17 shlokas
- 1
अथ गृह्यप्रायश्चित्तानि
atha gṛhyaprāyaścittāni
- 2
यानि स्मर्यन्ते तानि वक्ष्यामः
yāni smaryante tāni vakṣyāmaḥ
- 3
शेषाणि वैतानिकानि स्युः
śeṣāṇi vaitānikāni syuḥ
- 4
होमदेवतायाः समाम्नानात्फलश्रुतेश्च
homadevatāyāḥ samāmnānātphalaśruteśca
- 5
या एवाग्निहोत्रे देवतास्ता औपासने य एवाहिताग्नेर्धर्मः स एव धर्मो य एवाहिताग्नेर्लोकः स एवौपासनिकस्येति शाट्यायनिब्राह्मणं भवति
yā evāgnihotre devatāstā aupāsane ya evāhitāgnerdharmaḥ sa eva dharmo ya evāhitāgnerlokaḥ sa evaupāsanikasyeti śāṭyāyanibrāhmaṇaṃ bhavati
- 6
तत्र ये पुरोडाशास्त इह चरवः
tatra ye puroḍāśāsta iha caravaḥ
- 7
पयोदधिपृषदाज्यानाम् आज्यवत्संस्कारः
payodadhipṛṣadājyānām ājyavatsaṃskāraḥ
- 8
न दध्नो ऽधिश्रयणम्
na dadhno 'dhiśrayaṇam
- 9
प्रत्यसने परिषेचनम् अद्भिः
pratyasane pariṣecanam adbhiḥ
- 10
रौद्रराक्षसनैरृतपैतृकछेदनभेदनखनननिरसनावघ्राणात्माभिमर्शनानि च कृत्वाप उपस्पृशेत्
raudrarākṣasanairṛtapaitṛkachedanabhedanakhanananirasanāvaghrāṇātmābhimarśanāni ca kṛtvāpa upaspṛśet
- 11
सर्वत्र स्कन्ने भिन्ने क्षामे दग्धे विपर्यासे ऽन्तरिते च द्वे मिन्दाहुती जुहोति यन्म आत्मनो मिन्दाभूत्पुनर् अग्निश्चक्षुर् अदाद् इति द्वाभ्याम्
sarvatra skanne bhinne kṣāme dagdhe viparyāse 'ntarite ca dve mindāhutī juhoti yanma ātmano mindābhūtpunar agniścakṣur adād iti dvābhyām
- 12
अथ स्कन्ने सं त्वा सिञ्चामीति स्कन्नम् अभिमन्त्र्योन्नम्भय पृथिवीम् इत्य् अपो ऽभ्यवहृत्य भूर् इत्य् उपस्थायास्कान्द्यौः पृथिवीम् इत्य् आहुतिं जुहोति
atha skanne saṃ tvā siñcāmīti skannam abhimantryonnambhaya pṛthivīm ity apo 'bhyavahṛtya bhūr ity upasthāyāskāndyauḥ pṛthivīm ity āhutiṃ juhoti
- 13
अथाज्यं चेद्देवाञ्जनम् अगन्यज्ञ इति चानुमन्त्रणं किंचिच्च दद्यात्
athājyaṃ ceddevāñjanam aganyajña iti cānumantraṇaṃ kiṃcicca dadyāt
- 14
भिन्ने भूमिर्भूमिम् अगाद् इति भिन्नम् अभिमन्त्र्योन्नम्भय पृथिवीम् इत्य् अपो ऽभ्यवहृत्य त्रयस्त्रिंशत्तन्तव इत्य् एतया जुहुयात्
bhinne bhūmirbhūmim agād iti bhinnam abhimantryonnambhaya pṛthivīm ity apo 'bhyavahṛtya trayastriṃśattantava ity etayā juhuyāt
- 15
अग्नौ प्रक्षेपणं दारुमये
agnau prakṣepaṇaṃ dārumaye
- 16
अथ क्षामे निरृत्यै त्वेति विदग्धम् अभिमन्त्र्य त्वं पराची त्वम् अवाची त्वं रक्षांसि गच्छेति दक्षिणापरम् उत्तरापरं वा दिशं तं प्रति निरस्यति
atha kṣāme nirṛtyai tveti vidagdham abhimantrya tvaṃ parācī tvam avācī tvaṃ rakṣāṃsi gaccheti dakṣiṇāparam uttarāparaṃ vā diśaṃ taṃ prati nirasyati
- 17
अग्नी रक्षांसि सेधतीति तिस्र आज्याहुतीर्जुहुयात्
agnī rakṣāṃsi sedhatīti tisra ājyāhutīrjuhuyāt

