11 shlokas
- 1
पश्चाद् अग्नेश्चत्वार्य् आसनान्युपकल्पयीत
paścād agneścatvāry āsanānyupakalpayīta
- 2
तेषूपविशन्ति पुरस्तात्प्रत्यङ्मुखो दाता पश्चात्प्राङ्मुखः प्रतिग्रहीता दातुर् उत्तरतः प्रत्यङ्मुखी कन्या दक्षिणत उदङ्मुखो मन्त्रकारः
teṣūpaviśanti purastātpratyaṅmukho dātā paścātprāṅmukhaḥ pratigrahītā dātur uttarataḥ pratyaṅmukhī kanyā dakṣiṇata udaṅmukho mantrakāraḥ
- 3
तेषां मध्ये प्राक्तूलान्दर्भान् आस्तीर्य कांस्यम् अक्षतोदकेन पूरयित्वाविधवास्मै प्रयच्छति
teṣāṃ madhye prāktūlāndarbhān āstīrya kāṃsyam akṣatodakena pūrayitvāvidhavāsmai prayacchati
- 4
तत्र हिरण्यम्
tatra hiraṇyam
- 5
अष्टौ मङ्गल्यान्य् आवेदयति
aṣṭau maṅgalyāny āvedayati
- 6
मङ्गल्यान्य् उक्त्वा ददामि प्रतिगृह्णामीति त्रिर्ब्रह्मदेया पिता भ्राता वा दद्यात्
maṅgalyāny uktvā dadāmi pratigṛhṇāmīti trirbrahmadeyā pitā bhrātā vā dadyāt
- 7
सहिरण्यान् अञ्जलीन् आवपति धनाय त्वेति दाता पुत्रेभ्यस्त्वेति प्रतिग्रहीता तस्मै प्रत्यावपति
sahiraṇyān añjalīn āvapati dhanāya tveti dātā putrebhyastveti pratigrahītā tasmai pratyāvapati
- 8
चतुर्व्यतिहृत्य ददाति
caturvyatihṛtya dadāti
- 9
सावित्रेण कन्यां प्रतिगृह्य प्रजापतय इति च क इदं कस्मा अदादिति सर्वत्रानुषजति कामैतत्त इत्यन्तम्
sāvitreṇa kanyāṃ pratigṛhya prajāpataya iti ca ka idaṃ kasmā adāditi sarvatrānuṣajati kāmaitatta ityantam
- 10
समाना वा आकूतानीति सह जपन्त्य् आन्ताद् अनुवाकस्य
samānā vā ākūtānīti saha japanty āntād anuvākasya
- 11
खे रथस्य खे ऽनसः खे युगस्य शतक्रतो अपालाम् इन्द्रस्त्रिः पूर्त्य् अवकृणोत्सूर्यत्वचम् इति तेनोदकांस्येन कन्याम् अभिषिञ्चेत्
khe rathasya khe 'nasaḥ khe yugasya śatakrato apālām indrastriḥ pūrty avakṛṇotsūryatvacam iti tenodakāṃsyena kanyām abhiṣiñcet

