19 shlokas
- 1
इन्द्राय स्वाहेन्द्रपुरुषेभ्यः स्वाहेति पुरस्तात्
indrāya svāhendrapuruṣebhyaḥ svāheti purastāt
- 2
यमाय स्वाहा यमपुरुषेभ्यः स्वाहेति दक्षिणतः
yamāya svāhā yamapuruṣebhyaḥ svāheti dakṣiṇataḥ
- 3
वरुणाय स्वाहा वरुणपुरुषेभ्यः स्वाहेति पश्चात्
varuṇāya svāhā varuṇapuruṣebhyaḥ svāheti paścāt
- 4
सोमाय स्वाहा सोमपुरुषेभ्यः स्वाहेत्य् उत्तरतः
somāya svāhā somapuruṣebhyaḥ svāhety uttarataḥ
- 5
अग्नये स्वाहेति पुरस्तात्
agnaye svāheti purastāt
- 6
यमाय स्वाहेति दक्षिणतः
yamāya svāheti dakṣiṇataḥ
- 7
वरुणाय स्वाहेति पश्चात्
varuṇāya svāheti paścāt
- 8
सोमाय स्वाहेत्य् उत्तरतः
somāya svāhety uttarataḥ
- 9
सप्तर्षिभ्यः स्वाहा सर्वभूतेभ्यः स्वाहेत्य् उत्तरपूर्वे देशे
saptarṣibhyaḥ svāhā sarvabhūtebhyaḥ svāhety uttarapūrve deśe
- 10
अथ दक्षिणतः प्राचीनावीती जुहोति पितृभ्यः स्वधा नमः पितामहेभ्यः स्वधा नमः प्रपितामहेभ्यः स्वधा नमो मातामहेभ्यः स्वधा नमो मातुः पितामहेभ्यः स्वधा नमो मातुः प्रपितामहेभ्यः स्वधा नम इति त्रीन्
atha dakṣiṇataḥ prācīnāvītī juhoti pitṛbhyaḥ svadhā namaḥ pitāmahebhyaḥ svadhā namaḥ prapitāmahebhyaḥ svadhā namo mātāmahebhyaḥ svadhā namo mātuḥ pitāmahebhyaḥ svadhā namo mātuḥ prapitāmahebhyaḥ svadhā nama iti trīn
- 11
अनुगेभ्यः स्वधा नम इति मध्ये
anugebhyaḥ svadhā nama iti madhye
- 12
अप उपस्पृश्योत्तरतो यज्ञोपवीती जुहोत्य् ऋग्वेदाय स्वाहा यजुर्वेदाय स्वाहा सामवेदाय स्वाहाथर्ववेदाय स्वाहाथर्वाङ्गिरोभ्यः स्वाहेतिहासपुराणेभ्यः स्वाहा सर्वदेवजनेभ्यः स्वाहा सर्वभूतेभ्यः स्वाहेति
apa upaspṛśyottarato yajñopavītī juhoty ṛgvedāya svāhā yajurvedāya svāhā sāmavedāya svāhātharvavedāya svāhātharvāṅgirobhyaḥ svāhetihāsapurāṇebhyaḥ svāhā sarvadevajanebhyaḥ svāhā sarvabhūtebhyaḥ svāheti
- 13
अथोर्ध्वं बलिं निनयति
ये भूताः प्रचरन्ति दिवा बलिम् इच्छन्तो वितुदस्य प्रेष्याः
तेभ्यो बलिं पुष्टिकामो हरामि मयि पुष्टिं पुष्टिपतिर्दधातु स्वाहेति
athordhvaṃ baliṃ ninayati
ye bhūtāḥ pracaranti divā balim icchanto vitudasya preṣyāḥ
tebhyo baliṃ puṣṭikāmo harāmi mayi puṣṭiṃ puṣṭipatirdadhātu svāheti
- 14
नक्तं बलिम् इच्छन्त इति रात्र्याम्
naktaṃ balim icchanta iti rātryām
- 15
अथार्केणैकपर्णेन बलिम्निनयति
येषां न माता पचते येषां रात्र्यां समागमम्
तेषाम् अहं तु भूतानां पिण्डं दास्याम्य् अयाचितः
भये मे ऽभयमस्तु दुर्भिक्षे च सुभिक्षणम्
जननमारके मृत्युजातिप्राये च काल्यतां स्वाहेति
athārkeṇaikaparṇena balimninayati
yeṣāṃ na mātā pacate yeṣāṃ rātryāṃ samāgamam
teṣām ahaṃ tu bhūtānāṃ piṇḍaṃ dāsyāmy ayācitaḥ
bhaye me 'bhayamastu durbhikṣe ca subhikṣaṇam
jananamārake mṛtyujātiprāye ca kālyatāṃ svāheti
- 16
पात्रसंक्षालनं निनयति निशि श्रितेभ्यः स्वाहा रुद्राय स्वाहेति वा
pātrasaṃkṣālanaṃ ninayati niśi śritebhyaḥ svāhā rudrāya svāheti vā
- 17
वैश्वदेवं हुत्वातिथिम् आकाङ्क्षेतागोदोहनकालम्
vaiśvadevaṃ hutvātithim ākāṅkṣetāgodohanakālam
- 18
अग्रं वोद्धृत्य निदध्यात्
agraṃ voddhṛtya nidadhyāt
- 19
यज्ञो वा एष पञ्चमो यद् अतिथिः
yajño vā eṣa pañcamo yad atithiḥ

