10 shlokas
- 1
इडे भागम् इति यजमानपञ्चमा वाग्यता इडां भक्षयन्त्य् आ मार्जनात्
iḍe bhāgam iti yajamānapañcamā vāgyatā iḍāṃ bhakṣayanty ā mārjanāt
- 2
मनो ज्योतिर् इत्य् अन्तर्वेदि पवित्रवति देशे मार्जयन्ते
mano jyotir ity antarvedi pavitravati deśe mārjayante
- 3
आग्नेयं चतुर्धा कृत्वा बर्हिषदं करोति
āgneyaṃ caturdhā kṛtvā barhiṣadaṃ karoti
- 4
ब्रध्न पिन्वस्वेति बर्हिषदं यजमानो ऽनुमन्त्र्य दिशां कॢप्तिर् असीति प्रतिदिशं चतुर्धा कृतान्व्यूह्येदं ब्रह्मण इदं होतुर् इदम् अध्वर्योर् इदम् अग्नीध इति क्रमेण व्यादिशति
bradhna pinvasveti barhiṣadaṃ yajamāno 'numantrya diśāṃ kḷptir asīti pratidiśaṃ caturdhā kṛtānvyūhyedaṃ brahmaṇa idaṃ hotur idam adhvaryor idam agnīdha iti krameṇa vyādiśati
- 5
इदं यजमानस्येत्य् अध्वर्युर्यजमानभागं निर्दिश्य व्यादिष्टस्यैकं स्थविष्ठम् अग्नीधे षडवत्तं करोति
idaṃ yajamānasyety adhvaryuryajamānabhāgaṃ nirdiśya vyādiṣṭasyaikaṃ sthaviṣṭham agnīdhe ṣaḍavattaṃ karoti
- 6
सकृद् उपस्तीर्य सकृद् अवद्यति
sakṛd upastīrya sakṛd avadyati
- 7
पुनर् उपस्तीर्य सकृद् अवदाय तयोर्द्विर् अभिघारयति
punar upastīrya sakṛd avadāya tayordvir abhighārayati
- 8
दिवो भागो ऽसीत्य् आग्नीध्रः प्राश्नाति
divo bhāgo 'sīty āgnīdhraḥ prāśnāti
- 9
उपहूतो द्यौः पितेति द्वाभ्याम् अग्नीध्रभागं यजमानो ऽनुमन्त्रयते
upahūto dyauḥ piteti dvābhyām agnīdhrabhāgaṃ yajamāno 'numantrayate
- 10
ब्रह्मयजमानभागाव् अध्वर्युः पृथग्दारुपात्राभ्याम् आदाय वेदेन परिहरत्य् अन्येन दारुपात्रेण होत्रे
brahmayajamānabhāgāv adhvaryuḥ pṛthagdārupātrābhyām ādāya vedena pariharaty anyena dārupātreṇa hotre

