16 shlokas
- 1
अथ पर्वण्य् अतीते मनो ज्योतिर् अयाश्चाग्ने यद् अस्मिन्न् अग्ने स्वस्ति न इन्द्र इति चतस्र आज्याहुतीर्हुत्वा स्थालीपाकं च कुर्यात्प्राग् अष्टम्याः
atha parvaṇy atīte mano jyotir ayāścāgne yad asminn agne svasti na indra iti catasra ājyāhutīrhutvā sthālīpākaṃ ca kuryātprāg aṣṭamyāḥ
- 2
अत ऊर्ध्वं सोपवासः कार्यो द्वयोर्द्वौ त्रिषु त्रय इति
ata ūrdhvaṃ sopavāsaḥ kāryo dvayordvau triṣu traya iti
- 3
एवं नैमित्तिकेष्व् अतीतेषु प्रायश्चित्तम्
evaṃ naimittikeṣv atīteṣu prāyaścittam
- 4
पार्वणवद्धोमः
pārvaṇavaddhomaḥ
- 5
पितृयज्ञे ऽतीते पक्षात्यये सोपवासः कार्य इति सिद्धम्
pitṛyajñe 'tīte pakṣātyaye sopavāsaḥ kārya iti siddham
- 6
नित्येषु चैवम् एव स्यात्
nityeṣu caivam eva syāt
- 7
अथ महायज्ञानाम्
atha mahāyajñānām
- 8
मनो ज्योतिर् इति द्वयोस्त्रयाणां चतुर्णां पञ्चानां वा
mano jyotir iti dvayostrayāṇāṃ caturṇāṃ pañcānāṃ vā
- 9
षष्ठप्रभृति तिस्रस्तन्तुमतीर्हुत्वा चतस्रो वारुणीर्जपेद् इमं मे वरुण तत्त्वा यामि यच्चिद्धि ते यत्किं चेत्य् आ नवरात्रात्
ṣaṣṭhaprabhṛti tisrastantumatīrhutvā catasro vāruṇīrjaped imaṃ me varuṇa tattvā yāmi yacciddhi te yatkiṃ cety ā navarātrāt
- 10
अत ऊर्ध्वम् आ दशरात्राच्चतस्रो ऽभ्यावर्तिनीर्हुत्वा कार्यस्तान्तुमतश्चरुः
ata ūrdhvam ā daśarātrāccatasro 'bhyāvartinīrhutvā kāryastāntumataścaruḥ
- 11
स्नातकस्यापि होमविछित्ताव् उक्तम्
snātakasyāpi homavichittāv uktam
- 12
प्राप्ते प्राजापत्ये तस्य विछित्तिस्तस्य तु पुनराधेयम्
prāpte prājāpatye tasya vichittistasya tu punarādheyam
- 13
मनो ज्योतिस्तन्तुमतीः पुनस्त्वादित्या रुद्रा इति च पूर्णाहुतिं प्रतीयात्
mano jyotistantumatīḥ punastvādityā rudrā iti ca pūrṇāhutiṃ pratīyāt
- 14
एताम् अग्न्युपघातेषु सर्वत्र स्त्रियाश्चैवं होमाभिगमनस्थालीपाकेषु
etām agnyupaghāteṣu sarvatra striyāścaivaṃ homābhigamanasthālīpākeṣu
- 15
सर्वेषाम् अन्ततो व्याहृतीर् इति सिद्धम्
sarveṣām antato vyāhṛtīr iti siddham
- 16
नम आचार्येभ्यो नम आचार्येभ्यः
nama ācāryebhyo nama ācāryebhyaḥ

