19 shlokas
- 1
एकाग्निर्द्वादशाहं विच्छिन्नः पुनराधेयः
ekāgnirdvādaśāhaṃ vicchinnaḥ punarādheyaḥ
- 2
स एष औपनायनिको ऽग्निर् उक्तः
sa eṣa aupanāyaniko 'gnir uktaḥ
- 3
तस्य परिचर्या समिद्भिर्ब्रह्मचर्ये सायं प्रातर्यथोपदेशम्
tasya paricaryā samidbhirbrahmacarye sāyaṃ prātaryathopadeśam
- 4
स्नात ओषधीभिर्यथोपपन्नेन वान्नेन
snāta oṣadhībhiryathopapannena vānnena
- 5
स्त्री चैवं भर्तरि प्रमीते पाणिग्रहणाद् ऊर्ध्वम्
strī caivaṃ bhartari pramīte pāṇigrahaṇād ūrdhvam
- 6
पार्वणः पौर्णमास्याम् अमावास्यायां वा रोहिण्यां मृगशिरसि पुनर्वस्वोर्वा मध्यंदिन आदधीत
pārvaṇaḥ paurṇamāsyām amāvāsyāyāṃ vā rohiṇyāṃ mṛgaśirasi punarvasvorvā madhyaṃdina ādadhīta
- 7
उद्धते ऽवोक्षिते सिकतोपोप्ते परिश्रिते निदधाति
uddhate 'vokṣite sikatopopte pariśrite nidadhāti
- 8
याज्ञिकात्काष्ठाद् अग्निं मथित्वा लौकिकं वाहृत्य प्रणवेनाहरति
yājñikātkāṣṭhād agniṃ mathitvā laukikaṃ vāhṛtya praṇavenāharati
- 9
ब्रह्मा प्रणवेन प्रसौति
brahmā praṇavena prasauti
- 10
आसीनो व्याहृतीभिः प्रणवेनादधाति भूर्भुवः सुवर् ॐ पृथिव्यां त्वाम् ऋत आदधामि सत्ये त्वाम् ऋत आदधाम्य् ऋते त्वाम् ऋत आदधाम्य् अमृते त्वाम् ऋत आदधामि विहाय दौष्कृत्यं साधुकृत्यम् इति
āsīno vyāhṛtībhiḥ praṇavenādadhāti bhūrbhuvaḥ suvar oṃ pṛthivyāṃ tvām ṛta ādadhāmi satye tvām ṛta ādadhāmy ṛte tvām ṛta ādadhāmy amṛte tvām ṛta ādadhāmi vihāya dauṣkṛtyaṃ sādhukṛtyam iti
- 11
तत एतैः पृथिव्यां त्वाम् ऋत आदधामि सत्ये त्वाम् ऋत आदधाम्य् ऋते त्वाम् ऋत आदधाम्य् अमृते त्वाम् ऋत आदधामीति
tata etaiḥ pṛthivyāṃ tvām ṛta ādadhāmi satye tvām ṛta ādadhāmy ṛte tvām ṛta ādadhāmy amṛte tvām ṛta ādadhāmīti
- 12
आज्येन चौषधीभिश्च शमनीयाभिर् आहुतीभिस्तिसृभिः शमयति
या ते अग्ने पवमाना पशुषु प्रिया तनूर्या पृथिव्यां याग्नौ या रथंतरे या गायत्रे छन्दसीदं ते ताम् अवरुन्धे तस्यै ते स्वाहा
या ते अग्ने पावकाप्सु प्रिया तनूर्यान्तरिक्षे या वायौ या वामदेव्ये या त्रैष्टुभे छन्दसीदं ते ताम् अवरुन्धे तस्यै ते स्वाहा
या ते अग्ने सूर्ये शुचिः प्रिया तनूर्या दिवि यादित्ये या बृहति या जागते छन्दसीदं ते ताम् अवरुन्धे तस्यै ते स्वाहेति
ājyena cauṣadhībhiśca śamanīyābhir āhutībhistisṛbhiḥ śamayati
yā te agne pavamānā paśuṣu priyā tanūryā pṛthivyāṃ yāgnau yā rathaṃtare yā gāyatre chandasīdaṃ te tām avarundhe tasyai te svāhā
yā te agne pāvakāpsu priyā tanūryāntarikṣe yā vāyau yā vāmadevye yā traiṣṭubhe chandasīdaṃ te tām avarundhe tasyai te svāhā
yā te agne sūrye śuciḥ priyā tanūryā divi yāditye yā bṛhati yā jāgate chandasīdaṃ te tām avarundhe tasyai te svāheti
- 13
तिस्र आश्वत्थीः समिधो घृतान्वक्ता आदधात्य् अग्न आयूंषि पवस इति तिसृभिः
tisra āśvatthīḥ samidho ghṛtānvaktā ādadhāty agna āyūṃṣi pavasa iti tisṛbhiḥ
- 14
समुद्राद् ऊर्मिर्मधुमां उदारद् इति तिस्रः शमीमयीः
samudrād ūrmirmadhumāṃ udārad iti tisraḥ śamīmayīḥ
- 15
प्रेद्धो अग्ने दीदिहि पुरो न इत्य् औदुम्बरीम्
preddho agne dīdihi puro na ity audumbarīm
- 16
विधेम ते परमे जन्मन्न् अग्न इति वैकङ्कतीम्
vidhema te parame janmann agna iti vaikaṅkatīm
- 17
तां सवितुर्वरेण्यस्य चित्राम् इति शमीमयीम्
tāṃ saviturvareṇyasya citrām iti śamīmayīm
- 18
ततस्तूष्णीम् औपासनं हुत्वा यास्ते अग्ने घोरास्तनुवः स्निक्च स्नीहितिश्चेत्य् एताभ्याम् अनुवाकाभ्याम् उपस्थाय समानं दार्विहोमिका परिचेष्टा
tatastūṣṇīm aupāsanaṃ hutvā yāste agne ghorāstanuvaḥ snikca snīhitiścety etābhyām anuvākābhyām upasthāya samānaṃ dārvihomikā pariceṣṭā
- 19
दार्विहोमिकां परिचेष्टां कृत्वा
dārvihomikāṃ pariceṣṭāṃ kṛtvā

