9 shlokas
- 1
अथात उपाकरणविसर्जने व्याख्यास्यामः
athāta upākaraṇavisarjane vyākhyāsyāmaḥ
- 2
श्रवणापक्ष ओषधीषु जातासु हस्तेन पौर्णमास्यां वोपाकर्म
śravaṇāpakṣa oṣadhīṣu jātāsu hastena paurṇamāsyāṃ vopākarma
- 3
अग्नेर् उपसमाधानाद्याज्यभागान्ते काण्डर्षीन्जुहोति काण्डनामानि वा प्रजापतये काण्डर्षये स्वाहेति प्राजापत्यानां प्रजापतये स्वाहेति वा सोमाय काण्डर्षये स्वाहेति सौम्यानां सोमाय स्वाहेति वाग्नये काण्डर्षये स्वाहेत्य् आग्नेयानाम् अग्नये स्वाहेति वा विश्वेभ्यो देवेभ्यः काण्डर्षिभ्यः स्वाहेति वैश्वदेवानां विश्वेभ्यो देवेभ्यः स्वाहेति वा स्वयंभुवे स्वाहेति
agner upasamādhānādyājyabhāgānte kāṇḍarṣīnjuhoti kāṇḍanāmāni vā prajāpataye kāṇḍarṣaye svāheti prājāpatyānāṃ prajāpataye svāheti vā somāya kāṇḍarṣaye svāheti saumyānāṃ somāya svāheti vāgnaye kāṇḍarṣaye svāhety āgneyānām agnaye svāheti vā viśvebhyo devebhyaḥ kāṇḍarṣibhyaḥ svāheti vaiśvadevānāṃ viśvebhyo devebhyaḥ svāheti vā svayaṃbhuve svāheti
- 4
सर्वेषां सदसस्पतिर्द्वितीयः
sarveṣāṃ sadasaspatirdvitīyaḥ
- 5
त्रीन् आदितो ऽनुवाकान् अधीयन्ते काण्डादीन्वा सर्वान्
trīn ādito 'nuvākān adhīyante kāṇḍādīnvā sarvān
- 6
त्र्यहम् एकाहं वाक्षाम्येताथाधीयीत
tryaham ekāhaṃ vākṣāmyetāthādhīyīta
- 7
मासं प्रदोषे नाधीयीत
māsaṃ pradoṣe nādhīyīta
- 8
तैषीपक्षस्य रोहिण्यां पौर्णमास्यां वोत्सर्गो ऽपि वा माघ्याम्
taiṣīpakṣasya rohiṇyāṃ paurṇamāsyāṃ votsargo 'pi vā māghyām
- 9
सहान्तेवासिभिः प्राचीम् उदीचीं वा दिशम् उपनिष्क्रम्य यत्रापः सुखावगाहा अवकिन्यः शङ्खिन्यस्तत्र गत्वापो हि ष्ठा मयोभुव इति तिसृभिर्हिरण्यवर्णाः शुचयः पावका इति चतसृभिः पवमानः सुवर्जन इत्य् एतेनानुवाकेन मार्जयित्वा
sahāntevāsibhiḥ prācīm udīcīṃ vā diśam upaniṣkramya yatrāpaḥ sukhāvagāhā avakinyaḥ śaṅkhinyastatra gatvāpo hi ṣṭhā mayobhuva iti tisṛbhirhiraṇyavarṇāḥ śucayaḥ pāvakā iti catasṛbhiḥ pavamānaḥ suvarjana ity etenānuvākena mārjayitvā

