24 shlokas
- 1
अथास्मा आसनम् आहरन्ति
athāsmā āsanam āharanti
- 2
तस्मिन्न् उपविशति
tasminn upaviśati
- 3
अहे दैधिषव्योद् अतस्तिष्ठान्यस्य सदने सीद यो ऽस्मत्पाकतरस्तस्य सदने सीद निरस्तः परावसुर् इति तृणं निरस्यति यत्प्रतिशुष्काग्रं भवति यद्वा प्रतिच्छिन्नाग्रम्
ahe daidhiṣavyod atastiṣṭhānyasya sadane sīda yo 'smatpākatarastasya sadane sīda nirastaḥ parāvasur iti tṛṇaṃ nirasyati yatpratiśuṣkāgraṃ bhavati yadvā praticchinnāgram
- 4
अप उपस्पृश्य आ वसोः सदने सीदामीति सीदति
apa upaspṛśya ā vasoḥ sadane sīdāmīti sīdati
- 5
अथास्मा उदकम् आहरन्ति
athāsmā udakam āharanti
- 6
तत्प्रतिगृह्णाति मयि वर्चो अथो भगम् अथो यज्ञस्य यत्पयः परमेष्ठी प्रजापतिर्दिवि द्याम् इव दृंहत्व् इति
tatpratigṛhṇāti mayi varco atho bhagam atho yajñasya yatpayaḥ parameṣṭhī prajāpatirdivi dyām iva dṛṃhatv iti
- 7
अथास्मै मध्व् आहरन्ति
athāsmai madhv āharanti
- 8
तत्प्राश्नाति चतसृभिर् अङ्गुलीभिः साङ्गुष्ठाभिः
tatprāśnāti catasṛbhir aṅgulībhiḥ sāṅguṣṭhābhiḥ
- 9
त्रिः प्राश्नाति मध्व् असि मधव्यो भूयासम् इति
triḥ prāśnāti madhv asi madhavyo bhūyāsam iti
- 10
अथास्मै वाससी आहरन्ति
athāsmai vāsasī āharanti
- 11
श्रियै रूपम् इति
śriyai rūpam iti
- 12
ते परिधत्ते श्रीरसि श्रीमान्भूयासम् इति
te paridhatte śrīrasi śrīmānbhūyāsam iti
- 13
प्रवर्तौ स्रजो ऽलंकरणम् इत्य् अस्मा आहरन्ति
pravartau srajo 'laṃkaraṇam ity asmā āharanti
- 14
अलंकृतम् एनं वृणीते पर्जन्यो म उद्गाता स म उद्गाता त्वं म उद्गाता दिशो मे प्रस्तोतृप्रतिहर्तारौ सुब्रह्मण्य इति
alaṃkṛtam enaṃ vṛṇīte parjanyo ma udgātā sa ma udgātā tvaṃ ma udgātā diśo me prastotṛpratihartārau subrahmaṇya iti
- 15
तम् उपांशु प्रतिमन्त्रयते
tam upāṃśu pratimantrayate
- 16
पर्जन्यस्य उद्गाता स त उद्गाताहं त उद्गाता दिशस्ते प्रस्तोतृप्रतिहर्तारौ सुब्रह्मण्यः कर्मैव वयं करिष्यामः
parjanyasya udgātā sa ta udgātāhaṃ ta udgātā diśaste prastotṛpratihartārau subrahmaṇyaḥ karmaiva vayaṃ kariṣyāmaḥ
- 17
ओम् इत्य् उच्चैः
om ity uccaiḥ
- 18
अथैनं देवयजनं याचति उद्गातर्देवयजनं मे देहीति
athainaṃ devayajanaṃ yācati udgātardevayajanaṃ me dehīti
- 19
तं तथेत्य् उपांशु प्रतिमन्त्रयते
taṃ tathety upāṃśu pratimantrayate
- 20
ओम् इत्य् एवोच्चैः
om ity evoccaiḥ
- 21
अथास्मा आवसथम् उपपन्नाय गाम् उपाञ्जन्ति
athāsmā āvasatham upapannāya gām upāñjanti
- 22
ताम् उपाष्टां हते पाप्मानम् एव तद्धते
tām upāṣṭāṃ hate pāpmānam eva taddhate
- 23
अथ यदि गाम् उत्सृजेत्ताम् एतेनैवोत्सृजेद्गौर्धेनुर्हव्या माता रुद्राणां दुहिता वसूनां स्वसादित्यानाम् अमृतस्य नाभिः
atha yadi gām utsṛjettām etenaivotsṛjedgaurdhenurhavyā mātā rudrāṇāṃ duhitā vasūnāṃ svasādityānām amṛtasya nābhiḥ
- 24
प्र नु वोचं चिकितुषे जनाय मा गाम् अनागाम् अदितिं वधिष्ट
पिबतूदकं तृणान्य् अत्तु
ओम् उत्सृजतेति
pra nu vocaṃ cikituṣe janāya mā gām anāgām aditiṃ vadhiṣṭa
pibatūdakaṃ tṛṇāny attu
om utsṛjateti

