10 shlokas
- 1
निर् अमुं नुदेत्य् एताभिर्वा
nir amuṃ nudety etābhirvā
- 2
यानि घर्मे कपालानीत्य् अध्वर्युयजमानौ विमोचनं जपतः
yāni gharme kapālānīty adhvaryuyajamānau vimocanaṃ japataḥ
- 3
यजमान उपोत्थाय दक्षिणेन पदा विष्णोः क्रमो ऽस्य् अभिमातिहेति त्रिभिस्त्रीन्विष्णुक्रमान्प्राचः क्रामति तृतीये पदे तिष्ठन्न् आहवनीयं नात्येति
yajamāna upotthāya dakṣiṇena padā viṣṇoḥ kramo 'sy abhimātiheti tribhistrīnviṣṇukramānprācaḥ krāmati tṛtīye pade tiṣṭhann āhavanīyaṃ nātyeti
- 4
विष्णोः क्रमो ऽसि शत्रूयत इति चतुर्थं जपति
viṣṇoḥ kramo 'si śatrūyata iti caturthaṃ japati
- 5
अगन्म सुवर् इत्य् आहवनीयम् उपतिष्ठत उद्यन्न् अद्य मित्रमह इति षड्भिर् आदित्यम्
aganma suvar ity āhavanīyam upatiṣṭhata udyann adya mitramaha iti ṣaḍbhir ādityam
- 6
ऐन्द्रीम् आवृतम् अन्वावर्त इति प्रदक्षिणम् आवर्तते
aindrīm āvṛtam anvāvarta iti pradakṣiṇam āvartate
- 7
सम् अहं प्रजयेत्य् आहवनीयं पुनर् उपावर्तते समिद्धो अग्न इत्य् उपसमिन्द्धे
sam ahaṃ prajayety āhavanīyaṃ punar upāvartate samiddho agna ity upasaminddhe
- 8
वसुमान्यज्ञ इत्य् उपतिष्ठते
vasumānyajña ity upatiṣṭhate
- 9
अग्ने वह्न इत्य् अन्वाहार्यपचनम् अग्न आयूंष्य् अग्ने पवस्वेति द्वाभ्याम्गार्हपत्यम् अग्ने गृहपत इति च ताम् आशिषम् आशासे तन्तवे ज्योतिष्मतीम् इति ब्रूयाद्यस्य पुत्रो ऽजातः स्यात्ताम् आशिषम् आशासे ऽमुष्मै ज्योतिष्मतीम् इति जातपुत्रः
agne vahna ity anvāhāryapacanam agna āyūṃṣy agne pavasveti dvābhyāmgārhapatyam agne gṛhapata iti ca tām āśiṣam āśāse tantave jyotiṣmatīm iti brūyādyasya putro 'jātaḥ syāttām āśiṣam āśāse 'muṣmai jyotiṣmatīm iti jātaputraḥ
- 10
बहुपुत्रः सर्वेषां पुत्राणां नामान्य् अनूच्य ज्योतिष्मतीम् इत्य् अन्ततो वदति
bahuputraḥ sarveṣāṃ putrāṇāṃ nāmāny anūcya jyotiṣmatīm ity antato vadati

