Manava Grhya Sutra · 1.14 1.14.16
1.14.16योक्त्रपाशं विषाय तौ संनिपातयेत्
अपश्यं त्वा मनसा चेकितानं तपसो जातं तपसो विभूतम्
इह प्रजाम् इह रयिं रराणः प्रजायस्व प्रजया पुत्रकाम
अपश्यं त्वा मनसा दीध्यानां स्वायां तनूं ऋत्विये बाधमानाम्
उप माम् उच्चा युवतिर्बभूयाः प्रजायस्व प्रजया पुत्रकामे
प्रजापतिस्तन्वं मे जुषस्व त्वष्टा देवैः सहमान इन्द्रः
विश्वेदेवैर् ऋतुभिः संविदानः पुंसां बहूनां मातरौ स्याव
अहं गर्भम् अदधाम् ओषधीष्व् अहं विश्वेषु भुवनेष्वन्तः
अहं प्रजा अजनयं पृथिव्या अहं जनिभ्यो अपरीषु पुत्रान्
इति स्त्र्यादिव्यत्यासं जपति
Transliteration
yoktrapāśaṃ viṣāya tau saṃnipātayet
apaśyaṃ tvā manasā cekitānaṃ tapaso jātaṃ tapaso vibhūtam
iha prajām iha rayiṃ rarāṇaḥ prajāyasva prajayā putrakāma
apaśyaṃ tvā manasā dīdhyānāṃ svāyāṃ tanūṃ ṛtviye bādhamānām
upa mām uccā yuvatirbabhūyāḥ prajāyasva prajayā putrakāme
prajāpatistanvaṃ me juṣasva tvaṣṭā devaiḥ sahamāna indraḥ
viśvedevair ṛtubhiḥ saṃvidānaḥ puṃsāṃ bahūnāṃ mātarau syāva
ahaṃ garbham adadhām oṣadhīṣv ahaṃ viśveṣu bhuvaneṣvantaḥ
ahaṃ prajā ajanayaṃ pṛthivyā ahaṃ janibhyo aparīṣu putrān
iti stryādivyatyāsaṃ japati
By System Admin
Translation
Draft in progress