7 shlokas
- 1
वेदो ऽसि वित्तिर् असीति वेदम् अन्तर्वेद्य् आसन्नं यजमानो ऽभिमृशति विदेयेत्य् एतस्य पुरस्ताद्यद्यद्भ्रातृव्यस्याभिध्यायेत्तस्य नाम गृह्णीयात्तद् एवास्य सर्वं वृङ्क्ते
vedo 'si vittir asīti vedam antarvedy āsannaṃ yajamāno 'bhimṛśati videyety etasya purastādyadyadbhrātṛvyasyābhidhyāyettasya nāma gṛhṇīyāttad evāsya sarvaṃ vṛṅkte
- 2
सस्रुवाम् आज्यस्थालीम् आग्नीध्र आदत्ते वेदं होता जुहूपभृताव् अध्वर्युः
sasruvām ājyasthālīm āgnīdhra ādatte vedaṃ hotā juhūpabhṛtāv adhvaryuḥ
- 3
पत्नीः संयाजयिष्यन्तः प्रत्यञ्चो यन्ति
patnīḥ saṃyājayiṣyantaḥ pratyañco yanti
- 4
पूर्वेण गार्हपत्यम् अध्वर्युर्दक्षिणातिक्रम्याग्नेर्वाम् अपन्नगृहस्येति युगधुरि स्रुचौ विमुञ्चति
pūrveṇa gārhapatyam adhvaryurdakṣiṇātikramyāgnervām apannagṛhasyeti yugadhuri srucau vimuñcati
- 5
यदि पात्र्या निर्वपत्य् एतेनैव स्फ्ये विमुच्य
yadi pātryā nirvapaty etenaiva sphye vimucya
- 6
अपरेण गार्हपत्यम् उपविश्योपांशूच्चैर्वा स्रुग्भ्यां पत्नीः संयाजयति वेदं वोपभृत्य पत्न्याम् अन्वारब्धायां दक्षिणे ऽध्वर्युर् उत्तर आग्नीध्रो मध्ये होता
apareṇa gārhapatyam upaviśyopāṃśūccairvā srugbhyāṃ patnīḥ saṃyājayati vedaṃ vopabhṛtya patnyām anvārabdhāyāṃ dakṣiṇe 'dhvaryur uttara āgnīdhro madhye hotā
- 7
आज्यस्थाल्याः स्रुवेण जुह्वां चतुर्गृहीतं गृहीत्वा सोमायानुब्रूहीति संप्रेष्याश्राव्य प्रत्याश्राविते सोमं यजेति संप्रेष्य वषट्कृत उत्तरार्धे सोमं जपति
ājyasthālyāḥ sruveṇa juhvāṃ caturgṛhītaṃ gṛhītvā somāyānubrūhīti saṃpreṣyāśrāvya pratyāśrāvite somaṃ yajeti saṃpreṣya vaṣaṭkṛta uttarārdhe somaṃ japati

