14 shlokas
- 1
उद्यन्तम् आदित्यम् उपतिष्ठते याः पशूनाम् ऋषभे वाचो अग्ने ता अग्ने सूर्यः शुक्रो अग्रे
ता वः प्रहिणोमि यथाभागम् अत्र शिवा नस्ताः पुनरायन्तु वाच इति
udyantam ādityam upatiṣṭhate yāḥ paśūnām ṛṣabhe vāco agne tā agne sūryaḥ śukro agre
tā vaḥ prahiṇomi yathābhāgam atra śivā nastāḥ punarāyantu vāca iti
- 2
उदित आदित्ये दुग्धे व्रते व्रतं कृणुतेति वाचं विसृजति
udita āditye dugdhe vrate vrataṃ kṛṇuteti vācaṃ visṛjati
- 3
एवं मध्यंदिने व्रतयति
evaṃ madhyaṃdine vratayati
- 4
अधिवृक्षसूर्ये व्रतप्रदो वाचं यमयत्य् अग्नीञ्ज्योतिष्मतः कुरुत दीक्षित वाचं यच्छ पत्नि वाचं यच्छेति
adhivṛkṣasūrye vrataprado vācaṃ yamayaty agnīñjyotiṣmataḥ kuruta dīkṣita vācaṃ yaccha patni vācaṃ yaccheti
- 5
एवम् एवात ऊर्ध्वम्
evam evāta ūrdhvam
- 6
मध्यरात्रे मध्यंदिने व्रतयति
madhyarātre madhyaṃdine vratayati
- 7
एवम् उपोदयम्
evam upodayam
- 8
अधिवृक्षसूर्ये व्रतप्रदो वाचं यमयति
adhivṛkṣasūrye vrataprado vācaṃ yamayati
- 9
न सूत्ये ऽहनि व्रतं विद्यत इत्य् एकम्
विद्यत इत्य् अपरम्
na sūtye 'hani vrataṃ vidyata ity ekam
vidyata ity aparam
- 10
स्वप्स्यन्न् आहवनीयम् अभिमन्त्रयते ऽग्ने त्वं सु जागृहि वयं सु मन्दिषीमहीति
svapsyann āhavanīyam abhimantrayate 'gne tvaṃ su jāgṛhi vayaṃ su mandiṣīmahīti
- 11
प्रबुध्य जपति त्वम् अग्ने व्रतपा असीति प्रतिपद्य विश्वे देवा अभि माम् अववृत्रन्न् इत्य् अन्तेन
prabudhya japati tvam agne vratapā asīti pratipadya viśve devā abhi mām avavṛtrann ity antena
- 12
त्वम् अग्ने व्रतपेति ब्रूयात्स्वप्स्यन्सुप्त्वा वा प्रतिबुध्य यदि वादीक्षितवाचो ऽवावदेत्
tvam agne vratapeti brūyātsvapsyansuptvā vā pratibudhya yadi vādīkṣitavāco 'vāvadet
- 13
एष एवात ऊर्ध्वं संवेशनप्रतिबोधनानां कल्पो भवति
eṣa evāta ūrdhvaṃ saṃveśanapratibodhanānāṃ kalpo bhavati
- 14
पूषा सन्या सोमो राधसेति
pūṣā sanyā somo rādhaseti

