16 shlokas
- 1
अहविष्य आगमनम् अन्यस्य
ahaviṣya āgamanam anyasya
- 2
एकदेशश्चेद् उद्धृत्यैतत्कृत्वैतया जुहुयात्
ekadeśaśced uddhṛtyaitatkṛtvaitayā juhuyāt
- 3
एतेनाशृतदुःशृते व्याख्याते
etenāśṛtaduḥśṛte vyākhyāte
- 4
अपो ऽभ्यवहरेत्
apo 'bhyavaharet
- 5
यत्र क्व चेन्धनम् अग्नाव् आदध्यात्स्वाहाकारेणादधातीति विज्ञायते
yatra kva cendhanam agnāv ādadhyātsvāhākāreṇādadhātīti vijñāyate
- 6
रुद्राय त्वेत्य् अशृतम् अभिमन्त्र्य यमाय त्वेति दुःशृतम्
rudrāya tvety aśṛtam abhimantrya yamāya tveti duḥśṛtam
- 7
अथ परिस्तरणदाहे ऽग्नये क्षामवते नमो नमः क्षामवान्मा मा हिंसीन्मा मे गृहं मा मे धनं मा मे प्रजां मा मे पशून् इत्य् अभिमन्त्र्याग्नये क्षामवते नमो नम इत्य् आहुतिं जुहुयात्
atha paristaraṇadāhe 'gnaye kṣāmavate namo namaḥ kṣāmavānmā mā hiṃsīnmā me gṛhaṃ mā me dhanaṃ mā me prajāṃ mā me paśūn ity abhimantryāgnaye kṣāmavate namo nama ity āhutiṃ juhuyāt
- 8
इन्द्रं वो विश्वतः परीति पुनः परिस्तीर्येन्द्राय स्वाहेत्य् आहुतिं जुहुयात्
indraṃ vo viśvataḥ parīti punaḥ paristīryendrāya svāhety āhutiṃ juhuyāt
- 9
अथ परिधिदाहे प्रदाव्यायाग्नये नमो नमः प्रदाव्यायेति
atha paridhidāhe pradāvyāyāgnaye namo namaḥ pradāvyāyeti
- 10
समानमत ऊर्ध्वम्
samānamata ūrdhvam
- 11
अग्नेः समिद् असीति पश्चार्धं यमस्य समिद् असीति दक्षिणार्धं सोमस्य समिद् असीत्य् उत्तरार्धम्
agneḥ samid asīti paścārdhaṃ yamasya samid asīti dakṣiṇārdhaṃ somasya samid asīty uttarārdham
- 12
इन्धानास्त्वा शतं हिमा इत्य् आहुतिं जुहुयात्
indhānāstvā śataṃ himā ity āhutiṃ juhuyāt
- 13
दुष्टे ऽन्यं परिदध्याद्गन्धर्वो ऽसीति प्रतिमन्त्रम्
duṣṭe 'nyaṃ paridadhyādgandharvo 'sīti pratimantram
- 14
अथ विपर्यासे त्वं नो अग्ने स त्वं नो अग्ने त्वम् अग्ने अयासि प्रजापत इति चतस्र आहुतीर्जुहुयात्
atha viparyāse tvaṃ no agne sa tvaṃ no agne tvam agne ayāsi prajāpata iti catasra āhutīrjuhuyāt
- 15
एता एवान्तरिते मनो ज्योतिर्जुषताम् इति पञ्चमीम्
etā evāntarite mano jyotirjuṣatām iti pañcamīm
- 16
अन्तरितं च कुर्यात्संस्थिते चेज्जानीयात्किंचिच्च दद्यात्
antaritaṃ ca kuryātsaṃsthite cejjānīyātkiṃcicca dadyāt

