22 shlokas
- 1
उदगावृत्त उद्गाता
udagāvṛtta udgātā
- 2
पुरस्तात्प्रस्तोता प्रत्यङ्मुखः
purastātprastotā pratyaṅmukhaḥ
- 3
पश्चात्प्रतिहर्ता दक्षिणामुखः
paścātpratihartā dakṣiṇāmukhaḥ
- 4
स्तोत्रं प्रतिगृह्य पवमानजपं जपति
stotraṃ pratigṛhya pavamānajapaṃ japati
- 5
भूर्भुवः स्वर्मधु करिष्यामि मधु जनयिष्यामि मधु भविष्यति भद्रं भद्रम् इषम् ऊर्जं सोमोद्गायोद्गाय सोम मह्यं तेजसे मह्यं ब्रह्मवर्चसाय मह्यम् अन्नाद्याय मह्यं भूम्ने मह्यं पुष्ट्यै मह्यं प्रजननाय प्रजानां भूम्ने प्रजानां पुष्ट्यै प्रजानां मह्यं प्रजननाय प्रजानां भूम्ने प्रजानां पुष्ट्यै प्रजननाय सोमस्य राज्ञो राज्याय मम ग्रामणेयाय
bhūrbhuvaḥ svarmadhu kariṣyāmi madhu janayiṣyāmi madhu bhaviṣyati bhadraṃ bhadram iṣam ūrjaṃ somodgāyodgāya soma mahyaṃ tejase mahyaṃ brahmavarcasāya mahyam annādyāya mahyaṃ bhūmne mahyaṃ puṣṭyai mahyaṃ prajananāya prajānāṃ bhūmne prajānāṃ puṣṭyai prajānāṃ mahyaṃ prajananāya prajānāṃ bhūmne prajānāṃ puṣṭyai prajananāya somasya rājño rājyāya mama grāmaṇeyāya
- 6
दिशः प्रदिश आदिशो विदिश उद्दिशो दिशि इति
diśaḥ pradiśa ādiśo vidiśa uddiśo diśi iti
- 7
प्रत्येति वाग्भूर्भुवः स्वर् ओम् इत्य् आवर्तिषु
pratyeti vāgbhūrbhuvaḥ svar om ity āvartiṣu
- 8
दिश स्थ श्रोत्रं मे मा हिंसिष्टेत्य् उपगातॄन्प्रत्यभिमृशति
diśa stha śrotraṃ me mā hiṃsiṣṭety upagātṝnpratyabhimṛśati
- 9
अथ संप्रेष्यति
atha saṃpreṣyati
- 10
ब्रह्मन्स्तोष्यामः प्रशास्तर् इति
brahmanstoṣyāmaḥ praśāstar iti
- 11
प्रस्तोता ब्रह्माणम् आह प्रसव उक्त उपदधाति
prastotā brahmāṇam āha prasava ukta upadadhāti
- 12
ते सकृद्धिंकृतेन पराचा बहिष्पवमानेन स्तुवते
te sakṛddhiṃkṛtena parācā bahiṣpavamānena stuvate
- 13
अहिंकृता रेतस्या भवति हिंकृतानीतराणि गायत्राणि
ahiṃkṛtā retasyā bhavati hiṃkṛtānītarāṇi gāyatrāṇi
- 14
स्तुते यजमानं वाचयति श्येनो ऽसि गायत्रच्छन्दा अनु त्वा रभे स्वस्ति मा संपारया मा स्तुतस्य स्तुतं गम्याद् इन्द्रवन्तो वनामहे धुक्षीमहि प्रजाम् इषम् आपं समापं साम्ना समापम् इति
stute yajamānaṃ vācayati śyeno 'si gāyatracchandā anu tvā rabhe svasti mā saṃpārayā mā stutasya stutaṃ gamyād indravanto vanāmahe dhukṣīmahi prajām iṣam āpaṃ samāpaṃ sāmnā samāpam iti
- 15
वृषको ऽसि त्रिष्टुप्छन्देति माध्यन्दिने पवमाने
vṛṣako 'si triṣṭupchandeti mādhyandine pavamāne
- 16
स्वरो ऽसि गयो ऽसि जगतीछन्देत्य् आर्भवे
svaro 'si gayo 'si jagatīchandety ārbhave
- 17
स्तुतस्य स्तुतम् अस्य् ऊर्जस्वत्पयस्वद् इत्य् आवर्तिषु
stutasya stutam asy ūrjasvatpayasvad ity āvartiṣu
- 18
अथ स्तुवानः पवमानेषु मध्यमाम् अध्वर्यवे प्राहोत्तमाम् आवर्तिषु होत्रे
atha stuvānaḥ pavamāneṣu madhyamām adhvaryave prāhottamām āvartiṣu hotre
- 19
अथैतद् उदपात्रं चात्वाले ऽवनयति समुद्रं वः प्रहिणोम्य् अक्षिता स्वां योनिम् अपिगच्छतारिष्टा अस्माकं वीराः सन्तु मा परासेचि न स्वम् इति
athaitad udapātraṃ cātvāle 'vanayati samudraṃ vaḥ prahiṇomy akṣitā svāṃ yonim apigacchatāriṣṭā asmākaṃ vīrāḥ santu mā parāseci na svam iti
- 20
स यद् एवान्य उत्तिष्ठेत्तम् उत्तिष्ठन्तम् आरभ्यानूत्तिष्ठेत्
sa yad evānya uttiṣṭhettam uttiṣṭhantam ārabhyānūttiṣṭhet
- 21
उत्थायोत्तरे वेद्यन्ते यजमानं विक्रमयति मा स्वर्गाल्लोकाद् अवच्छैत्सीर् इति
utthāyottare vedyante yajamānaṃ vikramayati mā svargāllokād avacchaitsīr iti
- 22
दक्षिणं पादम् अन्तर्वेदि मास्माद् इति सव्यं बहिर्वेदि
dakṣiṇaṃ pādam antarvedi māsmād iti savyaṃ bahirvedi

