30 shlokas
- 1
षड् अर्घ्यार्हा भवन्त्यृत्विग् आचार्यो विवाह्यो राजा स्नातकः प्रियश्चेति
ṣaḍ arghyārhā bhavantyṛtvig ācāryo vivāhyo rājā snātakaḥ priyaśceti
- 2
अप्राकरणिकान्वा परिसंवत्सराद् अर्हयन्ति
aprākaraṇikānvā parisaṃvatsarād arhayanti
- 3
प्राकरणिकाः कर्तारः सदस्याश्च वृताः
prākaraṇikāḥ kartāraḥ sadasyāśca vṛtāḥ
- 4
न जीवत्पितृको ऽर्घ्यं प्रतिगृह्णीयाद् इति श्रुतिर् अथवा प्रतिगृह्णीयात्
na jīvatpitṛko 'rghyaṃ pratigṛhṇīyād iti śrutir athavā pratigṛhṇīyāt
- 5
अथैनम् अर्हयन्ति
athainam arhayanti
- 6
कांस्ये चमसे वा दधि मधु चानीय वर्षीयसापिधायाचमनीयप्रथमैः प्रतिपद्यन्ते
kāṃsye camase vā dadhi madhu cānīya varṣīyasāpidhāyācamanīyaprathamaiḥ pratipadyante
- 7
विराजो दोहो ऽसि विराजो दोहमशीय मयि दोहः पद्यायै विराजः कल्पताम् इत्य् एकैकम् आह्रियमाणं प्रतीक्षते
virājo doho 'si virājo dohamaśīya mayi dohaḥ padyāyai virājaḥ kalpatām ity ekaikam āhriyamāṇaṃ pratīkṣate
- 8
सावित्रेण विष्टरं प्रतिगृह्य
अहं वर्ष्म सदृशानाम् उद्यतामिव सूर्यः
इदं तम् अभितिष्ठामि यो मा कश्चाभिदासति
इति जपति
sāvitreṇa viṣṭaraṃ pratigṛhya
ahaṃ varṣma sadṛśānām udyatāmiva sūryaḥ
idaṃ tam abhitiṣṭhāmi yo mā kaścābhidāsati
iti japati
- 9
राष्ट्रभृद् असीत्य् आचार्य आसन्दीम् अनुमन्त्रयते
rāṣṭrabhṛd asīty ācārya āsandīm anumantrayate
- 10
मा त्वा दोष इत्य् अधस्तात्पादयोर्विष्टरम् उपकर्षति
mā tvā doṣa ity adhastātpādayorviṣṭaram upakarṣati
- 11
विष्टर आसीनायैकैकं त्रिः प्राह
viṣṭara āsīnāyaikaikaṃ triḥ prāha
- 12
नैव भो इत्याह नम आर्षेयायेति श्रुतिः स्पृशत्यर्घ्यम्
naiva bho ityāha nama ārṣeyāyeti śrutiḥ spṛśatyarghyam
- 13
पाद्येन पादौ प्रक्षाल्य सावित्रेण मधुपर्कं प्रतिगृह्य प्रतिष्ठाप्यावसाय्य नमो रुद्राय पात्रसदे नमो रुद्राय पात्रसद इति प्रादेशेनाध्यधि प्रतिदिशं प्रदक्षिणं सर्वतो ऽभ्युद्दिशति
pādyena pādau prakṣālya sāvitreṇa madhuparkaṃ pratigṛhya pratiṣṭhāpyāvasāyya namo rudrāya pātrasade namo rudrāya pātrasada iti prādeśenādhyadhi pratidiśaṃ pradakṣiṇaṃ sarvato 'bhyuddiśati
- 14
मधु वाता ऋतायत इति तिसृभिरङ्गुल्या प्रदक्षिणं प्रत्यृचं त्रिरायौति
madhu vātā ṛtāyata iti tisṛbhiraṅgulyā pradakṣiṇaṃ pratyṛcaṃ trirāyauti
- 15
अमृतोपस्तरणम् असीत्य् उपस्तरति
amṛtopastaraṇam asīty upastarati
- 16
