7 shlokas
- 1
श्वो भूते प्रातर् अग्निहोत्रं हुत्वोदित आदित्ये पौर्णमास्यास्तन्त्रम् आरभते प्राग् उदयाद् अमावास्यायाः
śvo bhūte prātar agnihotraṃ hutvodita āditye paurṇamāsyāstantram ārabhate prāg udayād amāvāsyāyāḥ
- 2
दर्शपूर्णमासयोर्यज्ञक्रत्वोश्चत्वार ऋत्विजो ब्रह्मा होताध्वर्युर् अग्नीद् इति
darśapūrṇamāsayoryajñakratvoścatvāra ṛtvijo brahmā hotādhvaryur agnīd iti
- 3
कर्मणे वाम् इति पाणिं प्रक्षाल्य यज्ञस्य संततिर् असीति गार्हपत्यात्संततम् आहवनीयाद् उलपराजिं स्तृणाति तूष्णीं दक्षिणाम् उत्तरां च
karmaṇe vām iti pāṇiṃ prakṣālya yajñasya saṃtatir asīti gārhapatyātsaṃtatam āhavanīyād ulaparājiṃ stṛṇāti tūṣṇīṃ dakṣiṇām uttarāṃ ca
- 4
दक्षिणेन आहवनीयं ब्रह्मयजमानयोर् आसने करोति पूर्वं ब्रह्मणे ऽपरं यजमानाय
dakṣiṇena āhavanīyaṃ brahmayajamānayor āsane karoti pūrvaṃ brahmaṇe 'paraṃ yajamānāya
- 5
उत्तरेण गार्हपत्यं दर्भान्संस्तीर्य यज्ञायुधानि द्वन्द्वं न्यञ्चि सादयति स्फ्यं च कपालानि चाग्निहोत्रहवनीं च शूर्पं च कृष्णाजिनं च शम्यां चोलूखलं च मुसलं च दृषच्चोपलां चेति पञ्च द्वन्द्वानि
uttareṇa gārhapatyaṃ darbhānsaṃstīrya yajñāyudhāni dvandvaṃ nyañci sādayati sphyaṃ ca kapālāni cāgnihotrahavanīṃ ca śūrpaṃ ca kṛṣṇājinaṃ ca śamyāṃ colūkhalaṃ ca musalaṃ ca dṛṣaccopalāṃ ceti pañca dvandvāni
- 6
खादिरं स्रुवं पालाशीं जुहूम् आश्वत्थीम् उपभृतं वैकङ्कतीं ध्रुवां वेदं पात्रीं मेक्षणं प्राशित्रहरणम् इडापात्रं प्रणीताप्रणयनम् इति पञ्च द्वन्द्वान्य् आज्यस्थालीम् अन्वाहार्यस्थालीम् अश्मानं सांनाय्यपात्राणि संनयतः कुम्भीं शाखापवित्रम् उपवेषम् अभिधानीं निदाने दोहनं च पूर्वेद्युः कृते पवित्रे चाष्टौ दारुपात्राणि यान्य् अहोमार्थानि तानि वारणानि येन चार्थः
khādiraṃ sruvaṃ pālāśīṃ juhūm āśvatthīm upabhṛtaṃ vaikaṅkatīṃ dhruvāṃ vedaṃ pātrīṃ mekṣaṇaṃ prāśitraharaṇam iḍāpātraṃ praṇītāpraṇayanam iti pañca dvandvāny ājyasthālīm anvāhāryasthālīm aśmānaṃ sāṃnāyyapātrāṇi saṃnayataḥ kumbhīṃ śākhāpavitram upaveṣam abhidhānīṃ nidāne dohanaṃ ca pūrvedyuḥ kṛte pavitre cāṣṭau dārupātrāṇi yāny ahomārthāni tāni vāraṇāni yena cārthaḥ
- 7
अत्र यजमानो भूपते भुवनपत इति ब्रह्मिष्ठं ब्रह्माणं वृत्वापरेणाहवनीयं दक्षिणातिक्रम्य दक्षिणत उदङ्मुख उपविशति
atra yajamāno bhūpate bhuvanapata iti brahmiṣṭhaṃ brahmāṇaṃ vṛtvāpareṇāhavanīyaṃ dakṣiṇātikramya dakṣiṇata udaṅmukha upaviśati

