14 shlokas
- 1
अपरेणाहवनीयं यजमानायताम् अपरिमितां वा वेदिं करोति यावद् अर्थविस्तारां
apareṇāhavanīyaṃ yajamānāyatām aparimitāṃ vā vediṃ karoti yāvad arthavistārāṃ
- 2
यजमान इदं तस्मै हर्म्यं करोमीति वेदिदेशम् अभिमृशति
yajamāna idaṃ tasmai harmyaṃ karomīti vedideśam abhimṛśati
- 3
अध्वर्युर् अयं वेद इति वेदम् आदाय वेदेन वेदिं विविदुर् इति वेदिं पुरस्तात्त्रिः संमार्ष्टि
adhvaryur ayaṃ veda iti vedam ādāya vedena vediṃ vividur iti vediṃ purastāttriḥ saṃmārṣṭi
- 4
चतुःशिखण्डेति यजमानः संमृज्यमानाम् अनुमन्त्रयते
catuḥśikhaṇḍeti yajamānaḥ saṃmṛjyamānām anumantrayate
- 5
अध्वर्युः पूर्वार्धाद्वेदेर्वितृतीयदेशात्स्तम्बयजुर्हरति
adhvaryuḥ pūrvārdhādvedervitṛtīyadeśātstambayajurharati
- 6
देवस्य त्वेति स्फ्यम् आदायेन्द्रस्य बाहुर् असीत्य् अभिमन्त्र्य वायुर् असीति तस्य दर्भेणाग्रं तीक्ष्णीकृत्य पृथिव्यै वर्मासीति प्रागग्रम् उदगग्रं वा दर्भं निधाय पृथिवि देवयजनीति तस्मिन्स्फ्येन प्रहृत्यापहतो ऽररुर् इति स्फ्येन सदर्भमूलान्पांसून् अपादाय व्रजं गच्छेति हरति
devasya tveti sphyam ādāyendrasya bāhur asīty abhimantrya vāyur asīti tasya darbheṇāgraṃ tīkṣṇīkṛtya pṛthivyai varmāsīti prāgagram udagagraṃ vā darbhaṃ nidhāya pṛthivi devayajanīti tasminsphyena prahṛtyāpahato 'rarur iti sphyena sadarbhamūlānpāṃsūn apādāya vrajaṃ gaccheti harati
- 7
यो मा हृदेति यजमानो ह्रियमाणम् अभिमन्त्रयते
yo mā hṛdeti yajamāno hriyamāṇam abhimantrayate
- 8
वर्षतु ते द्यौर् इत्य् अध्वर्युर्वेदिम् अवेक्षते वर्षतु ते पर्जन्य इति यजमानं च
varṣatu te dyaur ity adhvaryurvedim avekṣate varṣatu te parjanya iti yajamānaṃ ca
- 9
नमो दिव इत्य् आग्नीध्र उत्तरतः प्रक्रमे ऽपरिमिते वोत्तानौ हस्तौ कृत्वोपविशति
namo diva ity āgnīdhra uttarataḥ prakrame 'parimite vottānau hastau kṛtvopaviśati
- 10
तस्याञ्जलाव् अध्वर्युर्बधान देव सवितर् इति सदर्भमूलान्पांसून्निवपति
tasyāñjalāv adhvaryurbadhāna deva savitar iti sadarbhamūlānpāṃsūnnivapati
- 11
अपहतो ऽररुः पृथिव्या इत्य् आग्नीध्रो न्युप्तं स्थण्डिले निक्षिप्याभिगृह्णाति
apahato 'raruḥ pṛthivyā ity āgnīdhro nyuptaṃ sthaṇḍile nikṣipyābhigṛhṇāti
- 12
स उत्करो भवति
sa utkaro bhavati
- 13
एवं द्वितीयम्
evaṃ dvitīyam
- 14
इदम् आपः शिवा इति द्वितीयं प्रहृत्यापहतो ऽररुः पृथिव्यै देवयजन्या इत्य् आदायापहता यातुधाना इत्य् आभिगृह्णाति द्वितीयम्
idam āpaḥ śivā iti dvitīyaṃ prahṛtyāpahato 'raruḥ pṛthivyai devayajanyā ity ādāyāpahatā yātudhānā ity ābhigṛhṇāti dvitīyam

