10 shlokas
- 1
उपहूतो द्यौः पितेत्य् उपहूताम् आज्येडाम् आग्नीध्रः प्राश्नाति
upahūto dyauḥ pitety upahūtām ājyeḍām āgnīdhraḥ prāśnāti
- 2
इडास्मान् अनुवस्ताम् इति यजमान आज्येडाम् उपहूयमानाम् अनुमन्त्रयते
iḍāsmān anuvastām iti yajamāna ājyeḍām upahūyamānām anumantrayate
- 3
उपहूताम् ऋत्विजः प्राश्याचम्य तूष्णीम् अद्भिर्मार्जयन्ते
upahūtām ṛtvijaḥ prāśyācamya tūṣṇīm adbhirmārjayante
- 4
इडान्तम् आहवनीये शम्युवन्तं गार्हपत्ये विपरीतं वा
iḍāntam āhavanīye śamyuvantaṃ gārhapatye viparītaṃ vā
- 5
यदि शम्युवन्तं पाश्चात्ये वेदात्तृणम् अपादाय तस्याग्रं जुह्वाम् अञ्ज्यात्स्रुवे मध्यमाज्यस्थाल्यां मूलम्
yadi śamyuvantaṃ pāścātye vedāttṛṇam apādāya tasyāgraṃ juhvām añjyātsruve madhyamājyasthālyāṃ mūlam
- 6
तत्प्रस्तरेण व्याख्यातम्
tatprastareṇa vyākhyātam
- 7
अन्वाहार्यपचन इध्मप्रव्रश्चनान्य् आधाय चतुर्गृहीत आज्ये जुह्वां फलीकरणान् ओप्याग्ने ऽदब्धायो इति जुहोति
anvāhāryapacana idhmapravraścanāny ādhāya caturgṛhīta ājye juhvāṃ phalīkaraṇān opyāgne 'dabdhāyo iti juhoti
- 8
अपरं चतुर्गृहीतं गृहीत्वा पिष्टलेपान् ओप्योलूखले मुसल इति पिष्टलेपं जुहोति
aparaṃ caturgṛhītaṃ gṛhītvā piṣṭalepān opyolūkhale musala iti piṣṭalepaṃ juhoti
- 9
विपरीतम् एके
viparītam eke
- 10
या सरस्वती विशोभगीना तस्यै ते स्वाहा या सरस्वती वेशभगीना तस्यै ते स्वाहेति तयोर्यजमानो मुखं विमृष्टे
yā sarasvatī viśobhagīnā tasyai te svāhā yā sarasvatī veśabhagīnā tasyai te svāheti tayoryajamāno mukhaṃ vimṛṣṭe

