11 shlokas
- 1
अनूयाजैश्चरन्ति
anūyājaiścaranti
- 2
अनूयाजैश्चरित्वा हारियोजनेन चरन्ति
anūyājaiścaritvā hāriyojanena caranti
- 3
हारियोजनस्योच्छेषणाद् इयतीर्वेयतीर्वा धाना आदायाहवनीयस्यान्ते निदधति
hāriyojanasyoccheṣaṇād iyatīrveyatīrvā dhānā ādāyāhavanīyasyānte nidadhati
- 4
आपूर्या स्था मा पूरयत प्रजया च धनेन चेति
āpūryā sthā mā pūrayata prajayā ca dhanena ceti
- 5
शालाकैर् एनांस्य् अवयजन्ते देवकृतस्यैनसो ऽवयजनम् असि ऋषिकृतस्यैनसो ऽवयजनम् असि पितृकृतस्यैनसो ऽवयजनम् असि परकृतस्यैनसो ऽवयजनम् असि आत्मकृतस्यैनसो ऽवयजनम् असि एनस एनसो ऽवयजनम् असि स्वाहेति
śālākair enāṃsy avayajante devakṛtasyainaso 'vayajanam asi ṛṣikṛtasyainaso 'vayajanam asi pitṛkṛtasyainaso 'vayajanam asi parakṛtasyainaso 'vayajanam asi ātmakṛtasyainaso 'vayajanam asi enasa enaso 'vayajanam asi svāheti
- 6
दक्षिणेन चात्वालम् अप्सुषोमान्सोमभक्षावृतावघ्रेण भक्षयन्ति युगपत्समुपहूता इत्य् अभिव्याहृत्याप्सु धौतस्य देव सोम ते मतिविदो नृभि स्तुतस्य स्तुतस्तोमस्य शस्तोक्थस्येष्टयजुषो यो भक्षो ऽश्वसनिर्गोसनिस्तस्य त उपहूतस्योपहूतो भक्षयामि
dakṣiṇena cātvālam apsuṣomānsomabhakṣāvṛtāvaghreṇa bhakṣayanti yugapatsamupahūtā ity abhivyāhṛtyāpsu dhautasya deva soma te mativido nṛbhi stutasya stutastomasya śastokthasyeṣṭayajuṣo yo bhakṣo 'śvasanirgosanistasya ta upahūtasyopahūto bhakṣayāmi
- 7
वाग्जुषाणा सोमस्य तृप्यत्व् इति
vāgjuṣāṇā somasya tṛpyatv iti
- 8
कामकामम् आवर्त इति दक्षिणं बाहुम् अनुपर्यावर्तते
kāmakāmam āvarta iti dakṣiṇaṃ bāhum anuparyāvartate
- 9
तूष्णीं पुनः सव्यं बाहुम् अनुपर्यावृत्य शम् अद्भ्यः शम् ओषधीभ्यः प्राण सोमपीथे मे जागृहीति द्वितीयम्
tūṣṇīṃ punaḥ savyaṃ bāhum anuparyāvṛtya śam adbhyaḥ śam oṣadhībhyaḥ prāṇa somapīthe me jāgṛhīti dvitīyam
- 10
भक्षयित्वा चात्वाले ऽवनयति समुद्रं वः प्रहिणोमीत्य् एतेनैव
bhakṣayitvā cātvāle 'vanayati samudraṃ vaḥ prahiṇomīty etenaiva
- 11
आग्नीध्रे दधिषोमान्भक्षयन्ति चमसेन यथापूर्वं पाणिभिर्वा युगपद्दधिक्राव्णो अकारिषम् इत्य् एतयर्चा
āgnīdhre dadhiṣomānbhakṣayanti camasena yathāpūrvaṃ pāṇibhirvā yugapaddadhikrāvṇo akāriṣam ity etayarcā

