13 shlokas
- 1
निर्दग्धम् इति तस्मिन्न् अङ्गारम् अधिवर्तयति धर्त्रम् असि इति तस्मात्पूर्वं धरुणम् असीति तस्मात्पूर्वम्
nirdagdham iti tasminn aṅgāram adhivartayati dhartram asi iti tasmātpūrvaṃ dharuṇam asīti tasmātpūrvam
- 2
अष्टाकपालस्य द्वे मध्यमाद्दक्षिणे त्रीण्य् उत्तराणि दक्षिणयोर्धर्मासीति पूर्वं मरुतां शर्ध इत्य् अपरम्
aṣṭākapālasya dve madhyamāddakṣiṇe trīṇy uttarāṇi dakṣiṇayordharmāsīti pūrvaṃ marutāṃ śardha ity aparam
- 3
यन्त्रम् असीत्य् उत्तरेषाम् अपरं विश्वाभ्य इति पूर्वं चिद् असीति मध्यमम्
yantram asīty uttareṣām aparaṃ viśvābhya iti pūrvaṃ cid asīti madhyamam
- 4
तत उत्तर एकादशकपालस्याष्टाकपालवत्त्रीण्य् उपदधाति चिद् असीति तत्पूर्वं चतुर्थं यथोक्तम् अवान्तरदेशेषु
tata uttara ekādaśakapālasyāṣṭākapālavattrīṇy upadadhāti cid asīti tatpūrvaṃ caturthaṃ yathoktam avāntaradeśeṣu
- 5
चितः स्थेत्य् अवशिष्टानि
citaḥ sthety avaśiṣṭāni
- 6
भृगूणाम् अङ्गिरसाम् इति वेदेन कपालेष्व् अङ्गारान् अध्यूहति
bhṛgūṇām aṅgirasām iti vedena kapāleṣv aṅgārān adhyūhati
- 7
यानि घर्म इत्य् अनुद्रुत्येन्द्रवायू युङ्क्ताम् इति कपालानि युनक्ति
yāni gharma ity anudrutyendravāyū yuṅktām iti kapālāni yunakti
- 8
पात्र्यां निष्टप्योपवातायां पवित्रान्तर्हितायां देवस्य त्वेति कृष्णाजिनात्पिष्टानि यथादेवतं संवपति त्रिर्मन्त्रेण तूष्णीं चतुर्थम्
pātryāṃ niṣṭapyopavātāyāṃ pavitrāntarhitāyāṃ devasya tveti kṛṣṇājinātpiṣṭāni yathādevataṃ saṃvapati trirmantreṇa tūṣṇīṃ caturtham
- 9
संवपन्वाचं यच्छत्य् अभिवासयन्विसृजते
saṃvapanvācaṃ yacchaty abhivāsayanvisṛjate
- 10
देवो व इति प्रोक्षणीवत्पिष्टान्य् उत्पूय स्रुवेण प्रणीताभ्य आदाय वेदेनोपयम्य सम् आप इति पिष्टेषु निनयति
devo va iti prokṣaṇīvatpiṣṭāny utpūya sruveṇa praṇītābhya ādāya vedenopayamya sam āpa iti piṣṭeṣu ninayati
- 11
यदि प्रणीता न विद्येरन्याः काश्चापो मन्त्रेणोत्पूय ताभिः संनयेद् इत्य् आपत्कल्पः
yadi praṇītā na vidyeranyāḥ kāścāpo mantreṇotpūya tābhiḥ saṃnayed ity āpatkalpaḥ
- 12
अद्भ्यः परि प्रजाताः स्थेति मदन्तीर्निनयति
adbhyaḥ pari prajātāḥ stheti madantīrninayati
- 13
सम् अद्भिः प्रच्यध्वम् इति प्रदक्षिणं परिप्लावयति
sam adbhiḥ pracyadhvam iti pradakṣiṇaṃ pariplāvayati

