13 shlokas
- 1
सुफलीकृतान्प्रक्षाल्य त्रिष्फलीक्रियमाणानाम् इत्य् अन्तर्वेदि त्रिः प्रक्षालनं निनयति
suphalīkṛtānprakṣālya triṣphalīkriyamāṇānām ity antarvedi triḥ prakṣālanaṃ ninayati
- 2
कृष्णाजिनकल्पो व्याख्यातः
kṛṣṇājinakalpo vyākhyātaḥ
- 3
दिवः स्कम्भनिर् असीति कृष्णाजिन उदीचीनकुम्बां शम्यां निधाय धिषणासि पर्वत्येति तस्यां प्राचीं दृषदं पश्चार्धेनाधिवर्तयति
divaḥ skambhanir asīti kṛṣṇājina udīcīnakumbāṃ śamyāṃ nidhāya dhiṣaṇāsi parvatyeti tasyāṃ prācīṃ dṛṣadaṃ paścārdhenādhivartayati
- 4
धिषणासि पार्वतेयीति दृषद्य् उपलां पूर्ववद् अनुत्सृजन्
dhiṣaṇāsi pārvateyīti dṛṣady upalāṃ pūrvavad anutsṛjan
- 5
अंशवः स्थ मधुमन्त इति तण्डुलान् अवेक्ष्य देवस्य त्वेति दृषदि यथादेवतं तण्डुलान् अधिवपति त्रिर्मन्त्रेण तूष्णीं चतुर्थम्
aṃśavaḥ stha madhumanta iti taṇḍulān avekṣya devasya tveti dṛṣadi yathādevataṃ taṇḍulān adhivapati trirmantreṇa tūṣṇīṃ caturtham
- 6
प्राणाय त्वेति प्राचीं प्रोहत्य् अपानाय त्वेति प्रतीचीं व्यानाय त्वेति मध्यदेशे दीर्घाम् अन्व् इति प्राचीम् अन्ततः
prāṇāya tveti prācīṃ prohaty apānāya tveti pratīcīṃ vyānāya tveti madhyadeśe dīrghām anv iti prācīm antataḥ
- 7
अत ऊर्ध्वं यथासुखं पिनष्टि
ata ūrdhvaṃ yathāsukhaṃ pinaṣṭi
- 8
देवो व इति कृष्णाजिने पिष्टानि प्रस्कन्दयेत्
devo va iti kṛṣṇājine piṣṭāni praskandayet
- 9
अदब्धेन त्वा चक्षुषावेक्ष इत्य् अवेक्ष्यासंवपन्ती पिंषाणूनि कुरुताद् इति हविःपेषीं संप्रेष्यति
adabdhena tvā cakṣuṣāvekṣa ity avekṣyāsaṃvapantī piṃṣāṇūni kurutād iti haviḥpeṣīṃ saṃpreṣyati
- 10
सा पिनष्टि
sā pinaṣṭi
- 11
अत्र मदन्तीर् अधिश्रयति
atra madantīr adhiśrayati
- 12
गार्हपत्ये हवींषि श्रपयति
gārhapatye havīṃṣi śrapayati
- 13
धृष्टिर् असीत्य् उपवेषम् आदायापहतं रक्ष इत्य् अभिमन्त्र्य तेनापरेणाग्नेः प्रत्यञ्चाव् अङ्गारौ व्यस्यापाग्ने ऽग्निम् इति दक्षिणम् अङ्गारं निरस्याप उपस्पृश्या देवयजं वहेत्य् अवशिष्टम् अवस्थाप्य ध्रुवम् असीति तस्मिन्कपालम् उपदधाति
dhṛṣṭir asīty upaveṣam ādāyāpahataṃ rakṣa ity abhimantrya tenāpareṇāgneḥ pratyañcāv aṅgārau vyasyāpāgne 'gnim iti dakṣiṇam aṅgāraṃ nirasyāpa upaspṛśyā devayajaṃ vahety avaśiṣṭam avasthāpya dhruvam asīti tasminkapālam upadadhāti

