21 shlokas
- 1
ताम् ईक्षमाणो जुहोति जूर् असि धृता मनसेति
tām īkṣamāṇo juhoti jūr asi dhṛtā manaseti
- 2
अपरं चतुर्गृहीतं गृहीत्वा शुक्रम् अस्य् अमृतम् असीति हिरण्यं घृताद् उद्धरति
aparaṃ caturgṛhītaṃ gṛhītvā śukram asy amṛtam asīti hiraṇyaṃ ghṛtād uddharati
- 3
वैश्वदेवं हविर् इत्य् आज्यम् अभिमन्त्रयते
vaiśvadevaṃ havir ity ājyam abhimantrayate
- 4
प्रमुच्य हिरण्यम् आदित्यम् उपतिष्ठते सूर्यस्य चक्षुर् आरुहम् इति
pramucya hiraṇyam ādityam upatiṣṭhate sūryasya cakṣur āruham iti
- 5
सोमक्रयणीम् अभिमन्त्रयते चिद् असि मनासीति प्रतिपद्येन्द्राय सोमम् इत्य् अन्तेन
somakrayaṇīm abhimantrayate cid asi manāsīti pratipadyendrāya somam ity antena
- 6
अथास्या दक्षिणेन पदा दक्षिणानि षट्पदान्य् अनुक्रामति वस्व्य् असि
रुद्रासीत्य् एतैर्मन्त्रैः
athāsyā dakṣiṇena padā dakṣiṇāni ṣaṭpadāny anukrāmati vasvy asi
rudrāsīty etairmantraiḥ
- 7
सप्तमं पदम् अभिनिगृह्णाति बृहस्पतिस्त्वा सुम्ने रण्वत्व् इति
saptamaṃ padam abhinigṛhṇāti bṛhaspatistvā sumne raṇvatv iti
- 8
तस्मिन्हिरण्यम् उपास्यैतच्चतुर्गृहीतं जुहोति पृथिव्यास्त्वा मूर्धन्न् आ जिघर्मि देवयजन इडायाः पदे घृतवति स्वाहेति
tasminhiraṇyam upāsyaitaccaturgṛhītaṃ juhoti pṛthivyāstvā mūrdhann ā jigharmi devayajana iḍāyāḥ pade ghṛtavati svāheti
- 9
यावद्घृतम् अनुविसृतं तावत्स्फ्येन परिलिखति परिलिखितं रक्षः परिलिखिता अरातय इति
yāvadghṛtam anuvisṛtaṃ tāvatsphyena parilikhati parilikhitaṃ rakṣaḥ parilikhitā arātaya iti
- 10
एवम् एव कृष्णविषाणयानुपरिलिखति
evam eva kṛṣṇaviṣāṇayānuparilikhati
- 11
यवत्त्मूतं स्थाल्यां संवपत्य् अस्मे राय इति
yavattmūtaṃ sthālyāṃ saṃvapaty asme rāya iti
- 12
त्वे राय इत्य् अध्वर्युर्यजमानाय प्रयच्छति
tve rāya ity adhvaryuryajamānāya prayacchati
- 13
तोते राय इति यजमानः पत्न्यै
tote rāya iti yajamānaḥ patnyai
- 14
पत्न्यै पदं प्रदीयमानम् अध्वर्युर् अभिमन्त्रयते माहं रायस्पोषेण वि योषम् इति
patnyai padaṃ pradīyamānam adhvaryur abhimantrayate māhaṃ rāyaspoṣeṇa vi yoṣam iti
- 15
सोमक्रयण्या पत्नीं संख्यापयति सं देवि देव्योर्वश्या पश्यस्वेति
somakrayaṇyā patnīṃ saṃkhyāpayati saṃ devi devyorvaśyā paśyasveti
- 16
पद उदपात्रम् उपनिनयत्य् उन्नम्भय पृथिवीम् इति
pada udapātram upaninayaty unnambhaya pṛthivīm iti
- 17
पदे सहिरण्यौ पाणी प्रक्षाल्य गार्हपत्यस्य शीते भस्मनि पदतृतीयम् उपवपति
pade sahiraṇyau pāṇī prakṣālya gārhapatyasya śīte bhasmani padatṛtīyam upavapati
- 18
एवम् आहवनीयम्तृतीयम्
evam āhavanīyamtṛtīyam
- 19
तृतीयम् अक्षोपाञ्जनायावशिनष्टि
tṛtīyam akṣopāñjanāyāvaśinaṣṭi
- 20
तत्पत्नी गृहेषु निधत्ते
tatpatnī gṛheṣu nidhatte
- 21
सहिरण्येन पाणिनादित्यम् उपतिष्ठते
sahiraṇyena pāṇinādityam upatiṣṭhate

