6 shlokas
- 1
यम् एवं विद्वांसम् अभ्युदियाद्वाभ्यस्तमियाद्वा प्रतिबुध्य जपेत्
पुनर्माम् ऐत्विन्द्रियं पुनरायुः पुनर्भगः
पुनर्द्रविणम् ऐतु मां पुनर्ब्राह्मणम् ऐतु माम्
अथो यथेमे धिष्ण्यासो अग्नयो यथास्थानं कल्पयन्ताम् इहैवेत्य् अभ्युदितः
yam evaṃ vidvāṃsam abhyudiyādvābhyastamiyādvā pratibudhya japet
punarmām aitvindriyaṃ punarāyuḥ punarbhagaḥ
punardraviṇam aitu māṃ punarbrāhmaṇam aitu mām
atho yatheme dhiṣṇyāso agnayo yathāsthānaṃ kalpayantām ihaivety abhyuditaḥ
- 2
पुनर्मात्मा पुनर् आयुर् ऐतु पुनः प्राणः पुनर् आकूतिर् ऐतु
वैश्वानरो वावृधानो वरेणान्तस्तिष्ठतो मे मनो अमृतस्य केतुः इत्य् अभ्यस्तमितः
punarmātmā punar āyur aitu punaḥ prāṇaḥ punar ākūtir aitu
vaiśvānaro vāvṛdhāno vareṇāntastiṣṭhato me mano amṛtasya ketuḥ ity abhyastamitaḥ
- 3
उभाव् एव वाभ्युदितो जपेद् उभावेव वाभ्यस्तमितः
ubhāv eva vābhyudito japed ubhāveva vābhyastamitaḥ
- 4
यद्य् अचरणीयान्वाचरेद् अनाक्रोश्यान्वाक्रोशेद् अभोज्यस्य वान्नम् अश्नीयाद् अक्षि वा स्पन्देत्कर्णो वाक्रोशेद् अग्निं वा चितिम् आरोहेत्स्मशानं वा गच्छेद्यूपं वोपस्पृशेद्रेतसो वा स्कन्देद् एताभ्याम् एव मन्त्राभ्याम् आहुतीर्जुहुयात्
अपि वाज्यलिप्ते समिधा वादध्यात्
अपि वा मन्त्रावेव जपेत्
yady acaraṇīyānvācared anākrośyānvākrośed abhojyasya vānnam aśnīyād akṣi vā spandetkarṇo vākrośed agniṃ vā citim ārohetsmaśānaṃ vā gacchedyūpaṃ vopaspṛśedretaso vā skanded etābhyām eva mantrābhyām āhutīrjuhuyāt
api vājyalipte samidhā vādadhyāt
api vā mantrāveva japet
- 5
एवम् अधर्मम् आचर्यास्थूलम्
evam adharmam ācaryāsthūlam
- 6
स्थूले वेषणया विहरेद् अवस्त्रो लोमत्वगाच्छादो ऽग्निम् आरोहेत्संग्रामे वा घातयेद् अपि वाग्निमिन्धानं तपसात्मानम् उपयोजयीत
sthūle veṣaṇayā vihared avastro lomatvagācchādo 'gnim ārohetsaṃgrāme vā ghātayed api vāgnimindhānaṃ tapasātmānam upayojayīta

