17 shlokas
- 1
आदाय राजानम् अध्वर्युर् उत्तिष्ठत्य् उद् आयुषा स्वायुषेति
ādāya rājānam adhvaryur uttiṣṭhaty ud āyuṣā svāyuṣeti
- 2
हरत्य् उर्व् अन्तरिक्षम् अन्विहीति
haraty urv antarikṣam anvihīti
- 3
शकटस्य नीडे कृष्णाजिनं प्राचीनग्रीवम् उत्तरलोमास्तृणात्य् अदित्याः सदो ऽसीति
śakaṭasya nīḍe kṛṣṇājinaṃ prācīnagrīvam uttaralomāstṛṇāty adityāḥ sado 'sīti
- 4
तस्मिन्राजानम् आसादयत्य् अदित्याः सद आसीदेति
tasminrājānam āsādayaty adityāḥ sada āsīdeti
- 5
अथैनं वाससा पर्यानह्यति वनेषु व्य् अन्तरिक्षं ततानेति
athainaṃ vāsasā paryānahyati vaneṣu vy antarikṣaṃ tatāneti
- 6
उद् उ त्यं जातवेदसम् इति सौर्यर्चा कृष्णाजिनं प्रत्यानह्यति
ud u tyaṃ jātavedasam iti sauryarcā kṛṣṇājinaṃ pratyānahyati
- 7
उस्राव् एतं धूर्षाहाव् इत्य् अनड्वाहाव् उपाजति
usrāv etaṃ dhūrṣāhāv ity anaḍvāhāv upājati
- 8
धुराव् अभिमृशति यथा दर्शपूर्णमासयोः
dhurāv abhimṛśati yathā darśapūrṇamāsayoḥ
- 9
वारुणम् असीति शकटम् आखिदति
vāruṇam asīti śakaṭam ākhidati
- 10
वरुणस्त्वोत्तभ्नात्व् इत्य् उपस्तभ्नोति
varuṇastvottabhnātv ity upastabhnoti
- 11
वारुणम् असीति योक्त्रपाशं परिहरति
vāruṇam asīti yoktrapāśaṃ pariharati
- 12
वरुणस्य स्कम्भनम् असीति शम्याम् अवदधाति
varuṇasya skambhanam asīti śamyām avadadhāti
- 13
प्रत्यस्तो वरुणस्य पाश इति बलीवर्दम् अभिदधाति
pratyasto varuṇasya pāśa iti balīvardam abhidadhāti
- 14
एवम् एवोत्तरम् अनड्वाहं युनक्ति
evam evottaram anaḍvāhaṃ yunakti
- 15
हरिणी पलाशशाखे शमीशाखे वा बिभ्रत्सुब्रह्मण्यो ऽन्तरेषे ऽवसर्पति
hariṇī palāśaśākhe śamīśākhe vā bibhratsubrahmaṇyo 'ntareṣe 'vasarpati
- 16
ततः संप्रेष्यति सोमाय राज्ञे क्रीताय प्रोह्यमाणायानुब्रूहि
ब्रह्मन्वाचं यच्छ
सुब्रह्मण्य सुब्रह्मण्याम् आह्वयेति
tataḥ saṃpreṣyati somāya rājñe krītāya prohyamāṇāyānubrūhi
brahmanvācaṃ yaccha
subrahmaṇya subrahmaṇyām āhvayeti
- 17
त्रिर् अनूक्तायां प्रथमायाम्
trir anūktāyāṃ prathamāyām

