19 shlokas
- 1
पुण्याहे युङ्क्ते
puṇyāhe yuṅkte
- 2
युञ्जन्ति ब्रध्नम् इति द्वाभ्यां युज्यमानम् अनुमन्त्रयते दक्षिणम् अथोत्तरम्
yuñjanti bradhnam iti dvābhyāṃ yujyamānam anumantrayate dakṣiṇam athottaram
- 3
अहतेन वाससा दर्भैर्वा रथं संमार्ष्टि
ahatena vāsasā darbhairvā rathaṃ saṃmārṣṭi
- 4
अङ्कौ न्यङ्काव् अभितो रथं ये ध्वान्ता वाता अग्निमभि ये संचरन्ति
दूरेहेतिः पतत्री वाजिनीवांस्ते नो ऽग्नयः पप्रयः पालयन्तु
इति चक्रे ऽभिमन्त्रयते
aṅkau nyaṅkāv abhito rathaṃ ye dhvāntā vātā agnimabhi ye saṃcaranti
dūrehetiḥ patatrī vājinīvāṃste no 'gnayaḥ paprayaḥ pālayantu
iti cakre 'bhimantrayate
- 5
वनस्पते वीड्वङ्ग इत्य् अधिष्ठानम्
vanaspate vīḍvaṅga ity adhiṣṭhānam
- 6
सुकिंशुकं शल्मलिं विश्वरूपं हिरण्यवर्णं सुवृतं सुचक्रम्
आरोह सूर्ये अमृतस्य लोकं स्योनं पत्ये वहतुं कृणुष्व
इत्य् आरोहयति
sukiṃśukaṃ śalmaliṃ viśvarūpaṃ hiraṇyavarṇaṃ suvṛtaṃ sucakram
āroha sūrye amṛtasya lokaṃ syonaṃ patye vahatuṃ kṛṇuṣva
ity ārohayati
- 7
अनु मा यन्तु देवता अनु ब्रह्म सुवीर्यम्
अनु क्षत्रं तु यद्बलम् अनु माम् ऐतु यद्यशः
इति प्राङ् अभिप्रयाय प्रदक्षिणम् आवर्तयति
anu mā yantu devatā anu brahma suvīryam
anu kṣatraṃ tu yadbalam anu mām aitu yadyaśaḥ
iti prāṅ abhiprayāya pradakṣiṇam āvartayati
- 8
प्रति मा यन्तु देवताः प्रति ब्रह्म सुवीर्यम्
प्रति क्षत्रं तु यद्बलं प्रति माम् ऐतु यद्यशः
इति यथास्तं यन्तम् अनुमन्त्रयते
prati mā yantu devatāḥ prati brahma suvīryam
prati kṣatraṃ tu yadbalaṃ prati mām aitu yadyaśaḥ
iti yathāstaṃ yantam anumantrayate
- 9
अमङ्गल्यं चेद् अतिक्रामति अनु मा यन्त्व् इति जपति
amaṅgalyaṃ ced atikrāmati anu mā yantv iti japati
- 10
नमो रुद्राय ग्रामसद इति ग्रामे इमा रुद्रायेति च
namo rudrāya grāmasada iti grāme imā rudrāyeti ca
- 11
नमो रुद्रायैकवृक्षसद इत्य् एकवृक्षे
ये वृक्षेषु शष्पिञ्जरा इति च
namo rudrāyaikavṛkṣasada ity ekavṛkṣe
ye vṛkṣeṣu śaṣpiñjarā iti ca
- 12
नमो रुद्राय श्मशानसद इति श्मशाने
ये भूतानाम् अधिपतय इति च
namo rudrāya śmaśānasada iti śmaśāne
ye bhūtānām adhipataya iti ca
- 13
नमो रुद्राय चतुष्पथसद इति चतुष्पथे
ये पथां पथिरक्षय इति च
namo rudrāya catuṣpathasada iti catuṣpathe
ye pathāṃ pathirakṣaya iti ca
- 14
नमो रुद्राय तीर्थसद इति तीर्थे
ये तीर्थानि प्रचरन्तीति च
namo rudrāya tīrthasada iti tīrthe
ye tīrthāni pracarantīti ca
- 15
यत्रापस्तरितव्या आसीदति समुद्राय वैणवे सिन्धूनां पतये नमः
नमो नदीनां सर्वासां पत्ये
विश्वाहा जुषतां विश्वकर्मणाम् इदं हविः स्वः स्वाहेत्य् अप्सूदकाञ्जलीन्निनयति
अमृतं वा आस्ये जुहोम्य् आयुः प्राणे ऽप्यमृतं ब्रह्मणा सह मृत्युं तरति
प्रासहाद् इति रिष्टिर् इति मुक्तिर् इति मुक्षीयमाणः सर्वं भयं नुदस्व स्वाहेति त्रिः परिमृज्याचामति
yatrāpastaritavyā āsīdati samudrāya vaiṇave sindhūnāṃ pataye namaḥ
namo nadīnāṃ sarvāsāṃ patye
viśvāhā juṣatāṃ viśvakarmaṇām idaṃ haviḥ svaḥ svāhety apsūdakāñjalīnninayati
amṛtaṃ vā āsye juhomy āyuḥ prāṇe 'pyamṛtaṃ brahmaṇā saha mṛtyuṃ tarati
prāsahād iti riṣṭir iti muktir iti mukṣīyamāṇaḥ sarvaṃ bhayaṃ nudasva svāheti triḥ parimṛjyācāmati
- 16
यदि नावा तरेत्सुत्रामाणम् इति जपेत्
yadi nāvā taretsutrāmāṇam iti japet
- 17
यदि रथाक्षः शम्याणी वा रिष्येतान्यद्वा रथाङ्गं तत्रैवाग्निम् उपसमाधाय जयप्रभृतिभिर्हुत्वा सुमङ्गलीर् इयं वधूर् इति जपेद्वध्वा सह वधूं समेत पश्यत
yadi rathākṣaḥ śamyāṇī vā riṣyetānyadvā rathāṅgaṃ tatraivāgnim upasamādhāya jayaprabhṛtibhirhutvā sumaṅgalīr iyaṃ vadhūr iti japedvadhvā saha vadhūṃ sameta paśyata
- 18
व्युत्क्राम पन्थां जरितां जवेन शिवेन वैश्वानर इडयास्याग्रतः
आचार्यो येन येन पथा प्रयाति तेन तेन सह
इत्य् उभावेव व्युत्क्रामतः
vyutkrāma panthāṃ jaritāṃ javena śivena vaiśvānara iḍayāsyāgrataḥ
ācāryo yena yena pathā prayāti tena tena saha
ity ubhāveva vyutkrāmataḥ
- 19
गोभिः सहास्तमिते ग्रामं प्रविशन्ति ब्राह्मणवचनाद्वा
gobhiḥ sahāstamite grāmaṃ praviśanti brāhmaṇavacanādvā

