22 shlokas
- 1
प्राचीनवंशं विमितं मिन्वन्ति पुरस्ताद् उन्नतम्
prācīnavaṃśaṃ vimitaṃ minvanti purastād unnatam
- 2
तस्य प्रतिदिशं द्वाराणि भवन्ति
उत्तरपूर्वम् अवान्तरदेशं प्रति पञ्चमं द्वारम्
tasya pratidiśaṃ dvārāṇi bhavanti
uttarapūrvam avāntaradeśaṃ prati pañcamaṃ dvāram
- 3
स्रक्तिष्व् आरोकान्कुर्वन्तीत्य् एकेषाम्
sraktiṣv ārokānkurvantīty ekeṣām
- 4
तस्मिन्सप्तहोतारं मनसानुद्रुत्याहवनीये सग्रहं जुहोति
tasminsaptahotāraṃ manasānudrutyāhavanīye sagrahaṃ juhoti
- 5
दीक्षणीयाम् इष्टिं निर्वपति
dīkṣaṇīyām iṣṭiṃ nirvapati
- 6
आग्नावैष्णवम् एकादशकपालम् आग्नावैष्णवं वा घृते चरुम्
āgnāvaiṣṇavam ekādaśakapālam āgnāvaiṣṇavaṃ vā ghṛte carum
- 7
पत्नीसंयाजान्ता दीक्षणीया संतिष्ठते
patnīsaṃyājāntā dīkṣaṇīyā saṃtiṣṭhate
- 8
यत्प्राग् अग्नीषोमीयात्सर्वं तद् उपांशु क्रियते
yatprāg agnīṣomīyātsarvaṃ tad upāṃśu kriyate
- 9
नात्रान्वाहार्यो भवति
nātrānvāhāryo bhavati
- 10
उत्तरेण प्राग्वंशं परिश्रिते यजमानः केशश्मश्रु वापयते
uttareṇa prāgvaṃśaṃ pariśrite yajamānaḥ keśaśmaśru vāpayate
- 11
तस्य दक्षिणं गोदानम् उनत्त्य् आप उदन्तु जीवस इति
tasya dakṣiṇaṃ godānam unatty āpa udantu jīvasa iti
- 12
त्रेण्या शलल्या विनीय त्रीणि दर्भपुञ्जीलान्य् ऊर्ध्वाग्राण्य् उपनियच्छत्य् ओषधे त्रायस्वैनम् इति
treṇyā śalalyā vinīya trīṇi darbhapuñjīlāny ūrdhvāgrāṇy upaniyacchaty oṣadhe trāyasvainam iti
- 13
स्वधिते मैनं हिंसीर् इति स्वधितिनाधिनिदधाति
svadhite mainaṃ hiṃsīr iti svadhitinādhinidadhāti
- 14
देवश्रूर् एतानि प्र वप इति प्रवपति
devaśrūr etāni pra vapa iti pravapati
- 15
स्वस्त्य् उत्तराण्य् अशीयेत्य् एतं मन्त्रं यजमानो जपति
svasty uttarāṇy aśīyety etaṃ mantraṃ yajamāno japati
- 16
श्मश्रूण्य् अग्रे वापयते ऽथोपपक्षाव् अथ केशान् इति विज्ञायते
śmaśrūṇy agre vāpayate 'thopapakṣāv atha keśān iti vijñāyate
- 17
औदुम्बरेण दन्तधावनेन दतो धावते लोहितम् अनागमयन्
audumbareṇa dantadhāvanena dato dhāvate lohitam anāgamayan
- 18
दन्तान्प्रक्षाल्याभ्यन्तरं नखानि कारयते
dantānprakṣālyābhyantaraṃ nakhāni kārayate
- 19
सव्यस्याग्रे कनिष्ठिकातः
अथ दक्षिणस्य
savyasyāgre kaniṣṭhikātaḥ
atha dakṣiṇasya
- 20
हस्त्यान्य् अग्रे ऽथ पद्यानि
hastyāny agre 'tha padyāni
- 21
यल्लोमशम् अवकावलं तीर्थं तस्मिन्स्नाति
yallomaśam avakāvalaṃ tīrthaṃ tasminsnāti
- 22
स्थावराः संतता भवन्ति
sthāvarāḥ saṃtatā bhavanti

