38 shlokas
- 1
अथातो द्रव्यशुद्धिस्तु पराशरवचो यथा
दारवाणां पात्राणां तक्षणाच्छुद्धिर् इष्यते
athāto dravyaśuddhistu parāśaravaco yathā
dāravāṇāṃ pātrāṇāṃ takṣaṇācchuddhir iṣyate
- 2
भस्मना शुध्यते कांस्यं ताम्रमम्लेन शुध्यति
रजसा शुध्यते नारी विकलं या न गच्छति
bhasmanā śudhyate kāṃsyaṃ tāmramamlena śudhyati
rajasā śudhyate nārī vikalaṃ yā na gacchati
- 3
नदी वेगेन शुध्येत लोपो यदि न दृश्यते
वापीकूपतडागेषु दूषितेषु कथंचन
nadī vegena śudhyeta lopo yadi na dṛśyate
vāpīkūpataḍāgeṣu dūṣiteṣu kathaṃcana
- 4
उद्धृत्य वै घटशतं पञ्चगव्येन शुध्यति
अष्टवर्षा भवेद्गौरी नववर्षा तु रोहिणी
uddhṛtya vai ghaṭaśataṃ pañcagavyena śudhyati
aṣṭavarṣā bhavedgaurī navavarṣā tu rohiṇī
- 5
दशवर्षा भवेत्कन्या अत ऊर्ध्वं रजस्वला
प्राप्ते तु द्वादशे वर्षे यः कन्यां न प्रयच्छति
daśavarṣā bhavetkanyā ata ūrdhvaṃ rajasvalā
prāpte tu dvādaśe varṣe yaḥ kanyāṃ na prayacchati
- 6
मासि मासि रजस्तस्याः पिबन्ति पितरः स्वयम्
माता चैव पिता चैव ज्येष्ठो भ्राता तथैव च
māsi māsi rajastasyāḥ pibanti pitaraḥ svayam
mātā caiva pitā caiva jyeṣṭho bhrātā tathaiva ca
- 7
त्रयस्ते नरकं यान्ति दृष्ट्वा कन्यां रजस्वलाम्
यस्तां समुद्वहेत्कन्यां ब्राह्मणो मदमोहितः
trayaste narakaṃ yānti dṛṣṭvā kanyāṃ rajasvalām
yastāṃ samudvahetkanyāṃ brāhmaṇo madamohitaḥ
- 8
असंभाष्यो ह्य् अपाङ्क्तेयः स विप्रो वृषलीपतिः
यः करोत्य् एकरात्रेण वृषलीसेवनं द्विजः
asaṃbhāṣyo hy apāṅkteyaḥ sa vipro vṛṣalīpatiḥ
yaḥ karoty ekarātreṇa vṛṣalīsevanaṃ dvijaḥ
- 9
स भैक्षभुज्जपन्नित्यं त्रिभिर्वर्षैर्विशुध्यति
अस्तं गते यदा सूर्ये चण्डालं पतितं स्त्रियम्
sa bhaikṣabhujjapannityaṃ tribhirvarṣairviśudhyati
astaṃ gate yadā sūrye caṇḍālaṃ patitaṃ striyam
- 10
सूतिकां स्पृशतश्चैव कथं शुद्धिर्विधीयते
जातवेदःसुवर्णं च सोममार्गं विलोक्य च
sūtikāṃ spṛśataścaiva kathaṃ śuddhirvidhīyate
jātavedaḥsuvarṇaṃ ca somamārgaṃ vilokya ca
- 11
ब्राह्मणानुमतश्चैव स्नानं कृत्वा विशुध्यति
स्पृष्ट्वा रजस्वलान्योन्यं ब्राह्मणी ब्राह्मणी तथा
brāhmaṇānumataścaiva snānaṃ kṛtvā viśudhyati
spṛṣṭvā rajasvalānyonyaṃ brāhmaṇī brāhmaṇī tathā
- 12
तावत्तिष्ठेन्निराहारा त्रिरात्रेणैव शुध्यति
स्पृष्ट्वा रजस्वलान्योन्यं ब्राह्मणी क्षत्रिया तथा
tāvattiṣṭhennirāhārā trirātreṇaiva śudhyati
spṛṣṭvā rajasvalānyonyaṃ brāhmaṇī kṣatriyā tathā
- 13
अर्धकृच्छ्रं चरेत्पूर्वा पादम् एकम् अनन्तरा
स्पृष्ट्वा रजस्वलान्योन्यं ब्राह्मणी वैश्यजा तथा
ardhakṛcchraṃ caretpūrvā pādam ekam anantarā
spṛṣṭvā rajasvalānyonyaṃ brāhmaṇī vaiśyajā tathā
- 14
पादहीनं चरेत्पूर्वा पादम् एकम् अनन्तरा
स्पृष्ट्वा रजस्वलान्योन्यं ब्राह्मणी शूद्रजा तथा
pādahīnaṃ caretpūrvā pādam ekam anantarā
spṛṣṭvā rajasvalānyonyaṃ brāhmaṇī śūdrajā tathā
- 15
कृच्छ्रेण शुध्यते पूर्वा शूद्रा दानेन शुध्यति
स्नाता रजस्वला या तु चतुर्थे ऽहनि शुध्यति
kṛcchreṇa śudhyate pūrvā śūdrā dānena śudhyati
snātā rajasvalā yā tu caturthe 'hani śudhyati
- 16
