9 shlokas
- 1
उपहवम् इष्ट्वा भक्षयन्तीन्दव् इन्द्रपीतस्य त इन्द्रियावतो गायत्रच्छन्दसः प्रातःसवनस्य मधुमतो विचक्षणस्य सर्वगणस्य सर्वगण उपहूतस्योपहूतो भक्षयामि वाग्जुषाणा सोमस्य तृप्यत्व् इति
upahavam iṣṭvā bhakṣayantīndav indrapītasya ta indriyāvato gāyatracchandasaḥ prātaḥsavanasya madhumato vicakṣaṇasya sarvagaṇasya sarvagaṇa upahūtasyopahūto bhakṣayāmi vāgjuṣāṇā somasya tṛpyatv iti
- 2
एवम् एवेतरयोः सवनयोश्छन्दःसवनोपदेशं गणवत्सवनमुखीयेषु
evam evetarayoḥ savanayośchandaḥsavanopadeśaṃ gaṇavatsavanamukhīyeṣu
- 3
गणांश्च परिहाप्य विचक्षणं च नाराशंसेष्व् अनाराशंसेषु च गणान्
gaṇāṃśca parihāpya vicakṣaṇaṃ ca nārāśaṃseṣv anārāśaṃseṣu ca gaṇān
- 4
भक्षयित्वेन्द्रियाणि संमृशते नृमणसि त्वा दधामि पिन्व मे गात्रा हरिवो गणान्मे मा वितीतृष इति
bhakṣayitvendriyāṇi saṃmṛśate nṛmaṇasi tvā dadhāmi pinva me gātrā harivo gaṇānme mā vitītṛṣa iti
- 5
अथात्मानं प्रत्यभिमृशत्य् ऊर्ध्वः सप्तर्षीन् उपतिष्ठस्वेन्द्रपीतो वाचस्पते सप्तर्त्विजो ऽभ्युच्छ्रयस्व जुषस्व लोकं मा मावगाः सोम रारन्धि नो हृदि पिता नो ऽसि भगवो नमस्ते अस्तु मा मा हिंसीर् इति
athātmānaṃ pratyabhimṛśaty ūrdhvaḥ saptarṣīn upatiṣṭhasvendrapīto vācaspate saptartvijo 'bhyucchrayasva juṣasva lokaṃ mā māvagāḥ soma rārandhi no hṛdi pitā no 'si bhagavo namaste astu mā mā hiṃsīr iti
- 6
प्रस्तोता दक्षिण ऊरौ निधाय चमसम् आप्याययत्य् आप्यायस्व समेतु ते विश्वतः सोम वृष्ण्यं भवा वाजस्य संगथ इत्य् एतया गायत्र्या प्रातःसवने
prastotā dakṣiṇa ūrau nidhāya camasam āpyāyayaty āpyāyasva sametu te viśvataḥ soma vṛṣṇyaṃ bhavā vājasya saṃgatha ity etayā gāyatryā prātaḥsavane
- 7
तद् असर्वभक्षेषु सं ते पयांसि सम् उ यन्तु वाजा इत्य् एतया त्रिष्टुभा माध्यन्दिने सवने
tad asarvabhakṣeṣu saṃ te payāṃsi sam u yantu vājā ity etayā triṣṭubhā mādhyandine savane
- 8
आप्यायस्व समेतु त इत्य् एतयैव द्विर् उक्तया तृतीयसवने
āpyāyasva sametu ta ity etayaiva dvir uktayā tṛtīyasavane
- 9
सा जगती सम्पद्यते
sā jagatī sampadyate

