9 shlokas
- 1
ब्रह्मन्न् अपः प्रणेष्यामि यजमान वाचं यच्छेति संप्रेष्यति
brahmann apaḥ praṇeṣyāmi yajamāna vācaṃ yaccheti saṃpreṣyati
- 2
प्रणय यज्ञम् इति ब्रह्मणा प्रसूतः प्रणयन्वाचं यच्छत्य् आ हविष्कृतो यजमानश्च
praṇaya yajñam iti brahmaṇā prasūtaḥ praṇayanvācaṃ yacchaty ā haviṣkṛto yajamānaśca
- 3
को३ वः प्रणयति स वः प्रणयत्व् इति स्फ्येनोपयम्य प्राणैः समं धारयमाणो ऽविषिञ्चन्प्रणयति
ko3 vaḥ praṇayati sa vaḥ praṇayatv iti sphyenopayamya prāṇaiḥ samaṃ dhārayamāṇo 'viṣiñcanpraṇayati
- 4
याः पुरस्ताद्भूश्च कश्चेति द्वाभ्यां यजमानः प्रणीयमाना अनुमन्त्रयते ब्रह्मपूता स्थेति चानेन
yāḥ purastādbhūśca kaśceti dvābhyāṃ yajamānaḥ praṇīyamānā anumantrayate brahmapūtā stheti cānena
- 5
अध्वर्युर् उत्तरेणाहवनीयं दर्भेषु सादयित्वा दर्भैर् अपिदधाति
adhvaryur uttareṇāhavanīyaṃ darbheṣu sādayitvā darbhair apidadhāti
- 6
ताः प्रणीता नेङ्गयन्त्य् आ संख्यानात्
tāḥ praṇītā neṅgayanty ā saṃkhyānāt
- 7
पवित्रे आदाय संविशन्ताम् इति सपवित्रेण पाणिना पात्राणि संमृशति
pavitre ādāya saṃviśantām iti sapavitreṇa pāṇinā pātrāṇi saṃmṛśati
- 8
दक्षाय त्वा वानस्पत्यो ऽसीत्य् अग्निहोत्रहवणीम् आदाय वेषाय त्वेति सव्येन शूर्पं च प्रत्युष्टम् इति गार्हपत्ये निष्टप्य यजमान हविर्निर्वप्स्यामीति यजमानम् आमन्त्रयते
dakṣāya tvā vānaspatyo 'sīty agnihotrahavaṇīm ādāya veṣāya tveti savyena śūrpaṃ ca pratyuṣṭam iti gārhapatye niṣṭapya yajamāna havirnirvapsyāmīti yajamānam āmantrayate
- 9
ॐ निर्वपेति यजमानेन प्रसूतः प्रवसत्य् अग्ने हविर्निर्वप्स्यामीत्य् उक्त्वोर्व् अन्तरिक्षम् अन्विहीति गच्छति
oṃ nirvapeti yajamānena prasūtaḥ pravasaty agne havirnirvapsyāmīty uktvorv antarikṣam anvihīti gacchati

