9 shlokas
- 1
चत्वारिंशतम् अष्टौ चतुर्विंशतिर् एव वा सर्वदैव ब्रह्मचर्यं ग्रहणान्तं वा
catvāriṃśatam aṣṭau caturviṃśatir eva vā sarvadaiva brahmacaryaṃ grahaṇāntaṃ vā
- 2
वर्षाणि द्वादशावरार्ध्यम् इत्य् अपरम्
varṣāṇi dvādaśāvarārdhyam ity aparam
- 3
संवत्सरम् एतद्व्रतं चरेत्
saṃvatsaram etadvrataṃ caret
- 4
संवत्सरे पर्यवेते ऽग्नेर् उपसमाधानाद्याज्यभागान्ते यन्म आत्मनो मिन्दाभूत्पुनर् अग्निश्चक्षुर् अदाद् इति द्वे मिन्दाहुती जुहोति
saṃvatsare paryavete 'gner upasamādhānādyājyabhāgānte yanma ātmano mindābhūtpunar agniścakṣur adād iti dve mindāhutī juhoti
- 5
पूर्ववत्प्रधानाहुतीर्हुत्वा व्रतपतिभ्य आधापयति
अग्ने व्रतपते होतृभ्यो व्रतम् अचारिषं तद् अशकं तन्मे ऽराधि स्वाहा
वायो व्रतपत आदित्य व्रतपते व्रतानां व्रतपते होतृभ्यो व्रतम् अचारिषं तद् अशकं तन्मे ऽराधि स्वाहेति
pūrvavatpradhānāhutīrhutvā vratapatibhya ādhāpayati
agne vratapate hotṛbhyo vratam acāriṣaṃ tad aśakaṃ tanme 'rādhi svāhā
vāyo vratapata āditya vratapate vratānāṃ vratapate hotṛbhyo vratam acāriṣaṃ tad aśakaṃ tanme 'rādhi svāheti
- 6
उपनिषत्सूपनिषद्भ्यो व्रतम् अचारिषं तद् अशकं तन्मे ऽराधि स्वाहेति
upaniṣatsūpaniṣadbhyo vratam acāriṣaṃ tad aśakaṃ tanme 'rādhi svāheti
- 7
चित्तं च चित्तिश्चेति जयादि प्रतिपद्यते
cittaṃ ca cittiśceti jayādi pratipadyate
- 8
परिषेचनान्तं कृत्वाथैनं व्रतान्ते ऽध्यापयते श्रावयते वा महा होतार उपनिषद इति
pariṣecanāntaṃ kṛtvāthainaṃ vratānte 'dhyāpayate śrāvayate vā mahā hotāra upaniṣada iti
- 9
संतिष्ठते व्रतादेशविसर्जने संतिष्ठते व्रतादेशविसर्जने
saṃtiṣṭhate vratādeśavisarjane saṃtiṣṭhate vratādeśavisarjane