कुर्याद्रजो निवृत्तौ तु दैवपित्र्यादि कर्म च
रोगेण यद्रजः स्त्रीणाम् अन्वहं तु प्रवर्तते
kuryādrajo nivṛttau tu daivapitryādi karma ca
rogeṇa yadrajaḥ strīṇām anvahaṃ tu pravartate
- 17
नाशुचिः सा ततस्तेन तत्स्याद्वैकालिकं मतम्
साध्वाचारा न तावत्स्याद्रजो यावत्प्रवर्तते
nāśuciḥ sā tatastena tatsyādvaikālikaṃ matam
sādhvācārā na tāvatsyādrajo yāvatpravartate
- 18
रजोनिवृत्तौ गम्या स्त्री गृहकर्मणि चैव हि
प्रथमे ऽहनि चण्डाली द्वितीये ब्रह्मघातिनी
rajonivṛttau gamyā strī gṛhakarmaṇi caiva hi
prathame 'hani caṇḍālī dvitīye brahmaghātinī
- 19
तृतीये रजकी प्रोक्ता चतुर्थे ऽहनि शुध्यति
आतुरे स्नानोत्पन्ने दशकृत्वो ह्य् अनातुरः
tṛtīye rajakī proktā caturthe 'hani śudhyati
āture snānotpanne daśakṛtvo hy anāturaḥ
- 20
स्नात्वा स्नात्वा स्पृशेद् एनं ततः शुध्येत्स आतुरः
उच्छिष्टोच्छिष्टसंस्पृष्टः शुना शूद्रेण वा द्विजः
snātvā snātvā spṛśed enaṃ tataḥ śudhyetsa āturaḥ
ucchiṣṭocchiṣṭasaṃspṛṣṭaḥ śunā śūdreṇa vā dvijaḥ
- 21
उपोष्य रजनीम् एकां पञ्चगव्येन शुध्यति
अनुच्छिष्टेन शूद्रेण स्पर्शे स्नानं विधीयते
upoṣya rajanīm ekāṃ pañcagavyena śudhyati
anucchiṣṭena śūdreṇa sparśe snānaṃ vidhīyate
- 22
तेनोच्छिष्टेन संस्पृष्टः प्राजापत्यं समाचरेत्
भस्मना शुध्यते कांस्यं सुरया यन्न लिप्यते
tenocchiṣṭena saṃspṛṣṭaḥ prājāpatyaṃ samācaret
bhasmanā śudhyate kāṃsyaṃ surayā yanna lipyate
- 23
सुरामात्रेण संस्पृष्टं शुध्यते ऽग्न्युपलेखनैः
गवाघ्रातानि कांस्यानि श्वकाकोपहतानि च
surāmātreṇa saṃspṛṣṭaṃ śudhyate 'gnyupalekhanaiḥ
gavāghrātāni kāṃsyāni śvakākopahatāni ca
- 24
शुध्यन्ति दशभिः क्षारैः शूद्रोच्छिष्टानि यानि च
गण्डूषं पादशौचं च कृत्वा वै कांस्यभाजने
śudhyanti daśabhiḥ kṣāraiḥ śūdrocchiṣṭāni yāni ca
gaṇḍūṣaṃ pādaśaucaṃ ca kṛtvā vai kāṃsyabhājane
- 25
षण्मासान्भुवि निःक्षिप्य उद्धृत्य पुनर् आहरेत्
आयसेष्व् आयसानां च सीसस्याग्नौ विशोधनम्
ṣaṇmāsānbhuvi niḥkṣipya uddhṛtya punar āharet
āyaseṣv āyasānāṃ ca sīsasyāgnau viśodhanam
- 26
दन्तम् अस्थि तथा भृङ्गं रूप्यं सौवर्णभाजनम्
मणिपाषाणपात्राणीत्य् एतान्प्रक्षालयेज्जलैः
dantam asthi tathā bhṛṅgaṃ rūpyaṃ sauvarṇabhājanam
maṇipāṣāṇapātrāṇīty etānprakṣālayejjalaiḥ
- 27
पाषाणे तु पुनर्घर्षः शुद्धिर् एवम् उदाहृता
मृण्मये दहनाच्छुद्धिर्धान्यानां मार्जनाद् अपि
pāṣāṇe tu punargharṣaḥ śuddhir evam udāhṛtā
mṛṇmaye dahanācchuddhirdhānyānāṃ mārjanād api
- 28
वेणुवल्कलचीराणां क्षौमकार्पासवाससाम्
और्णनेत्रपटानां च प्रोक्षणाच्छुद्धिर् इष्यते
veṇuvalkalacīrāṇāṃ kṣaumakārpāsavāsasām
aurṇanetrapaṭānāṃ ca prokṣaṇācchuddhir iṣyate
- 29
मुञ्जोपस्करशूर्पाणां शणस्य फलचर्मणाम्
तृणकाष्ठस्य रज्जूणाम् उदकाभ्युक्षणं मतम्
muñjopaskaraśūrpāṇāṃ śaṇasya phalacarmaṇām
tṛṇakāṣṭhasya rajjūṇām udakābhyukṣaṇaṃ matam
- 30
तूलिकाद्युपधानानि रक्तवस्त्रादिकानि च
शोषयित्वातपेनैव प्रोक्षणाच्छुद्धिताम् इयुः
tūlikādyupadhānāni raktavastrādikāni ca
śoṣayitvātapenaiva prokṣaṇācchuddhitām iyuḥ

