10 shlokas
- 1
अन्येनाध्वर्यवे
anyenādhvaryave
- 2
पृथिव्यै भागो ऽसीति होताभ्यवहरत्य् अन्तरिक्षस्य भागो ऽसीत्य् अध्वर्युर्दिवो भागो ऽसीति ब्रह्मा संस्थिते ऽभ्यवहरति
pṛthivyai bhāgo 'sīti hotābhyavaharaty antarikṣasya bhāgo 'sīty adhvaryurdivo bhāgo 'sīti brahmā saṃsthite 'bhyavaharati
- 3
दक्षिणाग्नौ पक्वं महान्तम् अपरिमितम् अन्वाहार्यम् ओदनम् अभिघार्योदग् उद्वास्यान्तर्वेद्य् आसादयति
dakṣiṇāgnau pakvaṃ mahāntam aparimitam anvāhāryam odanam abhighāryodag udvāsyāntarvedy āsādayati
- 4
ब्रह्मन्ब्रह्मासीत्य् आसन्नं ब्रह्माभिमृशति ब्रध्न पिन्वस्वेत्य् आन्ताद् अनुवाकस्येयं स्थालीति च यजमानः
brahmanbrahmāsīty āsannaṃ brahmābhimṛśati bradhna pinvasvety āntād anuvākasyeyaṃ sthālīti ca yajamānaḥ
- 5
दक्षिणसद्भ्य उपहर्तवा इत्य् अध्वर्युः संप्रेष्यति दक्षिणत एतेति यजमानः
dakṣiṇasadbhya upahartavā ity adhvaryuḥ saṃpreṣyati dakṣiṇata eteti yajamānaḥ
- 6
ब्राह्मणा अयं व ओदन इति दक्षिणतस्तेभ्यो ऽन्वाहार्यं चतुर्धा विभज्य दक्षिणां ददाति
brāhmaṇā ayaṃ va odana iti dakṣiṇatastebhyo 'nvāhāryaṃ caturdhā vibhajya dakṣiṇāṃ dadāti
- 7
प्रतिगृहीतायाम् अध्वर्युर् उत्तरतः परीतेति संप्रेष्यति
pratigṛhītāyām adhvaryur uttarataḥ parīteti saṃpreṣyati
- 8
हविःशेषान् उद्वास्यानूयाजार्थाव् अङ्गारौ प्रत्यूह्य ब्रह्मन्प्रस्थास्यामः समिधम् आधायाग्नीत्परिधींश्चाग्निं च सकृत्सकृत्संमृड्ढीति संप्रेष्यति
haviḥśeṣān udvāsyānūyājārthāv aṅgārau pratyūhya brahmanprasthāsyāmaḥ samidham ādhāyāgnītparidhīṃścāgniṃ ca sakṛtsakṛtsaṃmṛḍḍhīti saṃpreṣyati
- 9
देव सवितर् एतत्त इति ब्रह्मणा प्रसूत एषा ते अग्न इत्य् अनूयाजसमिधम् अग्नीध्र आदधाति
deva savitar etatta iti brahmaṇā prasūta eṣā te agna ity anūyājasamidham agnīdhra ādadhāti
- 10
आधीयमानाम् एतेनैव यजमानो ऽनुमन्त्रयते यं ते अग्न आवृश्चामीति तिसृभिः समिद्धम् अग्निम्
ādhīyamānām etenaiva yajamāno 'numantrayate yaṃ te agna āvṛścāmīti tisṛbhiḥ samiddham agnim

