14 shlokas
- 1
समङ्क्ताम् इत्य् अज्यमानं यजमानो ऽनुमन्त्रयते
samaṅktām ity ajyamānaṃ yajamāno 'numantrayate
- 2
अध्वर्युर् अक्तस्य तृणम् अपादाय सुरक्षितं निदधाति
adhvaryur aktasya tṛṇam apādāya surakṣitaṃ nidadhāti
- 3
अपिप्रेर् इति तद्यजमानो ऽनुमन्त्रयते
apiprer iti tadyajamāno 'numantrayate
- 4
दक्षिणोत्तराभ्यां पाणिभ्याम् अध्वर्युः प्रस्तरं गृहीत्वा जुह्वां प्रतिष्ठाप्यासीन आश्राव्य प्रत्याश्रावित इषिता दैव्या होतार इति संप्रेष्यति
dakṣiṇottarābhyāṃ pāṇibhyām adhvaryuḥ prastaraṃ gṛhītvā juhvāṃ pratiṣṭhāpyāsīna āśrāvya pratyāśrāvita iṣitā daivyā hotāra iti saṃpreṣyati
- 5
इदं द्यावापृथिवी भद्रम् इति होत्रा सूक्तवाके ऽनूच्यमान आप्यायन्ताम् आप इति सह शाखया प्रस्तरम् आहवनीये प्रहरति
idaṃ dyāvāpṛthivī bhadram iti hotrā sūktavāke 'nūcyamāna āpyāyantām āpa iti saha śākhayā prastaram āhavanīye praharati
- 6
नात्यग्रं प्रहरेन्न पुरस्तात्प्रत्यस्येद् ऊर्ध्वम् उद्यौति
nātyagraṃ praharenna purastātpratyasyed ūrdhvam udyauti
- 7
कर्षन्न् इव न्यञ्चम् अन्ततः पर्यावर्तयन्न् अग्नीद्गमयेति संप्रेष्यति
karṣann iva nyañcam antataḥ paryāvartayann agnīdgamayeti saṃpreṣyati
- 8
अञ्जलिनाग्नीत्प्रस्तरं त्रिर् ऊर्ध्वम् उद्यौति
añjalināgnītprastaraṃ trir ūrdhvam udyauti
- 9
सूक्तवाके होता यां यां देवताम् अनुब्रूते ऽग्नेर् अहम् उज्जितिम् अनूज्जेषम् इत्य् एतैस्तां देवतां यजमानो ऽनुमन्त्रयते
sūktavāke hotā yāṃ yāṃ devatām anubrūte 'gner aham ujjitim anūjjeṣam ity etaistāṃ devatāṃ yajamāno 'numantrayate
- 10
यर्हि होता यजमानस्य नाम गृह्णीयात्तर्ह्य् एमा अग्मन्न् आशिषो दोहकामा इति ब्रूयात्
yarhi hotā yajamānasya nāma gṛhṇīyāttarhy emā agmann āśiṣo dohakāmā iti brūyāt
- 11
अनुप्रहरेत्य् अध्वर्युः संप्रेष्यति
anupraharety adhvaryuḥ saṃpreṣyati
- 12
स्वगा तनुभ्य इति प्रस्तरस्य तृणम् अग्नीद् अनुप्रहरति
svagā tanubhya iti prastarasya tṛṇam agnīd anupraharati
- 13
एतद् एतद् इति त्रिर् अङ्गुल्या निर्दिशति
etad etad iti trir aṅgulyā nirdiśati
- 14
दिवः खीलो ऽवतत इत्य् अनुप्रहृतं यजमानो ऽनुमन्त्रयते
divaḥ khīlo 'vatata ity anuprahṛtaṃ yajamāno 'numantrayate

