15 shlokas
- 1
अथातिथ्यायास्तन्त्रं प्रक्रमयति
athātithyāyāstantraṃ prakramayati
- 2
इक्षुशलाके विधृती आश्ववालं प्रस्तरं बर्हिष्य् उपसंनह्यति
कार्ष्मर्यमयान्परिधीन् इध्मे
ikṣuśalāke vidhṛtī āśvavālaṃ prastaraṃ barhiṣy upasaṃnahyati
kārṣmaryamayānparidhīn idhme
- 3
द्वाविंशतिदारुम् इध्मं करोति
dvāviṃśatidārum idhmaṃ karoti
- 4
समानम् आ निर्वपणात्
samānam ā nirvapaṇāt
- 5
अन्वारब्धायां पत्न्याम् आतिथ्यं निर्वपति
anvārabdhāyāṃ patnyām ātithyaṃ nirvapati
- 6
पत्न्या वा हस्तेन
patnyā vā hastena
- 7
अग्नेर् आतिथ्यम् असि विष्णवे त्वेत्य् एतैर्मन्त्रैः पञ्चकृत्वो गृह्णाति
agner ātithyam asi viṣṇave tvety etairmantraiḥ pañcakṛtvo gṛhṇāti
- 8
सर्वेषु सावित्रं जुष्टं चानुषजेद् इत्य् एकम्
त्रिष्व् एवेत्य् अपरम्
sarveṣu sāvitraṃ juṣṭaṃ cānuṣajed ity ekam
triṣv evety aparam
- 9
वैष्णवो नवकपालः पुरोडाशो भवति
vaiṣṇavo navakapālaḥ puroḍāśo bhavati
- 10
वैष्णवा एवात ऊर्ध्वं निगमा भवन्ति
vaiṣṇavā evāta ūrdhvaṃ nigamā bhavanti
- 11
हविष्कृता वाचं विसृज्य तथैवोत्तरम् अनड्वाहं विमुञ्चति
haviṣkṛtā vācaṃ visṛjya tathaivottaram anaḍvāhaṃ vimuñcati
- 12
वारुणम् असीति राज्ञो वासो ऽपादत्ते
vāruṇam asīti rājño vāso 'pādatte
- 13
वरुणो ऽसि धृतव्रत इति राजानम्
varuṇo 'si dhṛtavrata iti rājānam
- 14
अछिद्रपत्रः प्रजा उपावरोहोशन्नुशतीः स्योनः स्योनाः
सोम राजन्विश्वास्त्वं प्रजा उपावरोह विश्वास्त्वां प्रजा उपावरोहन्त्व् इत्य् उपावहृत्य हरन्त्य् उर्व् अन्तरिक्षं वीहीति
achidrapatraḥ prajā upāvarohośannuśatīḥ syonaḥ syonāḥ
soma rājanviśvāstvaṃ prajā upāvaroha viśvāstvāṃ prajā upāvarohantv ity upāvahṛtya haranty urv antarikṣaṃ vīhīti
- 15
पूर्वया द्वारा प्राग्वंशं प्रपादयति या ते धामानि हविषा यजन्तीति
pūrvayā dvārā prāgvaṃśaṃ prapādayati yā te dhāmāni haviṣā yajantīti

