13 shlokas
- 1
वैश्वानरं ज्योतिर् इत्य् आहवनीयं प्रतीक्षते
vaiśvānaraṃ jyotir ity āhavanīyaṃ pratīkṣate
- 2
दृंहन्तां दुर्या इति प्रत्यवरोहति
dṛṃhantāṃ duryā iti pratyavarohati
- 3
स्वाहा द्यावापृथिवीभ्याम् इति स्कन्नान् अभिमन्त्र्योर्व् अन्तरिक्षम् अन्विहीति हृत्वादित्यास्त्वोपस्थे सादयामीत्य् अपरेण गार्हपत्यं यथादेवतम् उपसादयत्य् उत्तरेण वाग्ने हव्यं रक्षस्वेति गार्हपत्यं वोपतिष्ठते
svāhā dyāvāpṛthivībhyām iti skannān abhimantryorv antarikṣam anvihīti hṛtvādityāstvopasthe sādayāmīty apareṇa gārhapatyaṃ yathādevatam upasādayaty uttareṇa vāgne havyaṃ rakṣasveti gārhapatyaṃ vopatiṣṭhate
- 4
सशूकायां तिरः पवित्रं हवन्यां प्रोक्षणीः संस्कृत्य ब्रह्मन्प्रोक्षिष्यामीत्य् आमन्त्र्य प्रोक्ष यज्ञम् इति तेन प्रसूतो देवस्य त्वेति यथादेवतं त्रिः प्रोक्षेत्
saśūkāyāṃ tiraḥ pavitraṃ havanyāṃ prokṣaṇīḥ saṃskṛtya brahmanprokṣiṣyāmīty āmantrya prokṣa yajñam iti tena prasūto devasya tveti yathādevataṃ triḥ prokṣet
- 5
नाग्निम् अभिप्रोक्षेत्
nāgnim abhiprokṣet
- 6
पूर्ववत्पात्राणि प्रोक्षति
pūrvavatpātrāṇi prokṣati
- 7
वातस्य ध्राजिर् असीति कृष्णाजिनम् आदायावधूतं रक्ष इत्य् ऊर्ध्वग्रीवं बहिर्विशसनम् उत्करे त्रिर् अवधूनोति
vātasya dhrājir asīti kṛṣṇājinam ādāyāvadhūtaṃ rakṣa ity ūrdhvagrīvaṃ bahirviśasanam utkare trir avadhūnoti
- 8
अदित्यास्त्वग् असीति पुरस्तात्प्रतीचीनग्रीवम् उत्तरलोमोपस्तृणाति
adityāstvag asīti purastātpratīcīnagrīvam uttaralomopastṛṇāti
- 9
अधिषवणम् असीत्य् अनुत्सृजन्तस्मिन्न् उलूखलम् अधिवर्तयति
adhiṣavaṇam asīty anutsṛjantasminn ulūkhalam adhivartayati
- 10
अग्नेस्तनूर् असीत्य् अनुत्सृजन्न् उलूखले हविर् आवपति त्रिर्मन्त्रेण तूष्णीं चतुर्थम्
agnestanūr asīty anutsṛjann ulūkhale havir āvapati trirmantreṇa tūṣṇīṃ caturtham
- 11
अद्रिर् असीति मुसलम् आदायाव रक्षो दिवः सपत्नं बध्यासम् इति त्रिर् अवहन्ति
adrir asīti musalam ādāyāva rakṣo divaḥ sapatnaṃ badhyāsam iti trir avahanti
- 12
हविष्कृद् एहीति त्रिर्हविष्कृतम् आह्वयति ब्राह्मणस्य हविष्कृद् आगहीति राजन्यस्य हविष्कृद् आद्रवेति वैश्यस्य हविष्कृद् आधावेति रथकारस्य
haviṣkṛd ehīti trirhaviṣkṛtam āhvayati brāhmaṇasya haviṣkṛd āgahīti rājanyasya haviṣkṛd ādraveti vaiśyasya haviṣkṛd ādhāveti rathakārasya
- 13
हविष्कृता वाचं विसृज्य कस्त्वा युनक्ति स त्वा युनक्त्व् इति यजमानो यज्ञयोगेन यज्ञं युनक्ति
haviṣkṛtā vācaṃ visṛjya kastvā yunakti sa tvā yunaktv iti yajamāno yajñayogena yajñaṃ yunakti

