11 shlokas
- 1
एतयैवावृता दक्षिणार्धे त्वष्टारं ताव् अन्तरेण देवपत्नीर्यजति परिश्रिते ऽपरिश्रिते वा
etayaivāvṛtā dakṣiṇārdhe tvaṣṭāraṃ tāv antareṇa devapatnīryajati pariśrite 'pariśrite vā
- 2
चतुर्गृहीतेनाज्येन राकां पुत्रकामो यजेत सिनीवालीं पशुकामः कुहूं पुष्टिकामः
caturgṛhītenājyena rākāṃ putrakāmo yajeta sinīvālīṃ paśukāmaḥ kuhūṃ puṣṭikāmaḥ
- 3
देवानां पत्नीभ्यो ऽनुब्रूहीति संप्रेष्यति
devānāṃ patnībhyo 'nubrūhīti saṃpreṣyati
- 4
आश्राव्य प्रत्याश्राविते देवपत्नीर् इष्ट्वाग्निं गृहपतिं यजति
āśrāvya pratyāśrāvite devapatnīr iṣṭvāgniṃ gṛhapatiṃ yajati
- 5
सं पत्नी पत्येति स्रुवेण गार्हपत्ये संपत्नीयं जुहोति तयान्वारब्धेन स्रुवेण वा
saṃ patnī patyeti sruveṇa gārhapatye saṃpatnīyaṃ juhoti tayānvārabdhena sruveṇa vā
- 6
सोमस्याहं देवयज्ययेति यजमानः प्रतिमन्त्रं पत्नीसंयाजानां हुतं हुतम् अनुमन्त्रयते
somasyāhaṃ devayajyayeti yajamānaḥ pratimantraṃ patnīsaṃyājānāṃ hutaṃ hutam anumantrayate
- 7
अध्वर्युः पूर्ववद्धोतुर् अङ्गुलिपर्वणी अनक्ति
adhvaryuḥ pūrvavaddhotur aṅguliparvaṇī anakti
- 8
तद् अवघ्राय होताप उपस्पृशति
tad avaghrāya hotāpa upaspṛśati
- 9
दक्षिणे होतुः पाणाव् अध्वर्युश्चतुर आज्यबिन्दून् इडाम् अवद्यति षड् अग्नीध्रः
dakṣiṇe hotuḥ pāṇāv adhvaryuścatura ājyabindūn iḍām avadyati ṣaḍ agnīdhraḥ
- 10
इडाम् उपह्वयमानं होतारम् अध्वर्युर् आग्नीध्रः पत्नी चान्वारभन्ते
iḍām upahvayamānaṃ hotāram adhvaryur āgnīdhraḥ patnī cānvārabhante
- 11
उपहूतेयं यजमानेत्य् उच्यमान उपहूता पशुमत्य् असानीति पत्नी जपति
upahūteyaṃ yajamānety ucyamāna upahūtā paśumaty asānīti patnī japati

