42 shlokas
- 1
अच्छावाकस्य चमसम् अनून्नयध्वम् उन्नेतः सर्वश एव राजानम् उन्नय मातिरीरिचः प्रतिप्रस्थातर् उपैतेन ग्रहेण रमैहि यजमानेति
acchāvākasya camasam anūnnayadhvam unnetaḥ sarvaśa eva rājānam unnaya mātirīricaḥ pratiprasthātar upaitena graheṇa ramaihi yajamāneti
- 2
पूर्वया द्वारा हविर्धानं प्रपाद्याथैतच्चर्म फलकयोः प्राचीनग्रीवम् उत्तरलोमोपस्तृणाति यज्ञ प्रतितिष्ठेति वा तूष्णीं वा
pūrvayā dvārā havirdhānaṃ prapādyāthaitaccarma phalakayoḥ prācīnagrīvam uttaralomopastṛṇāti yajña pratitiṣṭheti vā tūṣṇīṃ vā
- 3
तस्मिन्संमुखान्ग्राव्णः कृत्वा दक्षिणस्य हविर्धानस्यान्तरेणेषे राजानम् उपावहरति हृदे त्वा मनसे त्वा सोम राजन्न् एह्य् अवरोहेति द्वाभ्याम्
tasminsaṃmukhāngrāvṇaḥ kṛtvā dakṣiṇasya havirdhānasyāntareṇeṣe rājānam upāvaharati hṛde tvā manase tvā soma rājann ehy avaroheti dvābhyām
- 4
अथैनम् उद्गातृभ्यः प्राहुः
athainam udgātṛbhyaḥ prāhuḥ
- 5
तस्मिंस्तच्चेष्टन्ति यत्ते विदुः
tasmiṃstacceṣṭanti yatte viduḥ
- 6
अथोदुब्ज्याधवनीयम् अर्धं वसतीवरीणाम् अवनयति
athodubjyādhavanīyam ardhaṃ vasatīvarīṇām avanayati
- 7
अर्धम् एकधनानाम्
ardham ekadhanānām
- 8
पुरो ऽक्षं वसतीवरीः सादयति
puro 'kṣaṃ vasatīvarīḥ sādayati
- 9
पश्चाद् अक्षम् एकधनान्
paścād akṣam ekadhanān
- 10
अच्छावाकचमसम् एव प्रथमम् उन्नयन्ति
acchāvākacamasam eva prathamam unnayanti
- 11
यथोपपादम् इतरान्
yathopapādam itarān
- 12
सर्वश एव राजानं समुन्नीयोत्तरवेद्यां संसादयन्ति
sarvaśa eva rājānaṃ samunnīyottaravedyāṃ saṃsādayanti
- 13
अथादत्त उक्थ्यस्थाल्या औपशयं पात्रम्
athādatta ukthyasthālyā aupaśayaṃ pātram
- 14
तस्मिन्न् एतं सर्वश एव राजानं गृह्णाति य उक्थ्यस्थाल्यां भवत्य् उपयामगृहीतो ऽसि देवेभ्यस्त्वा देवायुवम् उक्थ्येभ्य उक्थायुवं यज्ञस्यायुष इन्द्राग्निभ्यां त्वा जुष्टं गृह्णामीति
tasminn etaṃ sarvaśa eva rājānaṃ gṛhṇāti ya ukthyasthālyāṃ bhavaty upayāmagṛhīto 'si devebhyastvā devāyuvam ukthyebhya ukthāyuvaṃ yajñasyāyuṣa indrāgnibhyāṃ tvā juṣṭaṃ gṛhṇāmīti
- 15
नात्र पुनर्हविर् असीत्य् उक्थ्यस्थालीं प्रत्यभिमृशति
nātra punarhavir asīty ukthyasthālīṃ pratyabhimṛśati
- 16
दशाभिर् एवैनां मृष्ट्वा न्युब्जति
daśābhir evaināṃ mṛṣṭvā nyubjati
- 17
परिमृज्य सादयत्य् एष ते योनिर् इन्द्राग्निभ्यां त्वेति
parimṛjya sādayaty eṣa te yonir indrāgnibhyāṃ tveti
- 18
अथाप उपस्पृश्य बर्हिषी आदाय वाचंयमः प्रत्यङ्द्रुत्वा स्तोत्रम् उपाकरोति
athāpa upaspṛśya barhiṣī ādāya vācaṃyamaḥ pratyaṅdrutvā stotram upākaroti
- 19
स्तुवते
stuvate
- 20
अच्छावाकाय एषोत्तमेति प्राहुः
acchāvākāya eṣottameti prāhuḥ
- 21
अच्छावाकस्य कालात्पराङ् आवर्तते प्रतिप्रस्थाता
acchāvākasya kālātparāṅ āvartate pratiprasthātā
- 22
अभ्य् एनम् आह्वयते ऽच्छावाकः
abhy enam āhvayate 'cchāvākaḥ
- 23
प्रत्याह्वयते प्रतिप्रस्थाता
pratyāhvayate pratiprasthātā
- 24
शंसति
śaṃsati
- 25
प्रतिगृणाति
pratigṛṇāti
- 26
प्रसिद्धम् उक्थं प्रतिगीर्य प्राङ् एत्योद्यच्छत एतं ग्रहम्
prasiddham ukthaṃ pratigīrya prāṅ etyodyacchata etaṃ graham
- 27
अनूद्यच्छन्ते चमसान्
anūdyacchante camasān
- 28
अथाश्रावयत्य् ओ श्रावयास्तु श्रौषड् उक्थशा यज सोमानाम् इति
athāśrāvayaty o śrāvayāstu śrauṣaḍ ukthaśā yaja somānām iti
- 29
वषट्कृतानुवषट्कृते द्विर्जुहोति
vaṣaṭkṛtānuvaṣaṭkṛte dvirjuhoti
- 30
तथैव द्विर्द्विः सर्वांश्चमसाञ्जुह्वति
tathaiva dvirdviḥ sarvāṃścamasāñjuhvati

