyebhya ukthāyuvaṃ yajñasyāyuṣe mitrāvaruṇābhyāṃ tvā juṣṭaṃ gṛhṇāmīti
- 7
पुनर्हविर् असीत्य् उक्थ्यस्थालीं प्रत्यभिमृशति
punarhavir asīty ukthyasthālīṃ pratyabhimṛśati
- 8
परिमृज्य सादयत्य् एष ते योनिर्मित्रावरुणाभ्यां त्वेति
parimṛjya sādayaty eṣa te yonirmitrāvaruṇābhyāṃ tveti
- 9
अथाप उपस्पृश्य बर्हिषी आदाय वाचंयमः प्रत्यङ्द्रुत्वा स्तोत्रम् उपाकरोति
athāpa upaspṛśya barhiṣī ādāya vācaṃyamaḥ pratyaṅdrutvā stotram upākaroti
- 10
स्तुवते
stuvate
- 11
मैत्रावरुणायैषोत्तमेति प्राहुः
maitrāvaruṇāyaiṣottameti prāhuḥ
- 12
मैत्रावरुणस्य कालात्पराङ् आवर्तते ऽध्वर्युः
maitrāvaruṇasya kālātparāṅ āvartate 'dhvaryuḥ
- 13
अभ्य् एनम् आह्वयते मैत्रावरुणः
abhy enam āhvayate maitrāvaruṇaḥ
- 14
प्रत्याह्वयते ऽध्वर्युः
pratyāhvayate 'dhvaryuḥ
- 15
शंसति
śaṃsati
- 16
प्रतिगृणाति
pratigṛṇāti
- 17
प्रसिद्धम् उक्थं प्रतिगीर्य प्राङ् एत्योद्यच्छत एतं ग्रहम्
prasiddham ukthaṃ pratigīrya prāṅ etyodyacchata etaṃ graham
- 18
अनूद्यच्छन्ते चमसान्
anūdyacchante camasān
- 19
अथाश्रावयत्य् ओ श्रावयास्तु श्रौषड् उक्थशा यज सोमानाम् इति
athāśrāvayaty o śrāvayāstu śrauṣaḍ ukthaśā yaja somānām iti
- 20
वषट्कृतानुवषट्कृते द्विर्जुहोति
vaṣaṭkṛtānuvaṣaṭkṛte dvirjuhoti
- 21
तथैव द्विर्द्विः सर्वांश्चमसाञ्जुह्वति
tathaiva dvirdviḥ sarvāṃścamasāñjuhvati
- 22
अथ प्रदक्षिणम् आवृत्य मैत्रावरुणस्य चमसे ग्रहस्य संस्रावम् अवनयति हुतं त्वा हुते ऽवनयाम्य् ऊर्जस्वन्तं देवेभ्यो मधुमन्तं मनुष्येभ्य इति वा तूष्णीं वा
atha pradakṣiṇam āvṛtya maitrāvaruṇasya camase grahasya saṃsrāvam avanayati hutaṃ tvā hute 'vanayāmy ūrjasvantaṃ devebhyo madhumantaṃ manuṣyebhya iti vā tūṣṇīṃ vā
- 23
अत्रैवैतत्पात्रम् उपनिधाय भक्षैः प्रत्यञ्च आद्रवन्ति
atraivaitatpātram upanidhāya bhakṣaiḥ pratyañca ādravanti
- 24
अनुसवनभक्षो मित्रावरुणाभ्यां पीतस्येति
anusavanabhakṣo mitrāvaruṇābhyāṃ pītasyeti
- 25
मैत्रावरुणचमसम् एवैते त्रयः समुपहूय भक्षयन्ति
maitrāvaruṇacamasam evaite trayaḥ samupahūya bhakṣayanti
- 26
यथाचमसं चमसान्
yathācamasaṃ camasān
- 27
हिन्व म इत्य् आत्मानं प्रत्यभिमृशन्ते
hinva ma ity ātmānaṃ pratyabhimṛśante
- 28
नाप्याययन्ति चमसान्
nāpyāyayanti camasān
- 29
सर्वभक्षा मार्जयन्ते
sarvabhakṣā mārjayante
- 30
अथाह प्रतिप्रस्थातर्ग्रहौ ते प्रचरेति
athāha pratiprasthātargrahau te pracareti

