19 shlokas
- 1
देव सूर्य सोमं क्रेष्यामस्तं ते प्रब्रूम
ऋतून्कल्पय दक्षिणाः कल्पय यथर्तु यथादेवतम्
deva sūrya somaṃ kreṣyāmastaṃ te prabrūma
ṛtūnkalpaya dakṣiṇāḥ kalpaya yathartu yathādevatam
- 2
अत्रैके राज्ञो निवपनं समामनन्ति
atraike rājño nivapanaṃ samāmananti
- 3
शकटेन राज्ञो ऽन्तिकं यान्त्य् अपि पन्थाम् अगस्महीति
śakaṭena rājño 'ntikaṃ yānty api panthām agasmahīti
- 4
उद्धृतपूर्वफलकं भवति
uddhṛtapūrvaphalakaṃ bhavati
- 5
अभितो राजानं विमुच्य मुखेन प्रतिष्ठाप्याभिमन्त्रयते ऽंशुना ते अंशुः पृच्यताम् इति
abhito rājānaṃ vimucya mukhena pratiṣṭhāpyābhimantrayate 'ṃśunā te aṃśuḥ pṛcyatām iti
- 6
उत्तरेण राजानं चर्मणि द्विगुणं क्षौमं प्राचीनग्रीवदशम् उत्तरदशं वास्तीर्य तस्मिन्सहिरण्येन पाणिना राजानं मिमीते ऽभि त्यं देवं सवितारम् इति
uttareṇa rājānaṃ carmaṇi dviguṇaṃ kṣaumaṃ prācīnagrīvadaśam uttaradaśaṃ vāstīrya tasminsahiraṇyena pāṇinā rājānaṃ mimīte 'bhi tyaṃ devaṃ savitāram iti
- 7
एकयैकयोत्सर्गं मिमीते
ekayaikayotsargaṃ mimīte
- 8
सर्वास्व् अङ्गुष्ठम् उपनिगृह्णाति
sarvāsv aṅguṣṭham upanigṛhṇāti
- 9
यया प्रथमं न तया पञ्चमम्
तयैवोत्तमम्
yayā prathamaṃ na tayā pañcamam
tayaivottamam
- 10
पञ्चकृत्वो यजुषा मिमीते पञ्चकृत्वस्तूष्णीम्
pañcakṛtvo yajuṣā mimīte pañcakṛtvastūṣṇīm
- 11
प्रजाभ्यस्त्वेत्य् अवशिष्टम् उपसमूह्य वाससो ऽन्तान्समुच्चित्य क्षौमेणोष्णीषेणोपनह्यति प्राणाय त्वेति
व्यानाय त्वेत्य् अनुशृन्थति
prajābhyastvety avaśiṣṭam upasamūhya vāsaso 'ntānsamuccitya kṣaumeṇoṣṇīṣeṇopanahyati prāṇāya tveti
vyānāya tvety anuśṛnthati
- 12
विस्रस्यावेक्षते प्रजास्त्वम् अनु प्राणिहि प्रजास्त्वाम् अनु प्राणन्त्व् इति
visrasyāvekṣate prajāstvam anu prāṇihi prajāstvām anu prāṇantv iti
- 13
सोमविक्रयिणो राजानं प्रत्तं यजमानो ऽभिमन्त्रयत एष ते गायत्रो भाग इति मे सोमाय ब्रूताद् इत्य् एतैर्मन्त्रैः
somavikrayiṇo rājānaṃ prattaṃ yajamāno 'bhimantrayata eṣa te gāyatro bhāga iti me somāya brūtād ity etairmantraiḥ
- 14
तत आह सोमविक्रयिन्क्रय्यस्ते सोमा३ इति
tata āha somavikrayinkrayyaste somā3 iti
- 15
क्रय्या३ इत्य् आह सोमविक्रयी
krayyā3 ity āha somavikrayī
- 16
तं क्रीणाति सोमं ते क्रीणाम्य् ऊर्जस्वन्तं पयस्वन्तं वीर्यावन्तम् अभिमातिषाहम्
गवा ते क्रीणानीति
taṃ krīṇāti somaṃ te krīṇāmy ūrjasvantaṃ payasvantaṃ vīryāvantam abhimātiṣāham
gavā te krīṇānīti
- 17
सा व्याख्याता
sā vyākhyātā
- 18
भूय एवातः सोमो राजार्हतीति सोमविक्रय्य् आह
bhūya evātaḥ somo rājārhatīti somavikrayy āha
- 19
भूय एवातः सोमो राजार्हतीत्य् अध्वर्युः
bhūya evātaḥ somo rājārhatīty adhvaryuḥ

