20 shlokas
- 1
अपरस्मिन्नह्नः संधौ गृहान्प्रतिपादयीत
aparasminnahnaḥ saṃdhau gṛhānpratipādayīta
- 2
प्रति ब्रह्मन्न् इति प्रत्यवरोहति
prati brahmann iti pratyavarohati
- 3
मङ्गलानि प्रादुर्भवन्ति
maṅgalāni prādurbhavanti
- 4
गोष्ठात्संतताम् उलपराजिं स्तृणाति
goṣṭhātsaṃtatām ulaparājiṃ stṛṇāti
- 5
रथाद् अध्य् ओपासनात्
येष्व् अध्येति प्रवसन्येषु सौमनसं महत्
तेनोपह्वयामहे ते नो जानन्त्वागतम्
इति तयाभ्युपैति
rathād adhy opāsanāt
yeṣv adhyeti pravasanyeṣu saumanasaṃ mahat
tenopahvayāmahe te no jānantvāgatam
iti tayābhyupaiti
- 6
गृहानहं सुमनसः प्रपद्ये वीरं हि वीरवतः सुशेवा
इरां वहन्ती घृतम् उक्षमाणास्तेष्व् अहं सुमनाः संवसाम
इत्यभ्याहिताग्निं सोदकं सौषधम् आवसथं प्रतिपद्यते रोहिण्या मूलेन वा यद्वा पुण्योक्तम्
gṛhānahaṃ sumanasaḥ prapadye vīraṃ hi vīravataḥ suśevā
irāṃ vahantī ghṛtam ukṣamāṇāsteṣv ahaṃ sumanāḥ saṃvasāma
ityabhyāhitāgniṃ sodakaṃ sauṣadham āvasathaṃ pratipadyate rohiṇyā mūlena vā yadvā puṇyoktam
- 7
पश्चाद् अग्ने रोहिते चर्मण्य् आनडुहे प्राग्ग्रीवे लोमतो दर्भान् आस्तीर्य तेषु वधूम् उपवेशयत्य् अपि वा दर्भेष्वेव
paścād agne rohite carmaṇy ānaḍuhe prāggrīve lomato darbhān āstīrya teṣu vadhūm upaveśayaty api vā darbheṣveva
- 8
अथास्यै ब्रह्मचारिणम् उपस्थ आवेशयति
सोमेनादित्या बलिनः सोमेन पृथिवी मही
असौ नक्षत्राणाम् एषाम् उपस्थे सोम आहितः
इति
athāsyai brahmacāriṇam upastha āveśayati
somenādityā balinaḥ somena pṛthivī mahī
asau nakṣatrāṇām eṣām upasthe soma āhitaḥ
iti
- 9
अथास्य तिलतण्डुलानां फलमिश्राणाम् अञ्जलिं पूरयित्वोत्थाप्याथास्यै ध्रुवम् अरुन्धतीं जीवन्तीं सप्त ऋषीनिति दर्शयेत्
athāsya tilataṇḍulānāṃ phalamiśrāṇām añjaliṃ pūrayitvotthāpyāthāsyai dhruvam arundhatīṃ jīvantīṃ sapta ṛṣīniti darśayet
- 10
अच्युता ध्रुवा ध्रुवपत्नी ध्रुवं पश्येम सर्वतः
ध्रुवासः पर्वता इमे ध्रुवा स्त्री पतिकुलेयम्
इति तस्यां समीक्षमाणायां जपति
acyutā dhruvā dhruvapatnī dhruvaṃ paśyema sarvataḥ
dhruvāsaḥ parvatā ime dhruvā strī patikuleyam
iti tasyāṃ samīkṣamāṇāyāṃ japati
- 11
श्वोभूते प्राजापत्यं पयसि स्थालीपाकं श्रपयित्वा तस्य जुहोति
आज्यशेषे दधि समानीय तेन हुतशेषेण
śvobhūte prājāpatyaṃ payasi sthālīpākaṃ śrapayitvā tasya juhoti
ājyaśeṣe dadhi samānīya tena hutaśeṣeṇa
- 12
चक्रीवानडुहौ वा मे वाङ्मैतु ते मनः
चाक्रवाकं संवननं तन्नौ संवननं कृतमिति
यजमानस्त्रिः प्राश्नात्य् अवशिष्टं तूष्णीं पत्नी
cakrīvānaḍuhau vā me vāṅmaitu te manaḥ
cākravākaṃ saṃvananaṃ tannau saṃvananaṃ kṛtamiti
yajamānastriḥ prāśnāty avaśiṣṭaṃ tūṣṇīṃ patnī
- 13
अपराह्णे पिण्डपितृयज्ञः स व्याख्यातः
aparāhṇe piṇḍapitṛyajñaḥ sa vyākhyātaḥ
- 14
संवत्सरं ब्रह्मचर्यं चरतो द्वादशरात्रं त्रिरात्रम् एकरात्रं वा
saṃvatsaraṃ brahmacaryaṃ carato dvādaśarātraṃ trirātram ekarātraṃ vā
- 15
अथास्यै गृहान्विसृजेत्
athāsyai gṛhānvisṛjet
- 16
योक्त्रपाशं विषाय तौ संनिपातयेत्
अपश्यं त्वा मनसा चेकितानं तपसो जातं तपसो विभूतम्
इह प्रजाम् इह रयिं रराणः प्रजायस्व प्रजया पुत्रकाम
अपश्यं त्वा मनसा दीध्यानां स्वायां तनूं ऋत्विये बाधमानाम्
उप माम् उच्चा युवतिर्बभूयाः प्रजायस्व प्रजया पुत्रकामे
प्रजापतिस्तन्वं मे जुषस्व त्वष्टा देवैः सहमान इन्द्रः
विश्वेदेवैर् ऋतुभिः संविदानः पुंसां बहूनां मातरौ स्याव
अहं गर्भम् अदधाम् ओषधीष्व् अहं विश्वेषु भुवनेष्वन्तः
अहं प्रजा अजनयं पृथिव्या अहं जनिभ्यो अपरीषु पुत्रान्
इति स्त्र्यादिव्यत्यासं जपति
yoktrapāśaṃ viṣāya tau saṃnipātayet
apaśyaṃ tvā manasā cekitānaṃ tapaso jātaṃ tapaso vibhūtam
iha prajām iha rayiṃ rarāṇaḥ prajāyasva prajayā putrakāma
apaśyaṃ tvā manasā dīdhyānāṃ svāyāṃ tanūṃ ṛtviye bādhamānām
upa mām uccā yuvatirbabhūyāḥ prajāyasva prajayā putrakāme
prajāpatistanvaṃ me juṣasva tvaṣṭā devaiḥ sahamāna indraḥ
viśvedevair ṛtubhiḥ saṃvidānaḥ puṃsāṃ bahūnāṃ mātarau syāva
ahaṃ garbham adadhām oṣadhīṣv ahaṃ viśveṣu bhuvaneṣvantaḥ
ahaṃ prajā ajanayaṃ pṛthivyā ahaṃ janibhyo aparīṣu putrān
iti stryādivyatyāsaṃ japati
- 17
करद् इति भसदम् अभिमृशति
karad iti bhasadam abhimṛśati
- 18
जननीत्य् उपजननम्
jananīty upajananam
- 19
बृहद् इति जातं प्रतिष्ठितम्
bṛhad iti jātaṃ pratiṣṭhitam
- 20
एतेन धर्मेण ऋतावृतौ संनिपातयेत्
etena dharmeṇa ṛtāvṛtau saṃnipātayet

