23 shlokas
- 1
प्रातर्यावभ्यो देवेभ्यो होतर् अनुब्रूहि ब्रह्मन्वाचं यच्छ सुब्रह्मण्य सुब्रह्मण्याम् आह्वयाग्नीत्सवनीयान्निर्वप प्रतिप्रस्थातः खरे पात्राणि युङ्धीति
prātaryāvabhyo devebhyo hotar anubrūhi brahmanvācaṃ yaccha subrahmaṇya subrahmaṇyām āhvayāgnītsavanīyānnirvapa pratiprasthātaḥ khare pātrāṇi yuṅdhīti
- 2
यथासंप्रैषं ते कुर्वन्ति
yathāsaṃpraiṣaṃ te kurvanti
- 3
प्रतिपद्यत एष होता प्रातरनुवाकम्
pratipadyata eṣa hotā prātaranuvākam
- 4
यच्छति ब्रह्मा वाचम्
yacchati brahmā vācam
- 5
आह्वयति सुब्रह्मण्यः सुब्रह्मण्याम्
āhvayati subrahmaṇyaḥ subrahmaṇyām
- 6
तस्याम् आहुतायां ब्रह्मा वाचं विसृजते
tasyām āhutāyāṃ brahmā vācaṃ visṛjate
- 7
निर्वपत्य् एष आग्नीध्र ऐन्द्रान् एकादशकपालान्सवनीयान्
nirvapaty eṣa āgnīdhra aindrān ekādaśakapālānsavanīyān
- 8
तेषां व्रीहिष्व् एव हविष्कृतम् उद्वादयति
teṣāṃ vrīhiṣv eva haviṣkṛtam udvādayati
- 9
उपोद्यच्छन्ते यवान्
upodyacchante yavān
- 10
अथ प्रतिप्रस्थाता खरे पात्राणि युनक्ति
atha pratiprasthātā khare pātrāṇi yunakti
- 11
पूर्वार्धे खरस्य दक्षिणाशिरसम् उपांशुसवनं निदधाति दक्षिणत उपांशुपात्रम् उत्तरतो ऽन्तर्यामपात्रम् उपसंस्पृष्टे
pūrvārdhe kharasya dakṣiṇāśirasam upāṃśusavanaṃ nidadhāti dakṣiṇata upāṃśupātram uttarato 'ntaryāmapātram upasaṃspṛṣṭe
- 12
असंस्पृष्टे अभिचरतः
asaṃspṛṣṭe abhicarataḥ
- 13
पश्चाद्द्विदेवत्यपात्राण्य् अन्वञ्च्यैन्द्रवायवपात्रं मैत्रावरुणपात्रम् आश्विनपात्रम्
paścāddvidevatyapātrāṇy anvañcyaindravāyavapātraṃ maitrāvaruṇapātram āśvinapātram
- 14
पश्चाच्छुक्रामन्थिनोः प्रबाहुग्दक्षिणं शुक्रपात्रम् उत्तरं मन्थिपात्रम्
paścācchukrāmanthinoḥ prabāhugdakṣiṇaṃ śukrapātram uttaraṃ manthipātram
- 15
अग्रेण मन्थिपात्रम् ऋतुपात्रे
agreṇa manthipātram ṛtupātre
- 16
पश्चाद् आग्रयणस्थालीम्
paścād āgrayaṇasthālīm
- 17
दक्षिणस्यां खरश्रोण्याम् आदित्यस्थालीं सोपशयाम्
dakṣiṇasyāṃ kharaśroṇyām ādityasthālīṃ sopaśayām
- 18
उत्तरस्यां खरश्रोण्याम् उक्थ्यस्थालीं सोपशयाम्
uttarasyāṃ kharaśroṇyām ukthyasthālīṃ sopaśayām
- 19
उत्तरस्य हविर्धानस्याग्रेणोपस्तम्भनम् अनुपोप्ते ध्रुवस्थालीम्
uttarasya havirdhānasyāgreṇopastambhanam anupopte dhruvasthālīm
- 20
अन्तरेण पूतभृदाधवनीयौ चमसान्
antareṇa pūtabhṛdādhavanīyau camasān
- 21
दक्षिणस्य हविर्धानस्य पश्चाद् अक्षं द्रोणकलशं दशापवित्रे इति निदधाति
dakṣiṇasya havirdhānasya paścād akṣaṃ droṇakalaśaṃ daśāpavitre iti nidadhāti
- 22
अथैनान्य् अभिमृशत्य् अग्निर्देवता गायत्री छन्द उपांशोः पात्रम् असीति दशभिर्दश
athaināny abhimṛśaty agnirdevatā gāyatrī chanda upāṃśoḥ pātram asīti daśabhirdaśa
- 23
अथाध्वर्युः सं वा विशति कर्माणि वानुप्रेक्षमाण आस्ते
athādhvaryuḥ saṃ vā viśati karmāṇi vānuprekṣamāṇa āste

