10 shlokas
- 1
स्फ्याद् उन्मुच्येध्मसंनहनैर् अनुपरिक्रामन्न् आग्नीध्रः पूर्ववत्परिधीन् अग्निं च सकृत्सकृत्संमार्ष्टि
sphyād unmucyedhmasaṃnahanair anuparikrāmann āgnīdhraḥ pūrvavatparidhīn agniṃ ca sakṛtsakṛtsaṃmārṣṭi
- 2
अग्ने वाजजिद्वाजं त्वा ससृवांसम् इति मन्त्रं संनमति
agne vājajidvājaṃ tvā sasṛvāṃsam iti mantraṃ saṃnamati
- 3
इध्मसंनहनान्य् अद्भिः संस्पृश्य यो भूतानाम् अधिपतिर् इत्य् अग्नौ प्रहरति
idhmasaṃnahanāny adbhiḥ saṃspṛśya yo bhūtānām adhipatir ity agnau praharati
- 4
वेदिर्बर्हिः शृतं हविर् इति यजमानो जपति
vedirbarhiḥ śṛtaṃ havir iti yajamāno japati
- 5
सप्तहोतारं पुरस्ताद् अनूयाजेभ्यो व्याचक्षीत
saptahotāraṃ purastād anūyājebhyo vyācakṣīta
- 6
उपभृदाज्यशेषम् अध्वर्युर्जुह्वाम् आनीयापरेणाहवनीयं सकृद् एव दक्षिणातिक्रम्य त्रीन् अनूयाजान्यजति
upabhṛdājyaśeṣam adhvaryurjuhvām ānīyāpareṇāhavanīyaṃ sakṛd eva dakṣiṇātikramya trīn anūyājānyajati
- 7
आश्रुतप्रत्याश्रुते देवान्यजेति प्रथमम् अनूयाजं संप्रेष्यति यज यजेत्य् उत्तरौ
āśrutapratyāśrute devānyajeti prathamam anūyājaṃ saṃpreṣyati yaja yajety uttarau
- 8
समिधि पूर्वार्धे प्रथमं जुहोति मध्ये द्वितीयं प्राञ्चम् उत्तमं
samidhi pūrvārdhe prathamaṃ juhoti madhye dvitīyaṃ prāñcam uttamaṃ
- 9
तेनोत्तरौ पूर्वाव् अनूयाजौ भिनत्ति
tenottarau pūrvāv anūyājau bhinatti
- 10
बर्हिषो ऽहम् इत्य् एतैः प्रतिमन्त्रं यजमानो ऽनूयाजानां हुतं हुतम् अनुमन्त्रयते
barhiṣo 'ham ity etaiḥ pratimantraṃ yajamāno 'nūyājānāṃ hutaṃ hutam anumantrayate

