12 shlokas
- 1
अथोपनिषदर्हाः
ब्रह्मचारी सुचरिती मेधावी कर्मकृद्धनदः प्रियो विद्यां वा विद्ययान्वेष्यन्
athopaniṣadarhāḥ
brahmacārī sucaritī medhāvī karmakṛddhanadaḥ priyo vidyāṃ vā vidyayānveṣyan
- 2
तानि तीर्थानि ब्रह्मणः
tāni tīrthāni brahmaṇaḥ
- 3
भार्यां विन्दते
bhāryāṃ vindate
- 4
कृत्तिकास्वातिपूर्वैर् इति वरयेत्
kṛttikāsvātipūrvair iti varayet
- 5
रोहिणीमृगशिरःश्रवणश्रविष्ठोत्तराणीत्य् उपयमे तथोद्वाहे यद्वा पुण्योक्तम्
rohiṇīmṛgaśiraḥśravaṇaśraviṣṭhottarāṇīty upayame tathodvāhe yadvā puṇyoktam
- 6
पञ्च विवाहकारकाणि भवन्ति वित्तं रूपं विद्या प्रज्ञा बान्धव इति
pañca vivāhakārakāṇi bhavanti vittaṃ rūpaṃ vidyā prajñā bāndhava iti
- 7
एकालाभे वित्तं विसृजेद्द्वितीयालाभे रूपं तृतीयालाभे विद्यां प्रज्ञायां बान्धव इति च विवहन्ते
ekālābhe vittaṃ visṛjeddvitīyālābhe rūpaṃ tṛtīyālābhe vidyāṃ prajñāyāṃ bāndhava iti ca vivahante
- 8
बन्धुमतीं कन्याम् अस्पृष्टमैथुनाम् उपयच्छेत समानवर्णाम् असमानप्रवरां यवीयसीं नग्निकां श्रेष्ठाम्
bandhumatīṃ kanyām aspṛṣṭamaithunām upayaccheta samānavarṇām asamānapravarāṃ yavīyasīṃ nagnikāṃ śreṣṭhām
- 9
विज्ञानम् अस्याः कुर्याद् अष्टौ लोष्टान् आहरेत्सीतालोष्टं वेदिलोष्टं दूर्वालोष्टं गोमयलोष्टं फलवतो वृक्षस्याधस्ताल्लोष्टं श्मशानलोष्टम् अध्वलोष्टम् इरिणलोष्टम् इति
vijñānam asyāḥ kuryād aṣṭau loṣṭān āharetsītāloṣṭaṃ vediloṣṭaṃ dūrvāloṣṭaṃ gomayaloṣṭaṃ phalavato vṛkṣasyādhastālloṣṭaṃ śmaśānaloṣṭam adhvaloṣṭam iriṇaloṣṭam iti
- 10
देवागारे स्थापयित्वाथ कन्यां ग्राहयेत्
यदि स्मशानलोष्टं गृह्णीयाद् अध्वलोष्टम् इरिणलोष्टं वा नोपयमेत्
devāgāre sthāpayitvātha kanyāṃ grāhayet
yadi smaśānaloṣṭaṃ gṛhṇīyād adhvaloṣṭam iriṇaloṣṭaṃ vā nopayamet
- 11
संजुष्टां धर्मेणोपयच्छेत ब्राह्मेण शौल्केन वा
saṃjuṣṭāṃ dharmeṇopayaccheta brāhmeṇa śaulkena vā
- 12
शतमितिरथं दद्याद्गोमिथुनं वा
śatamitirathaṃ dadyādgomithunaṃ vā