सत्यं यशः श्रीर्मयि श्रीः श्रयतामिति मधुपर्कं त्रिः प्राश्नाति
satyaṃ yaśaḥ śrīrmayi śrīḥ śrayatāmiti madhuparkaṃ triḥ prāśnāti
- 17
अमृतापिधानम् असीत्य् आचामति
amṛtāpidhānam asīty ācāmati
- 18
सुहृदे ऽवशिष्टं प्रयच्छति
suhṛde 'vaśiṣṭaṃ prayacchati
- 19
असिपाणिर्गां प्राह
asipāṇirgāṃ prāha
- 20
हतो मे पाप्मा पाप्मानं मे हत ॐ कुरुतेति प्रेष्यति
hato me pāpmā pāpmānaṃ me hata oṃ kuruteti preṣyati
- 21
चतुरो ब्राह्मणान्नानागोत्रान्भोजयते
caturo brāhmaṇānnānāgotrānbhojayate
- 22
पश्वङ्गं पायसं वा कारयेन्नामांसो मधुपर्क इति श्रुतिः
paśvaṅgaṃ pāyasaṃ vā kārayennāmāṃso madhuparka iti śrutiḥ
- 23
यद्युत्सृजेत्
माता रुद्राणां दुहिता वसूनां स्वसादित्यानाममृतस्य नाभिः
प्र नु वोचं चिकितुषे जनाय मा गामनागामदितिं वधिष्ट
भूर्भुवः स्वर् ओम् उत्सृजतु तृणान्यत्तु
yadyutsṛjet
mātā rudrāṇāṃ duhitā vasūnāṃ svasādityānāmamṛtasya nābhiḥ
pra nu vocaṃ cikituṣe janāya mā gāmanāgāmaditiṃ vadhiṣṭa
bhūrbhuvaḥ svar om utsṛjatu tṛṇānyattu
- 24
अथालंकरणम् अलंकरणम् असि सर्वस्मा अलं मे भूयासम्
athālaṃkaraṇam alaṃkaraṇam asi sarvasmā alaṃ me bhūyāsam
- 25
प्राणापानौ मे तर्पय समानव्यानौ मे तर्पय उदानरूपे मे तर्पय सुचक्षा अहमक्षिभ्यां भूयासं सुवर्चा मुखेन सुश्रुत्कर्णाभ्यां भूयासमिति यथालिङ्गम् अङ्गानि संस्पृशति
prāṇāpānau me tarpaya samānavyānau me tarpaya udānarūpe me tarpaya sucakṣā ahamakṣibhyāṃ bhūyāsaṃ suvarcā mukhena suśrutkarṇābhyāṃ bhūyāsamiti yathāliṅgam aṅgāni saṃspṛśati
- 26
अथ गन्धोत्सदने वाससी
atha gandhotsadane vāsasī
- 27
परिधास्ये यशो धास्ये दीर्घायुत्वाय जरदष्टिर् अस्तु
शतं जीवेम शरदः पुरूची रायस्पोषम् अभिसंव्ययिष्ये
यशसा मा द्यावापृथिवी यशसेन्द्राबृहस्पती
यशो भगश्च मा रिषद्यशो मा प्रतिमुच्यताम्
इत्यहतं वासः परिधत्ते
paridhāsye yaśo dhāsye dīrghāyutvāya jaradaṣṭir astu
śataṃ jīvema śaradaḥ purūcī rāyaspoṣam abhisaṃvyayiṣye
yaśasā mā dyāvāpṛthivī yaśasendrābṛhaspatī
yaśo bhagaśca mā riṣadyaśo mā pratimucyatām
ityahataṃ vāsaḥ paridhatte
- 28
कुमार्याः प्रमदने भगम् अर्यमणं पूषणं त्वष्टारमिति यजति
kumāryāḥ pramadane bhagam aryamaṇaṃ pūṣaṇaṃ tvaṣṭāramiti yajati
- 29
प्राक्स्विष्टकृतश्चतस्रो ऽविधवा नन्दीर् उपवादयन्ति
prāksviṣṭakṛtaścatasro 'vidhavā nandīr upavādayanti
- 30
अभ्यन्तरे कौतुके देवपत्नीर्यजति
abhyantare kautuke devapatnīryajati

