9 shlokas
- 1
दक्षिणतः प्राचीनावीती वैशम्पायनाय फलिङ्गवे तित्तिरय उखायात्रेयाय पदकाराय कौण्डिण्याय वृत्तिकाराय कण्वाय बोधायनाय भरद्वाजाय सूत्रकारायापस्तम्बाय सर्वेभ्यः सूत्रकारेभ्य आचार्येभ्यः ऋषिभ्यो वानप्रस्थेभ्य ऊर्ध्वरेतोभ्य एकपत्नीभ्यश्च कल्पयामीति
dakṣiṇataḥ prācīnāvītī vaiśampāyanāya phaliṅgave tittiraya ukhāyātreyāya padakārāya kauṇḍiṇyāya vṛttikārāya kaṇvāya bodhāyanāya bharadvājāya sūtrakārāyāpastambāya sarvebhyaḥ sūtrakārebhya ācāryebhyaḥ ṛṣibhyo vānaprasthebhya ūrdhvaretobhya ekapatnībhyaśca kalpayāmīti
- 2
यथास्वं पितृभ्यश्च कल्पयन्ति मातामहेभ्यश्च पृथक्पृथग् इत्य् एतैर् एव नामधेयैः
yathāsvaṃ pitṛbhyaśca kalpayanti mātāmahebhyaśca pṛthakpṛthag ity etair eva nāmadheyaiḥ
- 3
गन्धपुष्पधूपदीपान्नफलोदकैर् अमुष्मै नमो ऽमुष्मै नम इति गन्धपुष्पधूपदीपैर् अमुष्मै स्वाहामुष्मै स्वाहेत्य् अन्नेनामुं तर्पयाम्य् अमुं तर्पयामीति फलोदकेनात्र नमस्यन्ति
gandhapuṣpadhūpadīpānnaphalodakair amuṣmai namo 'muṣmai nama iti gandhapuṣpadhūpadīpair amuṣmai svāhāmuṣmai svāhety annenāmuṃ tarpayāmy amuṃ tarpayāmīti phalodakenātra namasyanti
- 4
त्रीन् आदितो ऽनुवाकान् अधीयन्ते काण्डादीन्वा सर्वान्
trīn ādito 'nuvākān adhīyante kāṇḍādīnvā sarvān
- 5
काण्डात्काण्डात्प्ररोहन्तीति द्वाभ्याम् उदकान्ते दूर्वा रोपयन्ति
kāṇḍātkāṇḍātprarohantīti dvābhyām udakānte dūrvā ropayanti
- 6
अथोदधिं कुर्वन्ति
athodadhiṃ kurvanti
- 7
उन्नम्भय पृथिवीम् इति हस्तेन संसर्गास्त्रिर् उद्विध्या तमितोर् आजिं धावन्ति
unnambhaya pṛthivīm iti hastena saṃsargāstrir udvidhyā tamitor ājiṃ dhāvanti
- 8
एवं पारायणसमाप्तावनश्नत्पारायणम् अधीत्यैतत्कुर्वन्त्य् उदकान्ते दूर्वारोपणोदधिधावनवर्जम्
evaṃ pārāyaṇasamāptāvanaśnatpārāyaṇam adhītyaitatkurvanty udakānte dūrvāropaṇodadhidhāvanavarjam
- 9
प्रत्येत्य गृहान्ब्राह्मणान्भोजयेद् अपूपैर्धानाभिः सक्तुभिर् ओदनेनेत्य् एवम् एवाद्भिर् अहर् अहर्देवान् ऋषीन्पितॄंश्च तर्पयेत्तर्पयेत्
pratyetya gṛhānbrāhmaṇānbhojayed apūpairdhānābhiḥ saktubhir odanenety evam evādbhir ahar ahardevān ṛṣīnpitṝṃśca tarpayettarpayet

