9 shlokas
- 1
प्रवसति यजमाने सह समिष्टयजुषा यजमानभागं जुहुयात्
pravasati yajamāne saha samiṣṭayajuṣā yajamānabhāgaṃ juhuyāt
- 2
अग्ने ऽदब्धायो इति यजमानो हूयमानं दिवः खीलो ऽवतत इति बर्हिः प्रह्रियमाणम् अनुमन्त्रयते
agne 'dabdhāyo iti yajamāno hūyamānaṃ divaḥ khīlo 'vatata iti barhiḥ prahriyamāṇam anumantrayate
- 3
सं यज्ञपतिर् आशिषेति यजमानभागं प्राश्नातीदं हविः प्रजननं मे अस्त्व् इति शृतस्य दधिक्राव्णो अकारिषम् इति दध्नः
saṃ yajñapatir āśiṣeti yajamānabhāgaṃ prāśnātīdaṃ haviḥ prajananaṃ me astv iti śṛtasya dadhikrāvṇo akāriṣam iti dadhnaḥ
- 4
न वैश्यराजन्यौ सांनाय्यं प्राश्नीतः
na vaiśyarājanyau sāṃnāyyaṃ prāśnītaḥ
- 5
अग्रेणाहवनीयं प्रणीताः पर्याहृत्य को वो ऽयोक्षीद् इत्य् अध्वर्युर् अन्तर्वेदि विमुञ्चति
agreṇāhavanīyaṃ praṇītāḥ paryāhṛtya ko vo 'yokṣīd ity adhvaryur antarvedi vimuñcati
- 6
तासु संतताम् उदकधाराम् आनयति
tāsu saṃtatām udakadhārām ānayati
- 7
सदसि सन्मे भूया इत्य् आनीयमानायां धारायां यजमानो जपति
sadasi sanme bhūyā ity ānīyamānāyāṃ dhārāyāṃ yajamāno japati
- 8
प्राच्यां दिशि देवा इत्य् एतैर्यथालिङ्गं परिषिच्य समुद्रं वः प्रहिणोमीत्य् अन्तर्वेदि निनीय यद् अप्सु ते सरस्वतीति द्वाभ्यां मुखं विमृष्टे
prācyāṃ diśi devā ity etairyathāliṅgaṃ pariṣicya samudraṃ vaḥ prahiṇomīty antarvedi ninīya yad apsu te sarasvatīti dvābhyāṃ mukhaṃ vimṛṣṭe
- 9
यं देवा मनुष्येष्व् इत्य् उपवेषम् आदायाध्वर्युर्योपवेषे शुग् इत्य् उत्करे निरस्येत्
yaṃ devā manuṣyeṣv ity upaveṣam ādāyādhvaryuryopaveṣe śug ity utkare nirasyet

