9 shlokas
- 1
वेदो ऽसि वित्तिर् असीति वेदं होता पत्न्यै प्रदाय वाचयेत्
vedo 'si vittir asīti vedaṃ hotā patnyai pradāya vācayet
- 2
इमं विष्यामीति योक्त्रपाशं विष्यते
imaṃ viṣyāmīti yoktrapāśaṃ viṣyate
- 3
तस्याः सयोक्त्रे ऽञ्जलौ पूर्णपात्रम् आनयति
tasyāḥ sayoktre 'ñjalau pūrṇapātram ānayati
- 4
सम् आयुषेत्य् आनीयमाने सा जपति
sam āyuṣety ānīyamāne sā japati
- 5
तन्निनीय मुखं विमृज्योत्थाय पुष्टिमती पशुमतीति यथार्थं गच्छति
tanninīya mukhaṃ vimṛjyotthāya puṣṭimatī paśumatīti yathārthaṃ gacchati
- 6
घृतवन्तं कुलायिनम् इति वेदं गार्हपत्यात्संततं होताहवनीयात्स्तृणन्न् एति
ghṛtavantaṃ kulāyinam iti vedaṃ gārhapatyātsaṃtataṃ hotāhavanīyātstṛṇann eti
- 7
वेदो ऽसि वेदो म आहरेति त्वया वेदिम् इति च वेदं स्तीर्यमाणं यजमानो ऽनुमन्त्रयते
vedo 'si vedo ma āhareti tvayā vedim iti ca vedaṃ stīryamāṇaṃ yajamāno 'numantrayate
- 8
यथेतम् अध्वर्युर् आहवनीयं गत्वा जुह्वा स्रुवेण वा ब्रह्म प्रतिष्ठेत्य् एषो ऽनुवाको यद् अकर्म यत्प्रमत्ता अन्तर् अगाम मनो ज्योतिर् अयाश्चाग्ने यद् अस्मिन्यज्ञे स्वस्ति न इन्द्रो यत इन्द्रः स्वस्तिदा भूर्भुवः सुवर् इत्य् एतैः सर्वप्रायश्चित्ताहुतीर्हुत्वा पूर्ववद्ध्रुवाम् आप्याय्यान्तर्वेद्य् ऊर्ध्वस्तिष्ठन्ध्रुवयाहवनीये देवा गातुविद इति त्रीणि समिष्टयजूंषि संततं जुहोत्य् एकं द्वे वा
yathetam adhvaryur āhavanīyaṃ gatvā juhvā sruveṇa vā brahma pratiṣṭhety eṣo 'nuvāko yad akarma yatpramattā antar agāma mano jyotir ayāścāgne yad asminyajñe svasti na indro yata indraḥ svastidā bhūrbhuvaḥ suvar ity etaiḥ sarvaprāyaścittāhutīrhutvā pūrvavaddhruvām āpyāyyāntarvedy ūrdhvastiṣṭhandhruvayāhavanīye devā gātuvida iti trīṇi samiṣṭayajūṃṣi saṃtataṃ juhoty ekaṃ dve vā
- 9
मध्यमे स्वाहाकारे बर्हिः प्रहरति प्रहृत्य वाभिजुहुयात्
madhyame svāhākāre barhiḥ praharati prahṛtya vābhijuhuyāt

