20 shlokas
- 1
आरूढो जपतीमां सु नावम् आरुहम् इत्य् एताम्
ārūḍho japatīmāṃ su nāvam āruham ity etām
- 2
विष्णोः शर्मासि शर्म यजमानस्य शर्म मे यच्छेत्य् अंसं प्रोर्णुते
viṣṇoḥ śarmāsi śarma yajamānasya śarma me yacchety aṃsaṃ prorṇute
- 3
नक्षत्राणां मातीकाशात्पाहीत्य् उष्णीषेण शिरो वेष्टयते
nakṣatrāṇāṃ mātīkāśātpāhīty uṣṇīṣeṇa śiro veṣṭayate
- 4
सशिरो वा प्रोर्णुते यथासुष्ठु
saśiro vā prorṇute yathāsuṣṭhu
- 5
पत्न्याः शिरसि कुम्बकुरीरं कल्पयति
patnyāḥ śirasi kumbakurīraṃ kalpayati
- 6
जालं कुरीरम् इत्य् आचक्षते
jālaṃ kurīram ity ācakṣate
- 7
कृष्णानां जीवोर्णानां भवतीति विज्ञायते
kṛṣṇānāṃ jīvorṇānāṃ bhavatīti vijñāyate
- 8
अथैनां क्षौमेण वाससा प्राचीनमात्रा परिधापयति
athaināṃ kṣaumeṇa vāsasā prācīnamātrā paridhāpayati
- 9
ऊर्ध्ववास्यं ब्रुवते
ūrdhvavāsyaṃ bruvate
- 10
यजमानम् अन्यतरतःपाशया मौञ्ज्या मेखलया त्रिवृता पृथ्व्या मध्यतः संनह्यत्य् ऊर्ग् अस्य् आङ्गिरसीति
yajamānam anyatarataḥpāśayā mauñjyā mekhalayā trivṛtā pṛthvyā madhyataḥ saṃnahyaty ūrg asy āṅgirasīti
- 11
उत्तरेण नाभिं निष्टर्क्यं ग्रन्थिं कृत्वा दक्षिणतो नाभेः पर्यूहते
uttareṇa nābhiṃ niṣṭarkyaṃ granthiṃ kṛtvā dakṣiṇato nābheḥ paryūhate
- 12
योक्त्रेण पत्नीं संनह्यति यथा दर्शपूर्णमासयोः सं त्वा नह्यामीत्य् एतया
yoktreṇa patnīṃ saṃnahyati yathā darśapūrṇamāsayoḥ saṃ tvā nahyāmīty etayā
- 13
अथास्मै त्रिवलिं पञ्चवलिं वा कृष्णविषाणां प्रदक्षिणावर्तां प्रयच्छतीन्द्रस्य योनिर् असि मा मा हिंसीर् इति
athāsmai trivaliṃ pañcavaliṃ vā kṛṣṇaviṣāṇāṃ pradakṣiṇāvartāṃ prayacchatīndrasya yonir asi mā mā hiṃsīr iti
- 14
ताम् एतेनैव मन्त्रेणाबध्नाति
tām etenaiva mantreṇābadhnāti
- 15
तया वेदेर्लोष्टम् उद्धन्ति कृष्यै त्वा सुसस्याया इति
tayā vederloṣṭam uddhanti kṛṣyai tvā susasyāyā iti
- 16
सुपिप्पलाभ्यस्त्वौषधीभ्य इति शिरसि कण्डूयते यदास्य कण्डूयति
supippalābhyastvauṣadhībhya iti śirasi kaṇḍūyate yadāsya kaṇḍūyati
- 17
विषाणे विष्यैतं ग्रन्थिं यद् अस्य गुल्फितं हृदि मनो यद् अस्य गुल्फितम् इत्य् अङ्गेषु
viṣāṇe viṣyaitaṃ granthiṃ yad asya gulphitaṃ hṛdi mano yad asya gulphitam ity aṅgeṣu
- 18
अथास्मा औदुम्बरं दीक्षितदण्डं प्रयच्छति मुखेन संमितम् ऊर्ध्वसद् असि वानस्पत्यः सुद्युम्नो द्युम्नं यजमानाय धेहीति
athāsmā audumbaraṃ dīkṣitadaṇḍaṃ prayacchati mukhena saṃmitam ūrdhvasad asi vānaspatyaḥ sudyumno dyumnaṃ yajamānāya dhehīti
- 19
यः कश्च यज्ञियो वृक्षः फलग्रहिस्तस्य कार्य इत्य् एकेषाम्
yaḥ kaśca yajñiyo vṛkṣaḥ phalagrahistasya kārya ity ekeṣām
- 20
तं प्रतिगृह्णाति सूपस्था अद्य देवो वनस्पतिर् इति
taṃ pratigṛhṇāti sūpasthā adya devo vanaspatir iti

