7 shlokas
- 1
द्रप्सस्ते दिवं मा स्कान् इति तृतीयं प्रहृत्यापहतो ऽररुः पृथिव्या अदेवयजन इत्य् आदायापहतो ऽघशंस इत्य् अभिगृह्णाति
drapsaste divaṃ mā skān iti tṛtīyaṃ prahṛtyāpahato 'raruḥ pṛthivyā adevayajana ity ādāyāpahato 'ghaśaṃsa ity abhigṛhṇāti
- 2
तूष्णीं चतुर्थं सर्वं तृणं हरत्य् अररुस्ते दिवं मा स्कान् इति चतुर्थम् अभिगृह्णाति
tūṣṇīṃ caturthaṃ sarvaṃ tṛṇaṃ haraty araruste divaṃ mā skān iti caturtham abhigṛhṇāti
- 3
वेदेः पूर्वं परिग्राहं परिगृह्णाति वसवस्त्वेति स्फ्येन दक्षिणतः प्राचीं लिखति
vedeḥ pūrvaṃ parigrāhaṃ parigṛhṇāti vasavastveti sphyena dakṣiṇataḥ prācīṃ likhati
- 4
यज्ञस्य त्वेति परिगृह्यमाणां यजमानो ऽनुमन्त्रयते
yajñasya tveti parigṛhyamāṇāṃ yajamāno 'numantrayate
- 5
रुद्रास्त्वेत्य् अध्वर्युः पश्चाद् उदीचीं लेखां लिखत्य् आदित्यास्त्वेत्य् उत्तरतः प्राचीं
rudrāstvety adhvaryuḥ paścād udīcīṃ lekhāṃ likhaty ādityāstvety uttarataḥ prācīṃ
- 6
ते ऽग्निना प्राञ्चो ऽजयन्न् इत्य् उक्तम्
te 'gninā prāñco 'jayann ity uktam
- 7
प्राञ्चौ वेद्यंसाव् उन्नयत्य् अभित आहवनीयं प्रतीची श्रोणी अभितो गार्हपत्यं मध्ये संनता वेदिर्वेदिः
prāñcau vedyaṃsāv unnayaty abhita āhavanīyaṃ pratīcī śroṇī abhito gārhapatyaṃ madhye saṃnatā vedirvediḥ

